Timeless

[MR.Google]

شباب ممكن سوال


الحين لون السكرب بيج او ازرق ؟ واي واحد لون راح تاخذ؟

[MiZ RoRy]

المشاركة الأصلية كتبت بواسطة dr.m-k السكرب تبع البنات>> royal blue color ماأدري إذا إلزامي أو لأ..يعني ماكانوا يقولولنا ليش مو لابسة سكرب؟؟.. يمكن حيقولوا لو روحتي للإدارة تبغي تسأليهم في حاجة ....ماجربت والله.. بس عموما يقال إنه إلزامي :p لكن أكيد لمن تجربيه حتحبيه مرة لأنه مرريح زي البيجاما.. =) وأفضل لاب كوت من تايم ليس أو سكربز.. وأفضل سكرب من سكربز!! واللاب كوت الرخيص دا مرررة سئ,,مايمشي معاكي اسبوعين خصوصا البنات عشان الطرحة السوداء بسرعة يسود!! >>برضو من خبرة d= بالتوفيق يارب..

حبيبتيي مررا شكرا على مساعدتك

وايش شرووط اللاب كوت عشان ابا افصلوا وما ابا اروح وارجع للمحل

وأهـــم شي متأكديين انو رويال بلو لسنة تانية طب

[FrfoSha]

المشاركة الأصلية كتبت بواسطة miz rory حبيبتيي مررا شكرا على مساعدتك وايش شرووط اللاب كوت عشان ابا افصلوا وما ابا اروح وارجع للمحل وأهـــم شي متأكديين انو رويال بلو لسنة تانية طب

اللي اعرفه انو مآ يكون فوق الركبة و ما يكون ضيق

يب .. الطب كلو لكل السنين رويآل بلو

[Dr~NanoOok]

شروط اللاب كوت للبنات

انه يكون واسع.. يعني مو مره ضيق و يفصّل الجسم
ويكون طوله إلى تحت الركبة أو نص الساق .. وفي بنات يخلوه طويل كأنه عباية

وهو الزي الرسمي عندنا بكل الكليات الطبية
سواءً في معامل أو لا

~

السكرب

لونه هو الـ royal blue
زي كده


أو يكون لونه أفتح من كده شوية
(ادخلوا على القوقل واكتبوا اللون وحيطلعلكم صور ليه)


وعموما اللون حقكم دا مو موجود عند محل Timeless
موجود عن محل scrubs اللي بمركز دانية

[MiZ RoRy]

بس بسأل (تاني وتالت XP )

لازم تكوون السكربز سادةولا عادي اللي فيها الوان تانية وخياطة



معليش عشا لسه ما رحت سكربز ولا تايملس

[Dr~NanoOok]

ما فرقت .. أهم شي اللون.. والقماش نفسه يكون سادة ما عليه رسومات
وأي موديل حابة تاخديه عادي

[RanoOosha]

[quote=Dr~NanoOok;2590503]شروط اللاب كوت للبنات

انه يكون واسع.. يعني مو مره ضيق و يفصّل الجسم
ويكون طوله إلى تحت الركبة أو نص الساق .. وفي بنات يخلوه طويل كأنه عباية




طيب واللي فصلت الاب كوت وخلصت وكان فوق الركبة بشوي
ايش تسوي ؟!
يعني هم راح يدققوا كثير

[Dr.3ez]

المشاركة الأصلية كتبت بواسطة MR.Google شباب ممكن سوال

المشاركة الأصلية كتبت بواسطة MR.Google الحين لون السكرب بيج او ازرق ؟ واي واحد لون راح تاخذ؟

اللي أعرفه أن طلاب الفرع برابغ لون سكربهم سماوي ...... أما طلاب الفرع الرئيسي فاللي أعرفه

أنه اللون الرسمي هو البيج أو الترابي بالنسبة للسنة الثانية (والظاهر الثالثة بعد كذا يغيروه للسماوي)

لكن يظهر لي أنهم مومره مشددين في هذه المسألة لان طلاب الدفعة اللي قبلنا قالو لنا في دورة

Teach me medicine أنهم يلبسوا أي لون ولا فيه تشديد في المسالة ....

رأيي أنه نصبر شوي وأول أسبوع في الدراسة تبين الأمور لأنه كل اللي قلناه يمكن يتغير ...

[Dr~NanoOok]

طيب واللي فصلت الاب كوت وخلصت وكان فوق الركبة بشوي ايش تسوي ؟! يعني هم راح يدققوا كثير

يدققوا وقت المعمل أو اذا طلعتوا المستشفى
أو اذا واحدة من الادارة شافتكم

أنصحك اذا فصلتي واحد
تفصلي واحد ثاني طويل ..

لأنه لاب كوت واحد ما يكفي لطول السنة
وخاصة اذا دخلتي المشرحة والمعامل واتسوّخ لاب كوتك

[ميس محامية]

فين محلات تايملس و سكرب ؟؟