تعالوا شوفوا ضلم الدرجااااااااااات

[لمسه دافئه]

السلام عليكم ورحمة الله وبركاته ....


أنا أقول لكم الحل وراح أقولكم شنو صار معاي


أولا : لازم تتجمعون مع بعض لاتروح كل وحده بروحهاااااا

ثانيا : راح يحاولون بشتى الطرق أنهم مايخلونكم تشوفون ورقة الأختبار


ثالثا : راح يقولون لكم أصلا حنا نجحناكم وعطيناكم درجات وهذي كذبه


رابعا : يمكن تراجعون الأختبار مع الدكتوره اللي أختبرت بجده راح تحط لها أختبار المناطق عشان

تطلع الطالبه غلط وصارت معاي حطوا لي نموذج جده وقال لي الدكتور شوف أنت راسب

لكن مامشت علي قلت له يادكتور هذا انا لم أختبره طلع لي أختبار المناطق ونقارن ورفض .




وهاكم القصه للترم السابق :


أختبرت في القصيم وكان معاي أحد أصدقائي وكنت كل ماأطلع من الاختبار أقول راح أجيب الدرجه الفلانيه

بالماده الفلانيه حلووو طيب حلوو

ورجعت لديرتي بعد الاختبارات ولماااا نزلت الدرجات بالتقسيط كانت مثل ماتوقعت بالضبط بالدرجه اللي قلتها

وفجأه طلعت لي ماده وكنت أنتظر درجة 90 وأنصدمت ولقيتهااااا 60

تكلمت كثيير بالمنتدى وطلبت ارقام رئيس القسم ودكتور الماده , ولما كلمت دكتور الماده

قال لي والله أنا متأكد أني ماغلطتش والدرجه صحيح وقعد يحلف لي , أنا بيني وبين نفسي

أقول شلون يحلف وعنده الأف الطلاب !!!

المهم قلت له أنا متأكد أن درجتي 90 وبعد ماتعبته معاي بالكلام قال لي تعال راجع

قلت ماأقدر انا بالكويت , وقلت له ارسل عليك واحد ويشوف اختباري

قال لي : أوكي أرسله

أرسلت صديقي وراح للدكتور ولما قال للدكتور أنا جيت بخصوص فيصل اللي اتصل عليك من الكويت

وانت قلت له ارسل لي شخص يشوف ورقتك , قال الدكتور : فيصل ده ماعندهوش إلا أنا ورفض يخليه يشوف

أختباري , المهم تضايقت لأن براسي أتخرج أمتياز وكنت ابي مرتبة الشرف وماندري وين نوصل مع الظلم

وبالنهايه ركبت سيارتي وطقيت أكثر من 1400 كيلوو وتوجهت لجده وقعدت فيها 3 ايام كل يوم رايح الجامعه

ولما واجهت الدكتور بعد ماأفتريت كذا مره ولم أجده سلمت عليه وقلت له أنا فيصل اللي كلمتك من الكويت

قال هو أنت فيصل ماأدري ليش ملزم , وقلت له يادكتور أنا ماجيت من الكويت إلا أني متأكد من درجتي

وقال لا أنا متأكد أن الدرجه صح , قال لي تعال بعد الصلاة , جيت بعد الصلاة وطلع ورقة الرصد والا

الدرجه 60 وقال تعال عشان أثبت شوووووووف طالعت وإلا فعلا 90 أنا من الوناسه وقفت وقلت له

أنت شوووف يادكتور درجتي مكتوبه عندك 90 !!!!!! وعصب الدكتور وتنرفز ونادى الدكتور الثاني وتكلموا

المهم قال لا ال 90 غلط!!! قلت له طيب شلون انا اتصل واقولك درجتي 90 وبنفس الوقت تطلع انت كاتبها

بيدك 90 !!1 مشعوذ أنا مثلا!!

قال المصحح الالي مايخطي!!! مع ان موظفين بالجامعه قالووا انه يخطي !!

عصب وقلت له أبي أراجع ورقتي قال دي مش شغلتي وجا الدكتور الثاني أخذ ورقة حلي

وجاب نموذج ج وقعدنااا نراجع فجأه والا الأسأله موماره علي كلش!!

قال شوف انت راسب وانا منجحك , وقلت له لا هذا موأختباري هذا أختبار جده

أنا أختبرت مناطق وعصب مره ثانيه أنا طلعت تلفوني وصورت ورقة أجاباتي

ويوم جيت أبي اصور ورقة الحل قام الدكتور من الكرسي وسحبهااا قبل لا أصورهااا

وقال لي لو تجيب أي حد مش حغير الدرجه !!!! << وهذي أفعال جامعتناا!!

