لجميع طلاب وطالبات قسم القانون

[ملك]

من المشاكل اللي تواجهنا ان الدكتور لما يمتحنا نصفي يدخل كل اللي أخذنا من الأول معنا ويرهقنا وكأنه ماعندنا الا هي

هذي المادة ..!

طيب يعني بالأخير كذا أو كذا راح نذاكر الكتاب كله ...يخلونا نجمع درجات ونركز عالشي اللي ماختبرنا فيه ..!

والله الاسلوب هذا صار يجيب لي الخوف من الأمتحانات ..

أقسم بالله دخلت الجامعة ماعمري حملت هم قبل أختبار أما الآن يجيبني رعب مو طبيعي وببذل مجهود لكن مافي راحة بال

والتركيز من الخوف مشتت بسبب الدكاترة واللي يسووه فينا ..

يستسهلون المادة اللي يدرسوها لأنهم شاربينها ومايقدرو اننا حديثي عهد بالمادة ويلزمونا بفوق طاقتنا ..

مثلا فيه مادة أختبرناها ودخل الدكتور كل اللي أخذنا وراحوا الطالبات ركزوا على الجزئية اللي ماأختبرنا فيها وكانت

طويلة

طبعا هم متوقعين أنه يجيب معظم الأمتحان منه ..لكن المفاجأة انه فقرة صح وخطأ وحدة جات منه بس والباقي من الجزئية

الأولى اللي ماركزوا عليها البنات أو البعض مافتحها ..فالنتيجة اني دخلت القاعة وشفت بنات قالبين الورقه على ظهرها

وقاعدين مسرحين ..ومسلمين أمرهم لله والأسئلة جدا سهلة ..لكن قليلة قليلة جدا ..وغير متوقعة ..هذا تعجيز

أنا نفسي أفهم شي بس ليه فيه نفسية دكتور أنه يعجز الطلاب ..!

ليه فيه دكاترة مايهمهم داخل الطالب قبل عقله!

ليه مايفكر أنه ممكن يسوي عقدة لطالب ..!

كمان فيه مشكلة كبيرة مرة ..

وهي الصيفي ..الصيفي ألغوه بسبب أن مبنى التلفزيون فيه تعديلات طيب نحنا اش ذنبنا ؟!

هي كلها 8 اسابيع يقدرو يعدلو بعد كذا ..رمضان

فيه بنات خريجات كثيرجدا وكل وحدة تبغا تتخرج ولها ظروف خاصة

اللي تكون متزوجة وزوجها قرفان يبغاها تخلص ..

واللي تبغا تتزوج وتسافر

واللي قرفت وتبغا تخلص ..


وغيره ..!

كمان بالنسبة للأمتحانات التكميلية

لي صديقة ماحضرت امتحان لأنها لخبطت في موعد الأمتحان تحسبه يوم تاني فاضطرت تجيب عذر طبي والدكتور

وافق انه يعملها الأمتحان وكل شي تمام جات اتدخلت وكيلة الكلية ورفضت اختبارها وأصلا اللي سمعناها أنه خلاص

اي اختبار تكميلي يكون بين الطالب والدكتور ومايتدخل فيه احد وهذا كلام سمعنا من فم دكتورة ..

المهم البنت مستواها طيب أعطوها أف طبعا نزل مستواها ولكم تتخيلو لمن انسان طول عمره متفوق ولايرسب ويآخذ أف ظلم

لكن اش نقول حسبنا الله ونعم الوكيل ..وربي عالظالم ..

قالو مستوى الجامعة بين جامعات العالم جدا جدا منخفض ..لكن اذا علم السبب بطل العجب ..!

[.. دينــــا ..]

بصراحة غريب جداً الموقف السيء من البعض
وانا درست عند كل الدكاترة المذكورين بهالموضوع و اشوفهم من افضل دكاترة القسم
الله المستعان ،،


يعني دكاترة ما يساعدوا الطلاب نلومهم على بعدهم عن الطلاب
و أساتذة يقربوا من الطلاب و يحاولوا يخدموا بالمستطاع يلاموا و يطلب منهم المستحيل !


وهل معرفة الاسم تمنح الثقه اكثر فيه ! وبقدرته على حل المشاكل !!
الانسان يشكر على المبادرة وياخذ بيده ليبادر مبادرات اعمق واكثر وينقل له التصور بانه من اجل طلاب يستحقوا الافضل فعلاً
ما يحصل معه كل هذا ولا يتدنى المستوى بالحوار بهذا الشكل !!!

,


تحية ملئها احترام !

