فائض من النسوة علينا رميه للموت!

[عاشق الفهد]

المشاركة الأصلية كتبت بواسطة soma al7elwa عاشق الفهد: أول حاجة الدكتور مالو ذنب انو مجتمعك الرائع بيفكر بدي الطريقة .. الدكتور بيوضح لطلابه انو وقت ماتصير حالة تحتاج انعاش قلبي بمكان عام وحاولوا يعملوا انعاش كيف المجتمع حيشكرهم الشكر الجزيل على محاولة انقاذ حياة النفس البشرية دي .. راح ينعطوا ميداليتين : الاولى ميدالية كشف عورة والتانية ميدالية كشف العورة في مكان عام ومو غلط من الدكتور انو وضحلهم ايش تفكير المجتمع المثالي اللي احنا فيه وايش الجوائز والمكافآت اللي راح تتقدملهم لو حالوا يعملوا بسمو مهتنهم .. عشان لا يروحوا هما في ستين داهية ... اوبس قصدي يعني انو فستين داهية من الفرح والسرور بالهدايا والميداليات المقدمة لهم وبعيد الشر عن قلبك

أولا الواضح من ردك انك تكتبين بعاطفة والانتصار لرائك وهذه من اكبر عيوب النقاش
أنت هنا تحاولين حل لمشكلة كيف تبرر كلام الدكتور انه ماله ذنب أين أمانة المهنة أين قسم المهنة وهذا أول خطاء يحسب عليك أو على دكتورك كلكم واحد

ثانيا تتكلمين عن جوائز ومكافآت مهنة الطب المهنة الوحيدة التي لاينتظر صاحبها أي مكافأة واكبر مكافأة عنده هي إنقاذ حياة شخص بعيد عن تفكير الغير وهذا ثاني خطأ

ملاحظة أخيرة إذا كان هذا تفكير الأطباء على حسب قولك ونحن لانعلم عنهم شي سوى من خلال كلامك أنهم يفكرون بعقول الغير وان حياة الشخص مرتبطة بتفكير الغير فأرجو منك أختي أسماء إصلاح عقول أطباءك الذين صدر منهم هذا الكلام قبل إصلاح المجتمع لان يبدو أنهم يعانون من خلل كبير وهم بهذه الشهادات العليا

[~..candy..~]

المشاركة الأصلية كتبت بواسطة wallo والله بعض الاحيان اقرأ ردوود ناااس استغرب انهم في الجااامعهـ زيي زيهم ؟؟ معقوولة الفرق في التفكير حيكوون كبير كذاا؟؟؟؟؟؟؟؟؟؟ الله يعيين بس ,,,, بعدين بليز اذا قرأتو حاجهـ ومخكم ماستووعبها مو معناهـ انو كذب لا معناهـ انكم ........ >> بتنضررب ,,, بس ماحووب اللي مايفهم ويرووح يقول عني بكاشه ! وياسوومآآ بالله لا تفتحي زي دي المواضيع حتجييهم اعصااب منها هههههههه ,,, يلا سلاااام :)

يعني اذا احد خالف رأيك تستغربي انو في الجامعه ؟؟؟
وتكتبي كلام بفراغات وماتكميلها !! اتمنى يكون الحوار راقي برقي تعاملكم :)

