قروب ادارة اعمال انجليزي طالبات 1431

[ورده ورديه]

الله يعينا على هالماده
شايله همها
بنات انا حملت الملزمه المترجمه وطلعت معطوبه ياليت اللي اشتغلت عندها تنزلها
واكون شاااكره لها

[زيوووووونة]

بنات أنا عند الدكتورة غاده وكنت شايلة المادة للمره الثانية يعني عندي خلفيه عن الاسئلة بس احب أطمنكم بالنسبة لعدة أشياء

أولا: ضروري حضور المحاضرات والتركيز فيها لأني ما حضرت الترم اللي فات ذاكرت وأنا ماني متوقعه كيف تجي الأسئلة

يعني من الآخر ذاكرت بطريقة خطأ

ثانيا: بالنسبة للدكتورة غادة الله يسعد قلبها يارب مره متمكنه من الماده وتشرح بأسلوب مره مسلي وشيق وتساعد الطالبات على توقع طريقة الأسئلة

يعني تطلعي من المحاضرة وانتي مبسوطه ، فاهمه ، عارفه كيف تذاكري بذكاء.

ثالثا: بالنسبة للأسئلة في الترم اللي فات كانت كثير صح بس ماهي صعبه

يعني برضه لو حضرتي وركزتي في الحضور وبعدها ذاكرتي راح يكون الاختبار مره بسيط



يعني برضو أنا أنصح نفسي وأنصحكم بالتالي:

1/ استعيني بالله سبحانه وتعالى.
2/ احضري المحاضرات وركزي فيها.
3/ افهمي المنهج واتدربي على الكلمات الغريبه أو الصعبه والمكررة وركزي كل وحده ايش المقصود بيها.
4/ أي رسمة أو أسهم تحفظيها زي اسمك (كتابة، وقراءة) يعني تحفظي الجدول أو الرسم البياني تبع ايش وتعداده كم وايش.... ولاحظي ان الحاجة الوحيده اللي يبغالك تصميها الرسومات البيانيه.


ولا تنسي انك مدام وصلتي لذي المرحله معناته انك أقوى من هذي المادة وراح تتفوقي أو تنجحي فيها بإذن الله
وأي استفسار أنا حاضرة وتحت الخدمة
والله يوفق الجميع
دعواتكم

[زيوووووونة]

أختي خوخه فيها دوخه

وصلتني رسالتك بس ما قدرت أرد عليكي علشان عدد المشاركات ما يسمح


ممكن أرد عليكي هنا بخصوص المادة؟

[najo300]

زيونه حبيبتي انا ترا ماقدرت احضر ولا محاضره لاتخوفيني مهي ناقصه هيه..وبعدين انا دحين محمله ملزمتين ملزمه الف باء تاء والملزمه المترجمه
ايش رأيك المذاكره منهم حتكون شامله ولالأ؟؟
وياليت اذا ماكان فيها تعب عليكي تقولي لنا كيف تجي صيغة الاسئله في كل صفحه عشان نرتاح شويه بدال الخوف من بدري كدا

[خوخه فيها دوخه]

اوكي حبي زيونه انتظر ردك هنا ...

[شمعة البيت]

زيوووووونة

ويش تنصحي الا ماحضر الدورة التأهيلية بخصوص ادارة اعمال بالانكليزي

[زيوووووونة]

يا عمري عليكم الله يوفقني واياكم يارب وجميع المسلمين
حبايبي أنا والله مو قصدي أخوفكم بالذات اللي ما حضرت لظروف خارجة عن إرادتها ترا الماده ماهي بذيك الصعوبه بس يبغالها شوية تركيز

أول شي برد على الأخت خوخه علشان ماقدرت أرد عليها بالخاص وأتوقع ان الكلام راح يفيدكم كلكم إن شاء الله

يا عمري بالنسبه للدكتور صالح ما أعرف شي عنه ولا أعرف أحد قد أخذها عنده بس يارب تطلع الأسئلة موحدة علشان أقدر أفيدكم

