نحن هنا لأي استفسار عن الأشعة التشخيصية

[طارق الحارثي]

^^
انا طالب مستجد مثلك وكمان ابغى اشعة
بجاوبك على الي اعرفه فقط
بخصوص المصطلحات الطبية ...
مافي مادة بهالاسم
المصطلحات الطبية = اناتومي + الفسيولوجي << اتوقع كذا .. يصححولي الاخوان اذا كنت مخطئ

[Radiology]

السلام عليكم شكرا لفاتح الموضوع ,, انا الصراحه عندي اسئله كثيره عن الاشعه اول شيء مواد الترم الاول (ثقافه واسلام واناتومي وفسيولوجي و فزياء الاشعه و كمبيوتر و اداب المهنه والحمايه من الاشعه) كدا 8 مواد مافي مادة(المصطلاحات الطبيه)؟؟ ولا الترم الثاني؟

العفو .. لا يوجد مادة باسم ( المصطلحات الطبية ) .. وأغلب المصطلحات تكتسب من المواد الأخرى ..

متى ينزل الجدول ؟؟ وكل سنه نفس الجدول ثابت ولا يتغير ؟؟ وكل الدفعه مع بعض ولا في قروب؟؟ يعني كلنا مع نفس الدكتوره؟

الجدول ينزل بداية السنة الدراسية ويكون ثابت ولا يتغير إلا بالتفاهم مع أحد أعضاء هيئة التدريس على تقديم محاضرة أو تأخير محاضرة فقط حسب الإمكانيات المتاحة ..


وكل سنة دارسية فصلين فقط فصل للطلاب وآخر للطالبات .. بمعني أنك بتكوني مع الطالبات في نفس الفصل ومع نفس الدكاترة ونفس أوقات المحاضرات .

ياريت احد يعطيني فكره كدا بسيطه عن المواد عشان لاننصدم اول ما ندخل يعني اهم شيء كيف نذاكر ومن فين ؟؟ اش المواد الي يحتاج لها تركيز ؟؟

كل المواد بإذن الله بسيطة للمجتهد .. والمذاكرة تكون من مذكرات تأخذونها من الدكاترة ..

يدرسوا البنات دكاتره؟؟ يعني احنا والاولاد نفس الدكاتره ؟ خلاص اخر شيء عارفه مراا زودتها .. حننزل المستشفى اول ترم؟؟ احتاااج احد يجاوبني عشان ادخل وانا مستوعبه الموضوع ومايسير معايا زي الي سار في التحضيري وشكرا جزيلا!!

أغلب المواد يدرسونكم دكاترة ودكتورات ويدرسون الأولاد نفس الدكاترة والدكتورات لكن فيه مواد تختلف بحيث يدرس الطلاب دكتور والطالبات دكتورة .. أما المستشفى مو من أول ترم .. ممكن من الترم الثاني تكون لكم زيارات خفيفة للمستشفى لكن التطبيق الفعلي من سنة ثالثة .

[CR.7]

شكرا على الرد السريع كفيتو ووفيتو (طارق و Radiology)

طيب كنت بسأل كمان عن المنتدى حيكون عندنا منتدى ثاني غير هذا للدفعه 11؟؟
...
وانا عندي جدول البنات حق السنه الي فاتت حيكون نفسو؟؟

....
هذا الكلام من منتدى التمريض!!
احنا كمان ندر الاناتومي كدا؟؟ ودكاترتنا نفس دكاترة الطب والتمريض؟؟
Anatomy

هذي المآده عبآره عن ثلآث موآد مع بعض ..
Histology + anatomy + embryology
علم آلتشريح anatomy : حتآخذو فيهآ آسآمي العظآم والعضلاآت و كل جهآز في جسم الآنسآن آيش المصطلح الآنجليزي حقهـ و وظيفتهـ وكذآ ،
علم الآجنه embryology : حتآخذو الجنين وتكونهـ من بدآية تكوينهـ للولآده ~> مآده جدا ممتعهـ ..
علم الخليه Histology : تتكلم عن الخلآيآ وآنوآعهآ وظآئفهآ .. الخ ،،


....
كل شويه افتكر سؤال :$
دحين الاختبارات كيف حتكون لكل ماده كم ميد ترم؟؟ يعني كيف تقسيم الدرجات ؟؟

شكرا مرا ثانيه

[Radiology]

شكرا على الرد السريع كفيتو ووفيتو (طارق و radiology)