المشاركة الأصلية كتبت بواسطة soma al7elwa كاندي : حبيبي ارجعي اقري كلامي كزا مرة وقلبيه فراسك مزبوط حتلاقي اننا بنقول انو مجتمع يسير على قوانين وضعية مهما كانت قاصرة نظرتها ويحترمها ويعمل بها احسن من مجتمع عنده قانون رباني كامل ومابيعمل فيه ايش استفيد من انو عندي قانون رباني لو التزمت فيه -وحطي تحت كلمة لو مية خط - راح اكون احسن منهم بمليون مرة مع اننا فالواقع مابنلتزم ولا بنعمل بيه ؟؟؟؟ ايش استفيد انو لو كان عندي كتاب بيعملني اصول الاتيكيت وانا حاطته عالرف اني اقراه مطالعة كدا وتلاقيني اكل وادخل يدي كلها ففمي ولا تكلم وفمي كلو اكل والعب بالاكل اللي عالصحن واتكلم بصوت عاااالي وغرفتي كلها فوضى واجلس اقول انو عندي كتاب فيه كل اصول الاتيكيت ولو اتبعته راح اكون احسن من كل الناس واتمنى اننا نتبعه؟؟ ومانيل المطالب بالتمني .. ولكن تؤخذ الدنيا غلابا ياريت يكون وصلك المعنى اللي اقصده .. أما بالنسبة لبقية كلامك عن تزيين وزخرفة قضايا المرأة فما اعرف ايش اقول صراحة .. زي ايش قضايا لو فكرنا فيها حنلاقيها مالها معنى بس بلبلة صحفيين والسلام؟؟ قضية انو في بنات بيموتوا بسبب منع المسعفين الرجال انهم يدخلوا هادي بلبلة؟؟ قضية انو يفرق بين زوجين راضيين بعيشتهم بسبب اخوان الزوجة لابوها دي بلبلة؟؟ قضية تزويج الاطفال دي بلبلة؟؟ قضية ازمة المواصلات دي كمان بلبلة؟؟ ايش هي المواضيع اللي كل الهدف منها اثارة البلبلة؟؟؟ اللي صار في حريق مكة قبل 7 او 8 سنوات وقضية بريدة دي مو غلط المسعفين هما كانوا متواجدين لكن اتمنعوا من انهم يدخلوا ويباشروا عملهم .. فهل غلطي اني اكون موجودة واتمنع اني ادخل واباشر عملي بالقوة؟؟؟ وصدقيني الاخطاء الطبية في ضجة كبيرة جدا عليها لكن حقوق المرأة قضية ازلية .. واقولك على شي ؟؟ انا امرأة ابحث عن حقوق المرأة في بلدي وأثور لها .. وتعرفي ايش الغرض التاني اللي فنفسي؟ انو بنتي ماتجي تعيش في مجتمع زي كدا .. وبعيد الشر عن قلبك

زي ماقلت في البدايه التزام الغرب بخطأهم هو خطأ بحد ذاته ومايعني انو هما صح
واحنا مانجلس نطالع للغرب وهما سوا ومعرف ايش لا احنا وصلنا لمستوى التزامهم بانظمتهم ولا احنا صلحنا مجتمعنا كذا ضعنا في النص المفروض نلتزم باللي عندنا


ثانيا بخصوص موضوع البلبه الاعلاميه انتي قلتيلي قضية البنت اللي ماتت بسبب منع المسعفين وقضية تفريق الزوجين بسبب اخوة الزوجه ووو غيرها من القضايا بعض هذه القضايا لاتعتبر قضايا بل حوادث يعني ناااادر ماتحصل زيها بس الاعلام اخذها على انها قضايا ووو سوا منها مصيبه صح انو حصلت اخطاء والمفرووض انو يحاكمو المتسببين وتنشر في الجرايد على انها حوادث عشان يتعض غيرهم

بس ووين الاعلام عن قضايا الايتام والمعاقين والبطاله ووو وغيرها من القضايا ولأ الاعلام مو فاااضي مررره مشغووول بقضايا المرأه وملاحقة الهيئه عنده اهم من هذولا الايتام والمعاقين وهما شريحه في المجمتع مو واحد ولأ اثنين اتمنى انو فكرتي وصلت >وعلى فكره انا بنت زيي زيكم مو يعني اذا سمعنا قضايا المرأه نتحمس

أشكرك أختي سوما على حوارك الراقي

[soma al7elwa]

أهلا أهلا ابو عبدالله

اول شي :

مقولتي وضحت ايش اقصد فيها ..

وعدت الشرح وحرجع مرة تانية اعيده

عندنا شخصين

واحد واتنين

واحد دا عنده كتاب في كل اصول الاتيكيت في العالم واحسن كتاب يعلم البشرية كيف يكون ناس متأنتكة ومرتبة

واتنين ماعنده الكتاب دا .. لكن عنده أساليب واحد واتنين وتلاتة واربعه عمرها ماكانت بكمال كتاب الاتيكيت حق رقم 1 لكنها اساليب حطها من راسه كدا

طيب ؟ حلو لما دحين؟؟

رقم واحد دا يمسك الملعقة بكل يده زي مسكة الاطفال

يملي الملعقة للاخر ويدخلها كلها فحلقه .. يتكلم وفمه كلو اكل .. يوسخ ملابسه وفمه ويده وهو ياكل

يطلع صوت وهو يمضغ .. غرفته موسخة وملخبطة والملابس مرمية فكل مكان ..

