نتائج الفيزياء الدوري الاول 202..نزلت هنا

[zoom 2.5]

يادكتور انا دفعة 09 ومتاخر في المادة فاضطريت انزلهامع اربعة مواد دسمة غيرها
وكانت كلها ورأ بعض يعني كان عندي اختبار فيزيا 202 وماث 205 في نفس اليوم وتاني يوم اختبار ميكانيك وتالت يوم اختبار داينمك ورأ بعض

لو كل دكتور فكر بنفس الطريقة دي انو الطالب لازم يكون مدرك المادة تماماً من الاخر الطالب راح يضيع
وبعدين انا الفيزيا ماتفتحلي اي حاجة مادة عامة بس ولازم اخلصها فاليش لازم عليا أتمكن 100٪ ن مفاهيم انا محا استفيد منها في حاجة لانها ليست متطلب الا لطلاب الكهربا ؟؟!

رقم اثنين يادكتور لو تبغى تطبق الفكر دا انو الطالب لازم يكون متمكن من المفاهيم النظرية ومايهمك العمليات الحسابية فيجب عليك انك تلغي حفظ القوانين وتوزعها على اوراق جاهزة .
كيف تطبق نص نظريتك والنص التاني اللي هوا لمصلحة الطالب تسيبه؟؟المفروض ياتطبقها كلها او تلغيها كلها عشان يسير في توازن في المذاكرة وهذا سبب ضعف الدرجات الشديد. لانه لو بلغت الطلاب انه مافي حفظ قوانين اتوقع أنه الدرجات راح تكون اعلى بكثير وراح تحقق التوازن بانك خففت شي وشديت على شي اما تشد على كلو راح تكون النتيجة دائماً زي كدا .
وياريت يادكتور تقلنا متى راح يعقد الاجتماع اللي راح تطرح فيه فكرة توزيع القوانين على اوراق عشان من بدري نعرف نبدا نشد في حفظ القوانين ولا نبدا نركز في النظري

وفي النهاية اتمنى انك تفهم المقصد من الكلام دا كله عشان ينحل الخلل الموجود بإذن الله
شاكرين لك تفهمك وتجاوبك معنا

[Ahmed Ibrahim]

دكتور علي .. اذا تقول انه الاسئلة النظرية مهمة جدا .. بعض اسئلة الاختبار تعتمد اعتماد كلي على مهارة الطالب في الرياضيات .. مثل سؤال حساب dipole moment بواسطة العزم والشغل .. استفسار بسيط : السؤالين اللي ذكرتها ايش حلها ؟

[ALI ALZAHRANI]

المشاركة الأصلية كتبت بواسطة zoom 2.5 يادكتور انا دفعة 09 ومتاخر في المادة فاضطريت انزلهامع اربعة مواد دسمة غيرها وكانت كلها ورأ بعض يعني كان عندي اختبار فيزيا 202 وماث 205 في نفس اليوم وتاني يوم اختبار ميكانيك وتالت يوم اختبار داينمك ورأ بعض لو كل دكتور فكر بنفس الطريقة دي انو الطالب لازم يكون مدرك المادة تماماً من الاخر الطالب راح يضيع وبعدين انا الفيزيا ماتفتحلي اي حاجة مادة عامة بس ولازم اخلصها فاليش لازم عليا أتمكن 100٪ ن مفاهيم انا محا استفيد منها في حاجة لانها ليست متطلب الا لطلاب الكهربا ؟؟! رقم اثنين يادكتور لو تبغى تطبق الفكر دا انو الطالب لازم يكون متمكن من المفاهيم النظرية ومايهمك العمليات الحسابية فيجب عليك انك تلغي حفظ القوانين وتوزعها على اوراق جاهزة . كيف تطبق نص نظريتك والنص التاني اللي هوا لمصلحة الطالب تسيبه؟؟المفروض ياتطبقها كلها او تلغيها كلها عشان يسير في توازن في المذاكرة وهذا سبب ضعف الدرجات الشديد. لانه لو بلغت الطلاب انه مافي حفظ قوانين اتوقع أنه الدرجات راح تكون اعلى بكثير وراح تحقق التوازن بانك خففت شي وشديت على شي اما تشد على كلو راح تكون النتيجة دائماً زي كدا . وياريت يادكتور تقلنا متى راح يعقد الاجتماع اللي راح تطرح فيه فكرة توزيع القوانين على اوراق عشان من بدري نعرف نبدا نشد في حفظ القوانين ولا نبدا نركز في النظري وفي النهاية اتمنى انك تفهم المقصد من الكلام دا كله عشان ينحل الخلل الموجود بإذن الله شاكرين لك تفهمك وتجاوبك معنا

