هنا نستقبل استفسارات العلاج الطبيعي

[bayan sait]

المشاركة الأصلية كتبت بواسطة balsam السلام عليكم وصباح الخير جميعا , يعطيكم العافيه اخواتنا اللي جاوبوا ماقصرتو .. عندي سؤالين لكم وياريت القى جواب شافي * الدكتورات والدكاترة في القسم كيف مستواهم ومدى تعقيد اسئلتهم وكيف تعاملهم مع الطالب ؟ * الاحظ اقل الأقسام من ناحية اقبال الطالبات عليه هو العلاج الطبيعي وهذا شي مضايقني ومخوفني ف ياترى ايش السبب ؟ هل في شي ف التخصص منفر للطالبات ؟ غير الصعوبة مع اني متفائلة ان شاءالله انه يكون ممتع واشعر انه افضل التخصصات ف القسم .. وشكرا مقدما ,

و عليكم السلام و رحمة الله و بركاته و صباح النور

مستواهم في الشرح ممتاز و توصلك المعلومة و تفهمها بس طبعا لك دور انتي تسألي اذا ما فهمتي شيء او مصطلح مو عارفته يعني لا تمشي شيء ما دخل عقلك استفسري على طول و الأسئلة في الاختبار تقدري تجاوبي عليها اذا مذاكرة تمام و تفتحي مخك لأنو بعض الدكاترة يبغو يشوفوا مين فاهم و من بس حفظ الكلام

شوفي و على حكاية مو كتير مقبلين عل قسم ، انا يوم كنت في مكانك و اسأل نفس السؤال دا و الجواب انو اغلب الناس ما يعرفوا ايش هو العلاج الطبيعي بحكم انه قسم جديد عليهم و في ناس بالهم انو مساج و تكبيس و علاج بالأعشاب ...الخ و هو ابداً مو كدا

انا كنت استغرب ليش في المنتدى هنا محد حابب العلاج الا انا و وحدة بس مع بداية السنة عرفت انه 14 بنت مقبولة في القسم و بعدين زادوا في اول اسبوعين الين صرنا 24 بنت
فلا تخافي محا تدرسي لوحدك

و زي ما قلتي القسم جداً ممتع و عملي اكتر و ان شالله مافي صعوبة كمان
و تنوري قسمنا اكيد

[nour al3mr]

الله يكتب أجرك ويعطيك العافية على هذا العطـآء المميــــــز .

[bayan sait]

آمين و للجميع يا رب
شكرًا نور العمر على مرورك :-)

[Mecooo]

وووه من زمااان عـ المنتدى

الله يخترلكم اللي فيه الخير ياارب

و ان شاء تتنبسطو معناااا في قسمنا الجميل

[Deev]

سؤال
بالجدول طالع عندي ثقافه وعربي فسؤالي هوا
كيف اقدر اخلي الثقافه والعربي في الصيفي ؟

وشكرا ^^

[عذبة الأطبآع ..~]

اممم والله انا اعرف ان ثقآفه 3 و 4 ممكن تآخذينهم ف الصيفي

اما عن ثقآفه 1-2 وعربي 1-2 ف نآخذهآ دآيم ف سنه ثآنيه ،،


يمكن في شي اسمه تاجيل ،، اللي تعرف اكيد ب تفيدك ،،

[z.r]

يسعدلي صباحكم
عندي كم سؤال ؟؟
* اول شيء بالنسبه لـ الاستمارهـ اللي حنعبيها عشان نحدد التخصص كيف حيكون طريقة الفرز ؟؟
ومين حيكون له الاولويه ؟؟

* ايش حيكون للون السكراب ؟؟

* وفين المبنى بالزبط ؟؟ > هوا اللي جنب كلية السياحه ولا غيروو مكانه ؟

آسف على الاطاله ... ومشكورين على مجهودكم

[عذبة الأطبآع ..~]

المشاركة الأصلية كتبت بواسطة z.r يسعدلي صباحكم عندي كم سؤال ؟؟ * اول شيء بالنسبه لـ الاستمارهـ اللي حنعبيها عشان نحدد التخصص كيف حيكون طريقة الفرز ؟؟ ومين حيكون له الاولويه ؟؟ * ايش حيكون للون السكراب ؟؟ * وفين المبنى بالزبط ؟؟ > هوا اللي جنب كلية السياحه ولا غيروو مكانه ؟ آسف على الاطاله ... ومشكورين على مجهودكم

كل واحد بيحطونه ف التخصص اللي يبغاه ان شا الله ..
والسكرب لونه تركواز تقريبا ،،
اما ب النسبة ل كلية الأولاد ع ما اعتقد انها مقابلة مستشفى الجامعه (البوابة الرئيسيه) ،، يجي واحد من الشباب وان شا الله يفيدك اكثر

[باسلامة]

المشاركة الأصلية كتبت بواسطة z.r يسعدلي صباحكم عندي كم سؤال ؟؟ * اول شيء بالنسبه لـ الاستمارهـ اللي حنعبيها عشان نحدد التخصص كيف حيكون طريقة الفرز ؟؟ ومين حيكون له الاولويه ؟؟ * ايش حيكون للون السكراب ؟؟ * وفين المبنى بالزبط ؟؟ > هوا اللي جنب كلية السياحه ولا غيروو مكانه ؟ آسف على الاطاله ... ومشكورين على مجهودكم

أهلا وسهلا بك يا حبيبي ونورت القسم

بالنسبة للفرز هما عادة يختارو لك أول رغبة

المبنى اللي هوا جنب معهد السياحة

ولون الاسكرب تركواز ( فيروزي )

زي لون هذا >>>>

وإذا في أي سؤال نحنا موجودين

وأشكر الأخت بيان على فتحها هذا الموضوع

[bayan sait]

المشاركة الأصلية كتبت بواسطة باسلامة أهلا وسهلا بك يا حبيبي ونورت القسم بالنسبة للفرز هما عادة يختارو لك أول رغبة المبنى اللي هوا جنب معهد السياحة ولون الاسكرب تركواز ( فيروزي ) زي لون هذا >>>> وإذا في أي سؤال نحنا موجودين وأشكر الأخت بيان على فتحها هذا الموضوع

العفو باسلامة
و شكرا لك