كيف تصبح دافورًا جدة : بنات(الدورة الثامنة على التوالي)

[Ghelatee]

المشاركة الأصلية كتبت بواسطة فلكية أمية هل الحجز مفتوح للآن ؟؟؟ الارقام لنساء أو لرجال ؟؟ اول مرة احضر زي هذه المحاضرات .. وين تُلقى ؟؟

الحجز مفتوح للآن

وحسب معلومة من رد سابق إنو الأرقام الموجودة أرقام نساء

[kikiwiwi]

قبل ساعة اتصلت على وحد من الأرقام و حجزت و ان شالله يوم الاتنين حأدفع الفلوس للاخت ارادة :)

يعني لسه التسجيل مازال ^ـــــــ^

[Ghelatee]

برضو دقيت قبل شوية

الحجز لسا موجود بس تدفعو قبل الدورة لانو مو أكيد تفضل كراسي ليوم الدورة

يلا إن شاء نستفيد متحمسة ليوم الخميس ^^

[Dr.Sosa]

لو سمحتو

انا اتصلت من قبل يوم الاتنين

فلمن رجعت اتصلت امس قالو الحجز خلص

لمن اول دقيت حجزت وكتبو اسمي

وقالو انو يوم الاتنين تدفعي الرسوم

وامس اتصلت ردت وحدة تانية وقالت انو الحجز خلص

كيف كدا ؟

ايش اسوي دحين ؟؟؟؟؟؟؟

[Ghelatee]

قوليلهم انك حجزتي من أول بس انك مادفعتي لسا

سوسا أنا حطيت الاعلان كدعاية بس ماعندي علم عن طرق الدفع غير انو الأخت ارادة من المسؤولين عن الدفع للدورة عند شطر الطالبات

فأرجعي دقي عليهم تاني وإن شاء الله خير

[ocean heart]

في اماكن موجودة وشاغره

[معالي الوزير]

طيب اش رايكم يا بنات وبالتحديد إاراده
اذا حظرتي الدوره هذي تسوين لها ملخص او تكتبين محتواها باسلوبك وتنشرينه لنا هنا بالمنتدى؟
بحيث الفائده تعم الجميع وتكوني سويتي اختبار لنفسك من حيث مدى إستيعابك وأسلوبك في الكتابه
واولا وقبل كل شي الأجر اللي إن شاء الله ما تنحرمين منه

[نجمة غلا]

خسارة ما نتبهت للاعلان الابعد فوات الاوان

مافيه لها اعادة

وكم سعر الدورة ؟

[Morouj Q]

بنات اللي مشتركه في الفيس بوك

موجود جروب للدكتور خالد أبو الشامات

اللي تحب انها تعرف عن دوراتو أول بأول تشترك في دا القروب بس سوري ما عندي الرابط لأني مو قادره ادخل عالفيس بوك

[Cho Kakao]

مين حضرت الدوره بليز تقولنا إيش اتكلم عنو تقولنا إيش استفادت ^_^ انا وربي كان نفسي أجي بس ماعرفت عن الدكتور خالد الا قبل ايام الدوره بكم يوم يعني مامداني اسجل بالدوره الا كان نفسي أجي

حاسه الدوره كانت مره حلوه ^_^ أفيدونا