جلست مع دكتور أخر من قسم أخر بنفس اليوم تدرون شنو قال ؟؟

دكتور سعودي قال قليل من الكاتره يعترف بالخطأ لأنها تسجل عليه



يعني طالبواااا بحقكم لاتسكتوووون أنا كنت بروحي والمشكله معاي كثيير نفس مشكلتي بنفس الماده

لكن للأسف نائمين مايبون يراجعون عادي تؤكل حقوقهم!!! هذا وهم دافعين فلوس بعد!!


فيه معلومه نسيت أذكرهااا ::: أثنين من أصدقائي رسبوا وأرسلوا فاكس للجامعه ونجحوهم!!

ولا أحد يسألني عن طريقة الفاكس لأني ماأعرفها ولاجربتهااا


قوما تعاونوا ماذلوا


وأسف على الإطاله ولكني حبيت أخليكم تفهمون كل شيء , وماأحد يضحك عليكم ولايأكل حقكم




فعلا كلامك اخوي ولد الجهراء كلام سليم ميه في الميه هذا هو الي صاير الله يعطيك العافيه ماقصرت كفيت ووفيت

وانا السبت بروح انشاءالله بنات اشرايكم نتجمع سوا نروح فعلا ايد وحده ماتصفق جميعا نتفق ونروح في نفس الوقت من بتروح معاااااااااااي
بنات لازم مانسكت عن حقنا ليش ندفع فلوس وفي النهاية مايعطونا درجاتنا مانبي من عندهم درجات نبي مجهووووودنا

[لمسه دافئه]

فعلا كلامك اخوي ولد الجهراء كلام سليم ميه في الميه هذا هو الي صاير الله يعطيك العافيه ماقصرت كفيت ووفيت

وانا السبت بروح انشاءالله بنات اشرايكم نتجمع سوا نروح فعلا ايد وحده ماتصفق جميعا نتفق ونروح في نفس الوقت من بتروح معاااااااااااي
بنات لازم مانسكت عن حقنا ليش ندفع فلوس وفي النهاية مايعطونا درجاتنا مانبي من عندهم درجات نبي مجهووووودنا

[الجازي هادي]

على فكرة كنت زيكم..ورحت راجعت ولقيتهم يتفلسفون فوق راسي..والله يعينكم على فلسفتهم..

[رينوReno]

صبايا
بدل م تتحسبون وادا انتم واثقين روحو راجعو
مافي شي يمنعكم ومن حقكم
عشان لا تظلمو احد


وانا الحمدلله ع حسب حلي جاني درجاتي
لا زياده ولا نقصان


انصحكم تراجعو ولا الظلم

...

[hzooo]

لا جد ظلم كنت احسب انه أنا للحالي ماتوقعت ان كل العالم زيي أنا فكل المادتين f الأحصاء والأنجليزي حراااام والله

[msk3]

لله يوفقكم جميعا
اخذت d بالرياضيات وقلت الحمدلله
ولكن بالانجليزي ايضا d بصراحة ماتوقعتها !
توقعت شي احلى ولكن الله يستر من الباقي .
المعدل راح فيها من بدري

[اللهم يسر]

يب عندي سؤال ..انا تخصص خلاص بس في التحضيري اعطوني 60 وانا متاكده من حلي المهم يوم رحت الجامعه طبعا انا من برا جده ماحصلت الاستاذه خلاص اجازه ..السؤال لو اراجعهم الحين يقبلون والا خلاص راحت علي...

حسبي الله لا اله الا هو عليه توكلت وهو رب العرش العظيم

[~'*¤!عيون المها~'*¤!]

والله يالغاليه اناا مثلك جبت بالأنقليزي f واناااا متأكده إني حليت عنجد قهرر

حسبي الله ونعم الكيل

[rora10]

انا بقول مشكلتي مع الانقليزي الزززززززززززززززززززززفت حسبي الله ونعم الوكيل بس تدرون دخلت الاختبار ومواصله اذاكر 27 ساعه لانو قبلها كان عليه اختبار المهم دخلت انا واللي رسبو معايه في 101 المهم حفظت الكتب واستغفر الله كنت ااشر على الاجابه الصح في ورقة الاسىله واللي كانو ينقلو مني نجحو وانا حملت المادة للمره الثانيه يعني مو اول مره والله والله والله يشهد عليه اني واثقه من اجاباتي الحين زوجي واهلي يقلون معاد تكملي وانا خلاص تحطمت من دي الماده لانها ثاني مره احمل وانا واثقه منها نفسيتي زي الزفت
فا ياليت اللي تروح تتطلب تشوف ورقتها تقول وش يسير معاها وياليت تردلي الله يخليكم لان الوضع عندي مره تلخبط حملت الرياضيات والانقليزي باالله الحين وش اتخصص وش ذا ياربي ياربي فرجك

[لمسه دافئه]

صبايا حبايبي ووووووووووين مكان معهد اللغه الانجليزيه لاني براجع ورقة الاختبار وماعرف وين معهد اللغه الانجليزية تكفووووووون الي عندها علم لاتبخل علي