نـــصــيــحـــــــــــــــــة

[G.i]

مؤيد جداً عن طريق الخاص ،

[الحوووووووووووت]

المشاركة الأصلية كتبت بواسطة السروري من يريد الخير لأعضاء المنتدى لاينشر أي أسئلة بطريقة مباشرة فوالله العظيم إن أغلب الدكاترة يتصفحون المنتدى بين الحين والآخر زي ماحصل الترم الصيفي مع الدكتور محمد أحمد أسعد والدكتور محمد توفيق الإدريسي عندها تفاجأنا إن الدكتور الإدريسي يتكلم عن بعض أعضاء المنتدى بكلام غير مقبول لأنهم أبدو رأيهم في طريقة الأسئلة في مادة بحوث العمليات مما أثار لدية الغضب عليهم . وأيضاً لاننسى الدكتور محمد أحمد أسعد عندما بشرنا في الدورة بأن جميع الطلاب اللي مسجلين مادة قراءات إدارية ناجحين ناجحين على حسب قوله لنا وعندها تفاجأنا من المحاظرة القادمة بأنه تراجع عن كلامة لحيث إن أحد الطلاب تكلم في المنتدى وأخبر الجميع بماحصل مع الدكتور من ناحية عدم رسوب أحد مما سبب لدى الدكتور الإنفعال والإحراج مع رئيس القسم الذي أخبره عن ماكتب في المنتدى . هذا مالدي وأحببت التنوية فيه . نصيحة لخوي أبو بندر 1 الله يعطيه العافية في كتابته حصريأ حصريأ ترى كذا تضر زملائك ماتنفعهم أرسلهم على الخاص بدل العلن عشان مايروح تعبك وتعبهم على الفاضي . نصيحة لوجه الله من يريد الخير لأحد فاليرسل على الخاص فالإدارة جهودها عظيمة فالمنتدى فرصة للتعارف وليس للتشهير .

اولاً مساكم الله بالخير ..

ثانيا ياخوي مدري ليه انتم خايفين من الدكاتره ومرعوبين ترى انتم لا تسرقون ولا تنهبون ؟؟؟

يا اخوان والله العظيم ثم والله العظيم ان الدكاتره مادروا عنكم ياخوي اللي يبي يغير الاسئله على حسب مزاجه مو لأنه شاف الاسئله للاعوام السابقه انتشرت يعني ما يدري على بالك !!!!

وبعدين بالنسبة على كلامك قال الدكتور الفلاني وسوى الدكتور الفلاني جعله يسوي اللي يبيه دام انه صرح بأنه ينجح راح ينجح ما قالها وهو خايف من احد ... ولا الافضل كان سكت ونجح الطلاب بدون تصريح ؟؟؟؟ ياخوي منطقياً !!!!

وبعدين اصلاً موضوع الاسئلة مو سرقه او استغفال لأي دكتور عشان تروح تحطها في مكتبه ويضرب الشباب مشوار لأجل ياخذها ولا بعد مايمر الوقت وقبل الاختبار 4 ساعات تحط الاسئله وتقولون الله يعطيك العافيه ؟؟؟؟؟

يا اخوان الدكاتره اشطر مني ومنك وبعدين خبره تعليم وزناوه وعارفين المواضيع كلها اللي تحصل من الشباب على كثر ما مر من طلاب عليهم طوووووووول هذي السنين ترى مو اغبيا الدكاتره عشان حضرتك وحضرتي عنده اسئله سابقه راح يغيرون الاسئله ...

وبعدين وجود الاسئلة في المنتدى مو عشان اخبيها وجودها عشان الاستفادة منها في تحصيل عدد اكبر من المعلومات مع المراجعه فقط مو عشان احفظها صم واحذف الكتاب والملخصات واجي للجامعة واثق من نفسي واختبر ....

الاسئله وضعت للكل سواً شافها الدكتور او ما شافها قلعته احنا مو في مسابقه مع الاقوى والاذكاء ..

وبعدين لو الدكتور يبغى يغير الاسئله بيغيرها ولا درى عن احد واسئلة الاعوام السابقة اكيد مطلع عليها وبعض الدكاتره يغير فقط 10 اسئله والباقي تجي زي ماهي ترى مساعده من الدكتور فقط بدون غباء ياشباب يعني مايدري عنكم الله يهديكم بس اتركوا عنكم هذي الوساويس ومن يقول لابد وضع الاسئله عل الخاص انا متاكد انه مو مذاكر ولايبي يفهم اصلاً بس يبي الاسئله فقط عشان يحفظها ؟؟

ويروح يختبر يعني تحصيل حاصل فقط !!! للأفادة فقط ؟؟؟

الله يوفقكم وحبيت اضيف هذي المعلومة بس عشان توضح الصوره وخلاص من شد الاعصاب والحرب النفسيه ؟؟؟؟
ومشكور اخوي على النصيحه ... بس ترى نصيحتك مش في محلها !!!
ولكم جزيل الشكر

[رسمي]

هههه ارفقو على انفسكم بس

الموضوع له سنة ياحبايبنا

من كثر المذاكرة بعض الأعضاء يسولف حتى وهو نايم

[أبيض قلب]

أنا أستغرب من جامعتنا الموقره أليس من المفروض عدم سحب الأسئله من الطلاب حتى يستطيع الطالب مراجعة إجاباته والتأكد منها الأمر الذي يقلل من مراجعة الطلاب لأوراقهم وإشغال المسئولين في الجامعه ورمي الإتهامات عليهم إضافة إلى أنها تكون بمثابة تعريف للطلاب الأخرين والجدد بطريقة وضع الأسئله وبالتالي معرفة طريقة المذاكره فهذا هو الهدف الأساسي من نشر الأسئله

وأما وجهة نظري في إرسال الأسئله على الخاص أنا أراها طريقه غير فعاله فرواد هذا المنتدى كثر ولا يمكن مراسلتهم جميعا على الخاص فضلا عن الوقت الذي تستغرقه الرساله بينها وبين التاليه إضافة الى أن هناك زميلات لنا أيضا بحاجه إلى هذه الأسئله والتي تمنع قوانين المنتدى من تبادل الرسائل الخاصه بينهن وبين الطلاب لذلك انا أرى إنزالها في المنتدى قبل الإختبار بـ 24 ساعه على الأقل لتكون بمثابة مراجعه للطلاب وحتى تعم الفائده وبالتوفيق للجميع