أولاً لم يكن في الاختبار قوانين كثيرة ، هم قانونين الاول قانون جاوس الثاني قانوني العزم والطاقة للثنائي الكهربي

ثانياُ انت تقول ان القوانين هي اللي جعلت الكثير يخفق، فلماذا لم يخفق الطلاب السابقين عندما كان الاختبار كله مسائل وكان هناك مالايقل عن 10 قوانين مختلفة في كل اختبار

ثالثا الاخفاق -زي ما قلت سابقاً- كان في عدم المام الطالب بالمفاهيم العامة للمادة وليس القوانين

صدقني سأضع الموضوع هنا في حال اتفق الجميع على اعطاء الطالب ملخص بالقوانين المستخدمة ،

[ALI ALZAHRANI]

المشاركة الأصلية كتبت بواسطة Ahmed Ibrahim دكتور علي .. اذا تقول انه الاسئلة النظرية مهمة جدا .. بعض اسئلة الاختبار تعتمد اعتماد كلي على مهارة الطالب في الرياضيات .. مثل سؤال حساب dipole moment بواسطة العزم والشغل .. استفسار بسيط : السؤالين اللي ذكرتها ايش حلها ؟

هذه السؤال يحتاج خطوتين للحل فقط، كما تعلم أن العزم للثنائي يساوي

t = pE sinQ

بينما طاقة الوضع تساوي

U = pE cosQ

بقسمة المعادلة الاولى على الثانية يكون عندك

t/U = tanQ

من هذه المعادلة تحسب الزاوية Q بعدها تعوض بقيمتها في وحدة من المعادلتين السابقتين حتى تستنتج قيمة الثنائي

[IT911]

دكتور علي الله يوفقك عندي سؤالين الله يسلمك

انا جبت 3 درجات من أصل 15 درجة هل أقدر انجح إذا شديت حيلي ولا ما في أمل
وايش اقصى قريد أقدر أحصل عليه في المادة بدرجتي هذي ؟
وايش تنصحني عشان أقدر أرفع من مستواي في المادة ؟

في انتظار ردك و شكرا . . . .

[saud888]

طيب انا انسان وانكبت عند دكتور باكستاني لا عربي زي العرب ولا انقليزي زي الانقليز وضعنا في الطوشه
لكن هذي مشكلتي وانا اتصرف

لكن الكتاب المقرر دورت له في اكثر من مكتبه ولا حصلته وبعض الطلاب يقلون هو نفس كتاب التحضيري السنه الي راحت وبرضه دورت ولا حصلت


فرجاء ممكن احد يعطيني اسم الكتاب بالكامل و مكان بيعه اذا امكن



وشكر خاص لدكتور علي الزهراني لتواصله معنا باستمرار

................

[zoom 2.5]

المشاركة الأصلية كتبت بواسطة ali alzahrani أولاً لم يكن في الاختبار قوانين كثيرة ، هم قانونين الاول قانون جاوس الثاني قانوني العزم والطاقة للثنائي الكهربي ثانياُ انت تقول ان القوانين هي اللي جعلت الكثير يخفق، فلماذا لم يخفق الطلاب السابقين عندما كان الاختبار كله مسائل وكان هناك مالايقل عن 10 قوانين مختلفة في كل اختبار ثالثا الاخفاق -زي ما قلت سابقاً- كان في عدم المام الطالب بالمفاهيم العامة للمادة وليس القوانين صدقني سأضع الموضوع هنا في حال اتفق الجميع على اعطاء الطالب ملخص بالقوانين المستخدمة ،

الطلاب السابقين لم يخفقو لانهم ذاكرو القوانين وجاتهم مسائل على القوانين اللي ذاكروها .
وانا اقصد انو إحنا ذاكرنا وحفظنا القوانين واتدربنا على حل المسائل مثل الطلاب السابقين لكن جانا جزء كبير على النظري ودا اللي شعترنا والجزء الاخر جا على مسائل مبهمه على عكس الطلاب السابقين اللي كانت معظم أسئلتهم مباشرة وماكان فيها جزء نظري.