[lawyer]

السلام عليكم ورحمة الله وبركاته
تحية للجميع الطلاب
وبعد شكرا على الشكاوى والملاحظات وسوف يتم مناقشة جميع الملاحظات
والشكاوي
بشكل مستمر
مع ادراة القسم
بس ملاحظة
من الافضل بعد الان عند وضع شكوى ان تكتب الشكوى في ملف مرفق( word ) الى رئيس القسم او امين القسم او عميد الكلية
بدون ذكر اسم صاحب الشكوى وانما كتابة مجرد طالب او طالبة فقط
بس الرجاء ان تحتوي الشكوى على اسم المادة والشعبة واسم استاذة المادة مع الموضوعية في عرض المشكلة
حتي يتم النظر في الشكوى بشكل رسمي وعاجل


ملاحظة البعض يتصور
ان كل استاذ مادة ممكن
يتفهم وجهة نظر الاخرين
وان يغير اسلوبه فورا
او ان يقوم القسم بأصدار عقوبة ضد اي استاذ في حالة وجود اي شكوى من احد الطلاب
يامحامين المستقبل
لابد من التأكد من صحة الشكوى والموضوعية مع الاخذ في الاعتبار
انظمة الجامعة والعرف وحل المشكلة بشكل نظامي مع الاخذ في الاعتبار مصلحة الطالب

مثال
احد الطلاب يقول( المشاكل اللي تواجهنا ان الدكتور لما يمتحنا نصفي يدخل كل اللي أخذنا من الأول معنا ويرهقنا وكأنه ماعندنا الا هي

هذي المادة ..!)

بس ياعزيزي الطالب

هل تعتقد ان من المكن التحدث في هذا الموضوع
هذامن خصوصية استاذ المادة ولاتستطيع الادارة مناقشة هذا الموضوع
ولكن يكمن نعتبرها اقتراح ولكن ليس شكوى

ولابد من الجميع
ان يعلم حقيقة وهي ان ليس كل طالب جامعي يستطيع دراسة القانون
وانما فقط الطالب المميز والمجتهد
حيث دراسة القنون صعبة
وهذا النظام في جميع جامعات العالم
بس للاسف ماعدا جامعات السعودية هذا النظام غير مطبق

علي العموم سوف اضع جميع الملاحظة تحت يد ادارة القسم
وانا متاكد من حرص الادارة على مصلحة الطلاب

مع الشكر والتقدير
اكاديمي

[على البال]

ما قرأت الموضوع ولا عندي نيه ارجع واقرأ اكثرمن خمس صفحات انا الحمدلله تخرجت هذا الترم ..
المسألة واضحه جدا ...
دكتور في الاداري يطرد الطلاب بالجمله من القاعه ...ولا احد يحرك ساكن..!!
نفس الدكتور نسبة الرسوب عنده كبيره ...ولا احد يسأل ليه ..!!
وبسبب هذا الدكتور مع بدايةك ل ترم تسيرازمة حذف واضافه والدكتور العثمان عارف ليه ..!!ويصرح بالسبب ..!!
ولا احد يقول شيء..!!

بداية الترم الماضي اشتكينا هذا الدكتور عند د.العطاس ... ومن شكوانا عليه ان هذا الدكتورما تاخذ الورقة في التصحيح معه 10 ثواني ,,!! تصورفينفس القاعه يصحح وبسرعه رهيبه ..!!
قال العطاس هذه مكلة واكيد الدكتور يعرف من اول سطر الطاب حل ولا لأ.!! بعد هذا الكلام اش تدور..!!

دكتور في الجنائي لسا صغنون ..محاضرته كلها قصص و روايات ...ذبحنا بـ انا..انا..انا ..!!

وان شرح قرأ من الكتاب وهو مستعجل ..!!

الحل الوحيد وبكل صراحه هو تغيير 80% من اساتذة هذا القسم لأنه والله مهم دارين وين الله حطهم ..!!

تصوردكتور اداري رحت ارجع معه ورقة الاختبار ...جواب لسؤال ما عطاني عليه علامة اقول له ليه الجواب خطأ ..؟
يقول ..لأ اقول له صح ..يقول لأ .. لاحول ولاقوة الا بالله ..!!

طيب هذا الجواب محذوف من الكتاب يقول لأ..!!

هذا مو "دجة" بالله ..!!

يدخل رئيس القسو سابقا في السؤال الاخير...ويجلس ويعدل كرشته شوي على الكنب ..وبعدها يقول للدكتور عطه 15 كفاية..!!

طيب يا ذكي انت اش عرفك بالموضوع ..!!ولا هذه اسلوبك في الدرجات .!!شختك بختك..!!

نفس هذا الدكتورما حضر الا نص المحاضرات او اقل..!!

مافي حل الا التجديد...!! 80%...بكل صراحه المفروض "ينحون"..من مناصبهم ..!!

الوضع مزري...

وصدقني ...الطلاب ما يشوفوا في الدكاتره الا "دمى" متحركه عايشه في ابراج ..مدري وشو..

تعتب ..,,,,

[قانونيه]

للأن وماشفت رد يلا قبل مافقد حماسي وبعدها في علوم قبايل


في هذا القسم اليأس والقحـــــــــــــط والتقشف ..