وعنده كتاب الاتيكيت .. ويقراه بين فترة وفترة وممكن كل يوم وفوق دا ودا يدرسه بالمدرسة.. لكن يقراه للمطالعة بس

وعندنا رقم اتنين ماشي بكل الاساليب الي حاطها لنفسه ويحاول ما يغلط وازا غلط يعاقب وفي حالات بيهرب من العقاب وفي حالات مابترضى تتبع النظام اللي هو حاطه لكن بالغالب تلاقيه انجح من الاول في الظاهر ومرتب اكتر منو ومتقدم ومتطور اكتر منو

مين احسن ؟؟؟

صاحب كتاب الاتيكيت الكامل اللي مافي زيو اللي من هو صغير يدرسه ويسمع انو احسن كتاب واحسن نظام ولا بيتبع شي منه

ولا صاحب الاساليب الوضعية الي يعلمها لنفسه وقدر يكون من نفسه قوة ونظام في بلده؟؟؟

ازا مافهمت قصدي كمان بعد الشرح اللي حاولت اشرحه فأنا اعتذر ..

لأنو ماعندي شي تاني اقوله واوضح اكتر

بالنسبة للدراسات اللي اقسم بالله مليييييت وانا كل ما افتح موضوع يجلسوا يعيدوا ويزيدوا فيها

أول شي ترى مجرد وجود زي دي الاحصائيات والدراسات دا يعتبر نقطة كبيرة جدا في صالحهم ..

تاني شي ..

جبلي نفس الاحصائيات دي مقامة على العالم "الاسلامي " وجبلي مصدرها وعلى اي شريحة اقيمت

كم عدد النساء المغتصبات في بلادنا ؟؟؟ عندك اي دليل اننا اقل منهم؟؟

كم عدد الاطفال اللي يتم اغتصابهم في دا السن؟؟

كم عدد البغايا عندنا؟؟

لا تجلس تقارن تزويج اطفال في سن 8 و9 و10 سنين في مجتمعاتنا لرجال تجاوزا العشرين من عمرهم وبعضهم وصلوا للـ60 والـ70 بممارسة الزنا لمراهقين بسن 17 و18 وبرغبتهم وهو يعتبر شي عادي في مجتمعهم مع انو غلط عندنا

شتان مابين الاتنين

كم عدد الشواذ عندنا ؟؟؟

كم عدد النساء اللي ينضربوا ويعذبوا جسديا ونفسيا من ازواجهم واخوانهم وابائهم "واولياء امورهم" عندنا؟؟؟

لسه الاسبوع اللي فات قريت عنوان في جريدة الجزيرة حسب ما اذكر بانه 92 % من السعوديات سبق وتعرضن للاعتداء من ازواجهن

والله اعلم بصحة الاحصائية هادي من عدمها لأي وقتها كنت مستعجلة

لا تجلس تجيب احصائياتهم واحنا ماعندنا اي احصائيات ... ترى كل شي ذكرته موجود عندنا بشكل او بآخر

ايش اللي يثبتلك انها حالات فردية ولا تتجاوز اصابع اليد؟؟؟

عندك احصائيات واثباتات على كدا؟؟

ولا اعتمادا على وكاله يقولون للانباء ؟؟

ترى الاشياء الي زي كدا مافي احد يتكلم عنها عندنا .. ودا ماينفي انها موجودة او ازا طلعت قضية او اتنين انو هي بس دي الموجودة

أما العنصرية وما ادراك ما العنصرية عندنا ..