يعني الطلاب الان لازم يحفظو القوانين الكثيرة اللي بتاخد 60٪ من وقت المذاكرة والباقي في حل التمارين ولم يتبقى الى جزء قليل من وقت المذاكرة ومن المساحة اللي مخصصها الطالب لمذاكرة مادة الفيزيا في مذاكرة الجزء النظري والمفاهيم اللي لازم يتمكن منها الطالب على حسب قولتك.

لكن زي ماجربتو ترفعو مستوى الأسئلة كدا وشفتو النتيجة كيف سيئة

جربو الغو حفظ القوانين عشان الطالب يركز على الجزء النظري وشوف النتيجة كيف راح تكون ان شاء الله

بس مو قبل يوم الاختبار يجينا خبر انو القوانين راح توزع بعد مانذاكرها ونحفظها وتسير نفس مشكلة الاختبار الدوري الاول

[ALI ALZAHRANI]

المشاركة الأصلية كتبت بواسطة it911 دكتور علي الله يوفقك عندي سؤالين الله يسلمك انا جبت 3 درجات من أصل 15 درجة هل أقدر انجح إذا شديت حيلي ولا ما في أمل وايش اقصى قريد أقدر أحصل عليه في المادة بدرجتي هذي ؟ وايش تنصحني عشان أقدر أرفع من مستواي في المادة ؟ في انتظار ردك و شكرا . . . .

لو شديت حيلك -بإذن الله- ما تنقص عن 80-85

نصيحتي لك زي ماذكرت في ردودي السابقة، تنتبه للمحاضرة مع استاذك - ترجع للكتب المقررة وليس شرطاً أن يكون نفس الكتاب اللي مقرر عليكم ، فيه كتب كثيرة في المكتبة - ثم أخيراً لو حبيت تتمرن على المسائل ارجع للمذكرات الموثوقة

[ALI ALZAHRANI]

المشاركة الأصلية كتبت بواسطة saud888 طيب انا انسان وانكبت عند دكتور باكستاني لا عربي زي العرب ولا انقليزي زي الانقليز وضعنا في الطوشه لكن هذي مشكلتي وانا اتصرف لكن الكتاب المقرر دورت له في اكثر من مكتبه ولا حصلته وبعض الطلاب يقلون هو نفس كتاب التحضيري السنه الي راحت وبرضه دورت ولا حصلت فرجاء ممكن احد يعطيني اسم الكتاب بالكامل و مكان بيعه اذا امكن وشكر خاص لدكتور علي الزهراني لتواصله معنا باستمرار ................

الله يعينك إن شاء الله، لكن لو حبيت تستفيد ممكن تحضر عند أي استاذ اخر، طبعاً حضورك كمستمع فقط بالاضافة لمحاضراتك الاصلية

اسم الكتاب
Fundamentals of Physics by Halliday, Resnick and Walker

الكتاب موجود في: جرير (لكنه أغلى من المكتاب الثانية) - الشقري - خوارزم

لو ما لقيت عندهم، ممكن تستعيره من المكتبة المركزية اللي قريبة من الهندسة، ولو ما لقيت فيهم كلهم ، هذا رابط موجود فيه النسخة الأخيرة من الكتاب، ممكن تحمله على جهازك

http://www.mediafire.com/?6sscp073cja1kq6

وهذا رابط كتاب ثاني اسمه

Physics for Scientists and Engineers .. Raymond A. Serway - John W. Jewett

http://www.mediafire.com/?u16htrm7n5o8w9h

[saud888]

^
^
^
سلمت يالذيب