أما بالنسبة للمدرس الخصوصي أكيد بتستفيدي منه بس لازم تكوني فاهمه ايش ممكن يجي من كل جزء انتي تدرسيه علشان تعرفي كيف تدرسيه ... وهذا كان قصدي من تأكيدي على حضور الدورة

يعني أنا في الترم اللي فات درست المادة بس ما فهمت كيف ممكن تجي الاسئلة بس لما حضرت عرفت كيف ممكن تجي في كل جزء

وممكن نتساعد هنا وأقلكم عن كل فصل كيف ممكن تذاكروه أول ما تخلص الدورة وأفضى شويه وأبدأ أذاكرها بس بشرط تدعولي لو نجحتوا ان شاء الله وما تدعوا علي لو لا قدر الله أحد فيكم بنشر في المادة

ويا خوخه يا قلبي والله احس ما تحتاجي مدرس لو عرفتي ترجمة بعض الكلمات المهمة وكيف تذاكري، بس طبعا انتي ادرى بظروفك

ولو تعرفي وحده عندها هذي الماده وحضرتها وذاكرتي معاها وربي أطلق لكي من مليون مدرس

عن نفسي أقول لكم أهم شي لا أحد يخاف من الماده وربي لو بدأتوا مذاكره فيها بدري راح تحسوها حلوه إن شاء الله




نجي لطريقة الأسئلة في الترم اللي فات ((وقالت الدكتورة ان الترم ذا إن شاء الله راح تجي نفس الطريقه طبعا بس الكلام يختلف))

كانت عبارة عن 3 أجزاء
الأول: اختاري .... يعني كلام وانتي تختاري أ،ب،ج

ثانيا: أكملي الفراغات... يعني كلام وفراغ واحنا نكتب النص بس المساعده الرهيبة عاد كانت انهم حاطين الكلمات مبعثر في مربع كبير واحنا نختار الكلمه المناسبه ونحطها في مكانها المناسب

ثالثا: رسومات بيانيه تجيب الرسمه اللي في الملزمه بزي ماهي وبنفس الشكل وتحطها فاضيه وانتي عاد عبي.... علشان كذا اقول لكم لازم تحفظوا الجداول والرسمات زي اسمكم

وعلى فكره ترا جابوا رسومات كثيره يعني أكثر من 2 من ضمنها اللي اذكرها الهرم


وأدعولي أول ما أخلص أفضى بسرعه لإن شاء الله وابدأ أذاكر المادة وأكتبلكم هنا بالنسبه للي ما حضروا كل جزء كيف يتذاكر

وسلامتكم

[زيوووووونة]

على فكره عندي محاضرات الدكتوره غاده جبتها من النت بس مترجمة لكن بجد بجد تلخبط علشانها مترجه تشوفي نفسك تلقائيا ركزتي على الترجمة ونسيتي الكلام الأساسي يعني أنصحكم كمان لا تلخبطكم الترجمة

بالنسبة للي ما حضروا حاولوا تنزلوا من النت المترجم علشان تقرأوه قراءه عابره وتاخذوا فكره عن الكلام المدروس وبعدها ذاكروا في الملزمه الغير المترجمه علشان تعرفوا تركزا في الكلمات

لأن هذي كانت من غلطاتي في الترم اللي فات

[زيوووووونة]

لو وحده عندها فكره كيف ممكن احمل الملف وأحطه هنا المنتدى ياليت تقول علشان أنزل المحاضرات المترجمه

[المتميزة]

الله يعطيك العافيه يازيووووونه بصراحه ريحتينا شوي واذا على الملزمه المترجمه راح انزلها
وعلى طريقه التنزيل هي كالتالي :
لما تجي تكتبي رد وتخلصي منه اضغطي على المربع المكتوب فيه الانتقال الى الوضع المتطور اووكي
بعدين راح تلقي اضافه ملفات مشاركه اضغطي عليها ونزلي الملفات سوا كانت في جهازك اوم من مكان ثاني
ان شاءالله اكون فهمتك وسوري على التقصير