ياترى كيف بنعامل البنغالي ولا الهندي والباكستاني ولا الاندنوسي ولا الفلبيني اللي جايين يشغتلوا هنا؟؟

ياترى زوجتك او اختك او امك بتعامل الخدامة فالبيت زي ما بتعامل بنتها او اختها؟؟

بلاش نجيب الجنسيات دي

كيف بنتعامل مع الجنسيات العربية التانية اللي جية بلدنا؟؟؟

يا اخي كيف بنعامل السعوديين اصحاب البشرة السمراء من اصول افريقية واللي حالتهم على قدهم؟؟

كل شي قلته الاسلام منه براء عشان جايز تفهم كلامي اني بقول انو الاسلام فيه نقص

الاسلام هو ديني الكامل

بس الاسلام شي ووضعنا شي تاني خااااالص

[soma al7elwa]

عاشق الفهد :

طيب ولاتزعل الدكتور دا غلطان لأنه قال لطلابه ايش حيصير فيهم لو عملوا شي زي كدا

المفروض مايقول لطلابه ايش حيصير فيهم لما يتصرفوا بطبيعة عملهم والعقاب اللي حيلاحقهم

الجوائز والمكافآت كانت مجرد تمثيل استهزائي بكيف يكافئ المجتمع الاعمال البطولي دي وانقاذ الارواح عشان ما ابغى اشوه صورة مجتمعنا

على افتراض اني طبيبة وعارفة انو فمجتمعي لو عملت دا الشي راح اتهم واحاكم كمجرمة مع انو بالفطرة هو اسمى فعل ممكن افعله ...

قولي انت ايش راح تسوي؟ بعيدا عن المثالية ..

زي في مستشفى الجامعة يقولك ازا جاك واحد اجنبي بدون اقامة وبدون اثبات بحالة خطرة جدا ولو شفتيه يموت قدامك ماتدخليه

كدا القانون وكدا النظام

ساعتها ايش يقدر الطبيب يعمل؟؟؟؟

لما تكون القوانين هي اللي تقيده وتكبل عمله؟؟

هل يذم الطبيب لفعله ولا يذم القانون والنظام؟؟

[عاشق الفهد]

المشاركة الأصلية كتبت بواسطة soma al7elwa عاشق الفهد : طيب ولاتزعل الدكتور دا غلطان لأنه قال لطلابه ايش حيصير فيهم لو عملوا شي زي كدا المفروض مايقول لطلابه ايش حيصير فيهم لما يتصرفوا بطبيعة عملهم والعقاب اللي حيلاحقهم الجوائز والمكافآت كانت مجرد تمثيل استهزائي بكيف يكافئ المجتمع الاعمال البطولي دي وانقاذ الارواح عشان ما ابغى اشوه صورة مجتمعنا على افتراض اني طبيبة وعارفة انو فمجتمعي لو عملت دا الشي راح اتهم واحاكم كمجرمة مع انو بالفطرة هو اسمى فعل ممكن افعله ... قولي انت ايش راح تسوي؟ بعيدا عن المثالية .. زي في مستشفى الجامعة يقولك ازا جاك واحد اجنبي بدون اقامة وبدون اثبات بحالة خطرة جدا ولو شفتيه يموت قدامك ماتدخليه كدا القانون وكدا النظام ساعتها ايش يقدر الطبيب يعمل؟؟؟؟ لما تكون القوانين هي اللي تقيده وتكبل عمله؟؟ هل يذم الطبيب لفعله ولا يذم القانون والنظام؟؟

شوف ياخت اسماء التعصب الموجود في ردودك قد يفقدك الحق حتى وان كنتي عليه لان بصراحة انت تنظري بعين واحدة
اضرب لك مثال هل تذكرين حادثة الشابين الذين انقذو المراة التي غرقت في حائل هل فكرو مثل تفكير الطبيب مع العلم ان تعليمهم لايتعد المرحلة الثانوية افراد الدفاع المدني مع العلم انه يوجد لديهم اخطاء لكن لمعرفتي لكثير منهم ومشاهدة بعض الاحداث الى انهم يدخلون وينقذون النساء ويشكرون على عملهم وكذلك الاطباء وجميع من لديه روح التضحية لعمل الخير لاينظر الى عادات وتقاليد مع العلم ان الطرف الاخر والذي يكون المجتمع لو راى شخص ينقذ بنته او اخته او زوجته ماراح يتضايق او يزعل اقل ماراح يسوي له يقول له كلمة شكرا انتهينا من هذه النقطة

سؤالك لي وش راح اسوي راح انقذ حياة هذا الشخص ولن اراقب في هذا الشي سوى الله

بالنسبة لمثالك في مستشفى الجامعة انو اذا جاك اجنبي لاتعالجه انا اتفق معك ان هذا الشي خطأ فادح ولكن اذا كان خصمك القاضي فمن تقاضي وهذا لادخل لمجتمعنا فيها لانه مغلوب على امره
نقطة اخيرة مهنة الطب مهنة عظيمة ويجب على اي طبيب انقاذ حياة اي شخص مهما كان عرقه بغض النظر عن القوانين والنظام

الاخت اسماء خارج عن الموضوع بما انك في المجال الصحي مارائك في المنظر المقزز من الممرضين والممرضات السعوديين والي بافعالهم شوه صورة هذه المهنة ؟ اريد الجواب بكل صراحة

[.,.نيــــــــــــــــــــران.,.]

