بخصوص الكتب للطلاب وطالبات السنة التحضيرية (الدفعه 10)

[المايسترو77]

طيب ياخوي فهد انا ساكن بمكة وعندي استطاعة اني اذهب للمكتبة
هل لابد انهم يرسلولي ولا لا اروح لهم بنفسي .. وش الافضل؟؟

[فهد العنزان]

المشاركة الأصلية كتبت بواسطة المايسترو77 طيب ياخوي فهد انا ساكن بمكة وعندي استطاعة اني اذهب للمكتبة هل لابد انهم يرسلولي ولا لا اروح لهم بنفسي .. وش الافضل؟؟

عادي أخوي انت حر مشاء الله بمكة يعني ساعة

وانت عندى مكتبة الخوارزم

[ابومحمد663]

مساء الخيير للجميع


الاخ فهد العنزي بيض الله وجهك بس عندس استفسارين لاهنت:-

الاول:-
يعني كتب السنه اللي راحت ماتفييد عشانها متوفره معي من صديق منتسب ولا لازم نشتري من جديد وليه الجامعه تغير المنهج والكتب كل سنه مو كافي 3000 حقت التسجيل اذا انت وغيرك مقدورين فيه ناس يالله اليووم ولاعشان الواحد اذا كان طمووح لازم يدفع ويتحمل طموحه ولا يبقى على شهادة الثانويه ويتحمد ربه ؟؟؟؟؟




اما الثاني:-
انت قلت فاحد ردودك لاخوانا (نهاية الدوام اليوم إن شاء الله الجامعة مشغولين ومضغوطين

من أجل طلاب وطالبات الأنتظام اليوم

الصبر الصبر )

يعني الل ابي افهمه ان ما فيه ناس مختصين لنا احنا يالانتساب يخلصوون امورنا بسرعه ولا الشغله لخبطهـ يعني اذا جيت ابي اراجع في الجامعه عن شي وفيه طلبه منتظمين بيقولوا لي خلنا نخلص اهل الانتظاماول وابدا وبعدين تعال انت ياراعي الانتساب......!!!!






بس هذا اللي حبيت انك توضحه لي

[السمووو]

شكرا على الخبر والله يعين بالنسبة لي بادق مشوار من الجنوب لجدة

ابي اخش المكتبة واشم ريحة الكتب

[السيف 2009]

جزاك الله كل الخير

[يارب تحقق احلامنا]

اسأل الله يجعل ما تعمل فى صحيفتك خيرا كبيرا يا ابا فيصل والله تعجز الكلمات عن شكرك فيكفيك شكرا حبنا لك -دمت بحفظ اللة لنا

[متفائله واليأس بالمرصاد]

بارك الله فيـــــك وحقق لك كل ماتتمنى ^_^

[المحيط الهادي]

شكراً ابوفيصل على مجهودك
بس والله ماني فاهم بالجدول وش تقصد فيه
يعني خطة (أ) والمواد المرفقة معها هي المقصودة والا فيه حاجة تانية

[الكنكورد]

جزاك الله خير يا استاذ فهد العنزان على ماتبذله من جهد وجعلة في موازين حسناتك .
فعلا ً انت عميد طلاب خطة (( أ )) ونفخر بك ..
استفساري ياعزيزي هل بالضرورة شراء جميع الكتب أم الملخصات تكفي ........ وياليت تفيدنا عن اسعار الكتب جميعها ولو بالتقريب ...

دمت بود ...

[ابوقيان]

جزاك الله ألف خير اخوي فهد العنزان

بس بسألك كم تتوقع قيمة الكتب كلها علشان نعرف نضبط أمورنا
لأني ما ضنيت اني اطلبها يمكن اروح لجدة واشتريها ( حج وقضيان حاجة )
بس أبي اعرف قيمتها تقريباً عشان ما اتوهق بالمصروف

واشكرك على مجهودك معنا