مازلت استنى

[العندليب]

المشاركة الأصلية كتبت بواسطة قانونيه للأن وماشفت رد يلا قبل مافقد حماسي وبعدها في علوم قبايل في هذا القسم اليأس والقحـــــــــــــط والتقشف .. مازلت استنى

والله ما دام فيها علوم قبايل يا قانونية بجي معك
عشان نشوف اذا نزل مطر على القسم بعد ما كان فيه اثار التقشف و القحط
والا شكل الدكاترة ماصلوا صلاة الاستسقاء في القسم

[الرجل الحديدي]

المشاركة الأصلية كتبت بواسطة lawyer الايطالي مساء الخير بالنسبة لحذف المادة اعتقد مواعيد الحذف انتهت بس انصحك راجع الشؤون التعليميةاو امين القسم واسال عن مواعيد الحذف وطلب ic واتأكد بالنسبة ic لابد من تقديم عذر مقنع او موافقة الاستاذ حسين القرشي بس علي كل الاحوال راجع الدكتور محمد العثمان ورد عليا. وعلى العموم انا احاوال الاتصال به والاستفسار او اذا تحب اناقش معاك اسبابك لطلب الحذف وانا ممكن اشوف الاستاذ حسين القرشي بس الموضوع يحتاج وقت يمكن 1o ايام بس مااعتقد يوافق او لو تحب اترك لي اسمك وانا اشرح لامين القسم الموضوع قبل ماتروح او اكلم لك الاستاذ حسين زي ماتحب او انت تراجع الشؤون التعليمية او امين القسم وانا متأكد من الدكتور محمد العثمان راح يعطيك التفاصيل وفقا النظم والدكتورالعثمان انسان جدا محترم اضافة انت ممكن تتكلم مع ابو مصعب الاستاذ حسين القرشي وترشح له اسبابك لطلب الحذف او ic وصدقني راح يساعدك؟ فكر ورد عليا اكاديمي

احلى يا حركات يالي يمون على ابو مصعب..

والموضوع كامل ما راح اعلق على اي شي لعدة اسباب اذكر منها سبب واحد فقط وهو:
انك لست باكاديمي تدري ليش برضو لعدة اسباب اذكر منها واحد فقط وهو:
انك تتفوه بما لا تستطيع ان تقدر عليه.
حتى اعرف ان الدكتور عمر الخولي اسمه ابو عبدالله يعني امون عليه صح؟
على العموم حسين القرشي هذا شخص متناقض بشكل غير طبيعي..

[الايطالي99]

المشاركة الأصلية كتبت بواسطة على البال دكتور في الجنائي لسا صغنون ..محاضرته كلها قصص و روايات ...ذبحنا بـ انا..انا..انا ..!! وان شرح قرأ من الكتاب وهو مستعجل ..!! ,,

هههههههههههههههههههههههههههههههههههههه

قسم انك نكتة

بعدين تراني قاعد ادرس عنده الترم هذا بس تبغا الصراحة احس ان كل قصصه افلااااااااااااام هندية

[lawyer]

المشاركة الأصلية كتبت بواسطة الرجل الحديدي احلى يا حركات يالي يمون على ابو مصعب.. والموضوع كامل ما راح اعلق على اي شي لعدة اسباب اذكر منها سبب واحد فقط وهو: انك لست باكاديمي تدري ليش برضو لعدة اسباب اذكر منها واحد فقط وهو: انك تتفوه بما لا تستطيع ان تقدر عليه. حتى اعرف ان الدكتور عمر الخولي اسمه ابو عبدالله يعني امون عليه صح؟ على العموم حسين القرشي هذا شخص متناقض بشكل غير طبيعي..

______----
عيب عليك ياطفل
هذا الاسلوب في الرد
على العموم
ممكن تسال الدكتور محمد العثمان بكره هل انا سالته عن موضوعك اوانا اكاديمي اولا
بس للاسف
انا حاولت اساعدك
وانت قدرت هذا المعروف باسلوبك
على العموم

يعني لازم اكتب اسمي حتي انت وغيرك
تعرفو ادب الحور
على العموم انا حاولت
اعرف مشاكل الطلاب واحاول كسر الحواجز بين الاستاذ والطالب
والنتيجة
كانت
عدم التقدير والاحترام من بعض الطلاب
والاساءة
بكرة الاحد ياايطالي وانت والطفل الرجل الحديد تراجعو مكتب الدكتور محمد العثمان للاهمية الساعة 11 صباحا
وقول له اسمك هو راح يتفاهم معاك

او راح اكلم ابو مصعب لو مارجعت الدكتور محمد العثمان غدا
وهو راح يتافهم معاك
انت للاسف ما تقدر مساعدة الاخرين لك
طيب

اكاديمي

[lawyer]

الي جميع الطلاب
الرجاء الاحترام في الحوار والمناقشة
او سوف اتوقف عن الكتابة في هذا الموقع ومساعدة طالب القسم ونقل معاناة الطلاب الي ادارة القسم
انا حاولت المساعدة ولكن لم اجد اي تقديرمن الطلاب للاسف

اكاديمي