نـريـد هـذهـِ الأشيـاء

[سأنتظرك]

الله يوفقكم

[bishoo]

من ججد بيوو كلآمك ع ـالجرح مررة .. :""(
حتتى أنا كنت حأطيح كم مرة بسبب كرآسي اللآبآت المكسرة ..!!
وحتى في المبنى الجديد في أشياء خربانة في اللآبات !!
واصصلن انا بططلت افططر من رابيس !! مرررة ززححمة وياليت على أكل عدل !! نادرًا اذا كنت مرررة جيعانة وكان مافي زحمة اشتري والعتب ع الجوع ..!
والحمامات الله يكرمك مانخشها في الجامعة ..!
وكمان شي تاني .. المبنى لييش بررد كدا ؟؟!! .. من ججد احس نفسي حأتجمد !!
كم مرة كلمنا الشؤون وقالوا أتكلمنا وماأحد سوا شي !! طيب يعني نعمل إيش عشان المكيفات تتوطآ برودتها ؟؟!!
والمبنى الجديد ابرررد من القدييم قاعاته متللجة !!
وعلى سيرة 420 .. المبنى دا مرمي بعيد رمية بطالة .. والمشكلة ماتلحقي على قولف كآر .. غصبًا عنك تمشي تحت الشمس ديك المسافة كلها ..
وتتحرق بشرتك و تطلع فيها انوااع امراض الجلد ..
يعني من ججد أتمنى يتكرمووا ويظللوا جزء من الطريق عشان نمشي تحته ..

[shamranis]

شكرا لك واتمنى التوفيق للجميع

[كلي حمااااس]

منجد والله شي يقهر
انا دخلت كليه التربيه الفيصليه
حماماتهم وبوابات مره افضل من حقتنا المخزيه والكفتريات كمان جدا تصميمها روعه
كبيره وحركتات والوان تحسين انك بنت منجد
بس اكلهم المعجنات زينا كانك تشربي زيت ولله الحمد
والباقي مااعرف عنو

[M!Ss joudy]

يآآآآآهـ الله يوفقك قلتي كل اللي بخاطري هههههه حتى البقيه كمان

بس ابغى اضيف شي اللي هووه ليييش يخلوو القاعات باااااااااااردهـ لدرجة انو يدي تتجمد وما اقدر اجاوب عالاسئله والطاوله اللي مع الكرسي مرررره صغييره ليييييه >< خصوووصا مبنى 420 ابرررررد مبنى ما شفت مثله اهئ ><

وبصراحه شفت اللابات بكلية العلوم مرررهـ حااالتها مزريه الله يعينكمـ وان شاء الله تتضبط قبل ما تتخرجون

ودي ~

[مالقيت اسم]

آنا ما آدري وين المشكلة لو جات عندنا وجبات سريعة مثلا ، مطاعم كفتريات عالمية

او كوفي شوب :)



الشي اللي لفتني بمبنى 9 طيب دام جبتوا شاشات ليش ما تشيلو التي في ؟ 2 ومسوي زحمة

اشياء كثيرة لازم تتعدل

[SaRaH MoHaMMeD]

مشاالله مافي شي في بالي إلا وقلتوه وياليت من جد يكون في حل مع انو مافي امل 1% ان كل دي الاشياء تتغير إلا بعد 20 او 30 سنه << يمكن اكتر.. وفي شي واحد بضيفوا انو ليش مو حاطين طاولات لي اللي يكتبو باليسار ؟؟ كل الطاولات على اليمين وانا بصراحه مره ما ارتاح يعني المواد اللي اكتب فيها كتير اكره نفسي عشان جلستي تكون غلط و حتى في الاختبارات كمان المفروض يفكروا شويه يحطوا بالكثير 2 من 30 طاوله..

[mooni]

ماشالله ماقصرتي بكلامك ياعسل

وعلى هرجة الراابيز ..انا معاكي 100 % ..بصراحه اكلوو غير صحي ..

وقسم بالله انوو وحده من صحباتي شافت فاااااار بالرابيز ..
ابغى افهم الفار اش يسوي بمكان زي كده ..والله بعدها قرفتوو حتى المويه ماجيبها من عندهم ..
يابنات اذا حابين يغيرو الكافتريات اللي عندنا قاااطعوهم بس اسبووع .. واكييد حيغيروو للأفضل ..
لانوو انتوو بتشتروو وهما ولا على بالهم اهم شي يجيهم رزقهم وخلاص .....

[منتسب123]

يمه يمه منكم ايش فيكم على التحضير ترانى تحضيري لاتولعوا علي!! لاني لقيت بعض الاعضاء كاتبين عن التحضيري انهم مزعجين ومإلى ذلك
المهم حبيت اقول انو بعض الاخوان اخطىء لما قال انو الجامعة مالها دخل و بعض الاعضاء تضامنوا مع كلامه هو صحيح صحيح بس مو بنسبة 100%100 بتسألوني ليه ؟ بأقولكم ليه ؟ الجامعة مخطئة بتقولوا كيف ؟
بأقول مخطئة بنسبة 60 % وبترجعوا من جديد بتقولوا ليه ؟
بأقول إن الجامعة مخطئة في تصاميم الحمامات بتقولوا كيف يعني ؟
بأقول الحمامات هي اللي تسبب البحار اللي تلقوها وصلت لحد المغاسل لانوا تصميم ثلاث ارباع الحمامات اللي في الجامعه مفتوح من تحت ومن الجوانب يعني مايفتح الواحد المويه إلا ياسلام عملك بحيرة مصغرة
القوا نظره معي لو كانت الحمامات عكس الشكل اللي قلته يعني مقفله من الجوانب والله صدقووني حوالي 80 % من البحيرات اللي دايم تشوفوه تختفي فالاولى يتم تغير هذا التصميم يعني إذا بيسو حمامات جديده بالمباني الجديدة لايعيدوا نفس التصميم لانوا هاذي تصاميم اثبتت فشلها بجدارة قصوى
اما حمامات مبنى 420 مع انها من نفس التصميم ومع هذا ماخرجت بالمشكله هاذي فهذا يعود لسبب واحد
بتقولوا ايه ؟؟؟؟؟؟؟؟؟؟؟؟؟؟؟؟
باقلكم فارق المساحة بين كل حمام وحمام بتقولوا ايش يعني هذا الكلام
باقلكم لما يكون الحمامت ضيقة وجنب بعض مثل حمامات مبنى 12 فمجرد واحدة تفتح المويه إلا دخل على الحمام الثاني اللي جنبه قبل لايروح في البلوعها بسبب المساحة ومن الحمام الثاني للثالث ومن ثم إلى امام المغاسل
اما حمامات مبنى 420 لما بتفتح واحده المويه بتروح المويه على وين طبعاً مو للحمام الثاني لا للبلوعها ! ليه لانو المساحة لها يد بالموضوع يعني المويه مايتجمع لا وهو يتحرك يروح على البلوعها ماني عارفها كيف اشارح واوصل الموضوع بس انا لي خلفيات في علم التصاميم اصلن مجرد اول يوم دخلت الجامعة كانت الحمامات نظيفه بس قلت هاذي الحمامات فيها مشاكل من ضمنها تسرب المياه

[MOHJA]

السلام عليكم ,, انا جربت الجامعه و دحين انا في الفرع بصراحة الفرع احلى و ارتب و اجدد ,, ماشاء الله تبارك الله :))

بس اصبروا و دايما شوفوا الاشياء الحلوة و كل واحد يسوي اللي عليه و يمشي ..

بالتوفيق ,,