العفو .. لا شكر على واجب

طيب كنت بسأل كمان عن المنتدى حيكون عندنا منتدى ثاني غير هذا للدفعه 11؟؟

أنا أشوف أن هالمنتدى جميل ويوفي بالغرض وممكن تعلموا قروب على الفيس بوك مثلاً

وانا عندي جدول البنات حق السنه الي فاتت حيكون نفسو؟؟

لا مو شرط ممكن تتغير .. خلال السنتين الماضية ما كانت نفس الجداول .. أقصد من ناحية الأوقات لكن من ناحية المواد طبعاً نفس المواد

هذا الكلام من منتدى التمريض!! احنا كمان ندر الاناتومي كدا؟؟ ودكاترتنا نفس دكاترة الطب والتمريض؟؟ anatomy هذي المآده عبآره عن ثلآث موآد مع بعض .. Histology + anatomy + embryology علم آلتشريح anatomy : حتآخذو فيهآ آسآمي العظآم والعضلاآت و كل جهآز في جسم الآنسآن آيش المصطلح الآنجليزي حقهـ و وظيفتهـ وكذآ ، علم الآجنه embryology : حتآخذو الجنين وتكونهـ من بدآية تكوينهـ للولآده ~> مآده جدا ممتعهـ .. علم الخليه histology : تتكلم عن الخلآيآ وآنوآعهآ وظآئفهآ .. الخ ،،

لا لا .. إحنا ندرس علم التشريح فقط لأن هذا اللي يهمنا لكن الأجنة والخلية ما لنا صلاح فيها .

كل شويه افتكر سؤال :$ دحين الاختبارات كيف حتكون لكل ماده كم ميد ترم؟؟ يعني كيف تقسيم الدرجات ؟؟ شكرا مرا ثانيه

كل مادة تختلف عن الأخرى بحسب الدكتور .. بس الأغلب يكون (30 درجة) تقسم على إختبارين دوريين ، و(10 درجات) للبحوث أو البرزنتيشن ، و(40 درجة) للإختبار النهائي و(20 درجة) للإختبار النهائي العملي .. أما إذا المادة ما فيها عملي حيكون الاختبار النهائي من (60 درجة)
وعفواً مرة ثانية

[CR.7]

الله يجزاك خير شكرا مرا ثالته!! :)

[طارق الحارثي]

وبالنسبة للقروب الفيس بووك
اقدر اسويه انا ..؟!
واحط الرابط في المنتدى << ولا ممنوع ؟!

[Radiology]

المشاركة الأصلية كتبت بواسطة طارق الحارثي وبالنسبة للقروب الفيس بووك اقدر اسويه انا ..؟! واحط الرابط في المنتدى << ولا ممنوع ؟!

لأ لأ ممنوع .. مو من الحين بعدين بينك وبين أخوياك

[طارق الحارثي]

^^
اها بس مشكلة كذا ماراح نستطيع نجمع .. كل الطلاب ...
ياليت الادارة توافق

[khookh]

ياجماعة انا عندي سؤال محيرني
دحين اش الفرق بين اخصائي الاشعة وفني الاشعة خلال العمل والتطبيق ؟
ومين فيهم اللي يشخص الحاله المرضية ولا ولاواحد فيهم

و مرسيي اوي

[Radiology]

المشاركة الأصلية كتبت بواسطة khookh ياجماعة انا عندي سؤال محيرني دحين اش الفرق بين اخصائي الاشعة وفني الاشعة خلال العمل والتطبيق ؟ ومين فيهم اللي يشخص الحاله المرضية ولا ولاواحد فيهم و مرسيي اوي

من الناحية العملية كلهم يقومون بنفس الدور في المستشفى لكن الفرق بين الأخصائي والفني يكون في كمية المعلومات النظرية اللي يملكها الأخصائي وهي بطبيعة الحال أكثر من الفني .. بالإضافة إلى أن الأخصائي يتعلم خلال سنوات دراسته على جميع أنواع التصوير الطبي سواءً بأجهزة الأشعة العامة أو الأشعة المقطعية أو الرنين المغناطيسي أو الموجات فوق الصوتية أو غيره ، وأيضاً يتعرف على مبادئ العلاج بالإشعاع .

بينما الفني تكون دراسته عادةً مقتصرة على نوع معين من الأجهزة وغالباً ما تكون الأشعة العامة .. ولكن هذا لا يعني أن الفنيين أقل خبرة أو معرفة بالعكس يوجد الكثير من الفنيين لديهم من الخبرات ما يميزهم عن الأخصائيين بل أن بعض الأخصائيين يتعلمون من الفنيين ..

وديزولي أوي