المجتمع يتكون من أفراد بطبيعة الحال ، ولو كل فرد طبق مع نفسه قبل كل شي وأهله وعائلته شريعة الله وهداه لأصبحنا متجمع صالح

ولا نلقي اللوم على العادات والتقاليد / نحن أنفسنا ارتضيناها وتناقلناها جيل عن جيل

الان الناس ماشاءالله في صحوة كبيرة ، ولا أعتقد أن القضية كبيرة الى هذه الدرجة
وكل انسان في النهاية وضميره والمسئول يجب أن يحاسب

الجامعة مادخلت الاسعاف عشانهم رجال المفترض تحاسب
المدرسة انحرقت والسبة منع دخول رجال المفترض تحاسب


أتمنى التوفيق للجميع

[سكووت]

اعتقد بعض الجيل الحالي رافض العادات دي عشان كدا مانقدر نقول ارتضيناها لانها سارت مفروضة غصب

[سمـ الأنوثـة ــو]

وعرفنآ انو الحكمة انو الذكر اعلى لانو هوآ المسؤول عن الانثى بعد وفاة الوالدينوانو بيصرف عليهآآ الين تتزوج ....لكن جينآآآ وقمنآ على الاستآذهـ قلنآ :ممكن الاخ ياخذ حقة ومانشوف وجه مره ثانيه ..وممكن ياخذ حقه وحق اخته بالقوهـ ويسيبهآ تكآآآآآآآآبد الحيآة لوحدهـآآ ...فكيف كدآآآ ماصرف عليها ولا شي ففين الحكمة

هلا نسيم
اذا بياخذ حق اخته فما فرقت اذا اخذ ضعف ما اخذت او اخذو نفس الشي
هنا المشكلة ماهي في التقسيم
المشكلة في تصرف الاخ والقضاء يحلها

اما عن التقسيم فاحنا ولله الحمد ناخذ نصف ما ياخذو
وتحطيها على جنب وغيرك يصرف عليك سواء اخ او زوج او اي ولي امر لك
ومو برضاه غصب عنه

هذا هو الحكم الشرعي والي ما يطبقة الغلط يكون فيه

نقعد ندرس انو الاحكام كاملة والاحكام ربانية وديننا حفظ للمجتمع والمرأة حقها والموال للي حافظينه ومافي شي يتطبق؟؟ نفسي افهم ليش مافي جهة تتابع الامور اللي زي الورثة واز فعلا الرجل بيصرف على النساء اللي تحته ولا لاهف الفلوس في بطنه

ما اعتقد ان كلمة الشرع كامل هي نقطة الخلاف عندك
علشان كذا راح ارد على المقطع الثاني

ما اعتقد له داعي انه تكون في جهه تتابع موضوع الورث
لان بكل بساطة الي ما تاخذ حقها
سواء ورثها او مصروفها من ولي امرها
تقدر تشتكي ويجبروه يصرف عليها

واعذروني يمكن خرجنا عن الموضوع الاساسي
بس كان لازم ارد على الاقتباسات اعلاه

واتمنى تتقبلو مروري

[سمـ الأنوثـة ــو]

اقولك هي بصريح العبارة .. لو كان شرعا مايحق لي ان اعمل بوظيفة تنقذ ارواح البشر وتستر على بنات الناس بسبب العذر المعتاااد الاختلاط والخلوة فأنا اخالف الشرع .. لأني عارفة في قرارة نفسي اني مابعمل شي غلط

من قال انه مخالف للشرع
الصحابيات كانو يسعفون الجرحى في الحروب مع الرسول صلى الله علية وسلم

[المسلم العربي]

عليه الصلاة والسلام :)