فائض من النسوة علينا رميه للموت!

[soma al7elwa]

د/ روميو :

أهلا وسهلا

شي مو بس يحزن .. وكمان يقطع القلب والله

طيب حلو انو يكون في لو 5 بنات

السنة الجية ان شا الله 10 واللي بعدها 20 وزي كدا

اهم شي يرجعولنا بالسلامة وبفايدة ..

انت كيف حالك وكيف التحضيري معاك؟؟

كيف درجاتك لما دحين ؟

إن شا الله كلها كم شهر ونشوفك عند البشري =)

نورت الموضوع

[soma al7elwa]

أوكسجين :

الحمدلله على كل حال ..

مابيفيدنا السب والذم دون عمل ..

لازم كلنا نعمل انو نغير عشان اولادنا ..

صدقيني حتى عند الأولاد الوضع الاسعافي مؤسف ..

صح مو لدرجة البنات .. لكن فعلا فحالة يرثى لها

لسه من كم يوم فالجريدة قصة طفل بغيبوبة بعد ما توقف ايصال الاوكسجين للمخ لمدة 45 دقيقة

راح يسبح مع رحلة مدرسية وغرق والاولاد يصرخوا ويستغيثوا ومسعف السباحة يتكلم جوال ومو سامعهم !!

ولما اسعفوا الطفل قال المسعف الطبي حق المكان ماعمل شي وقال انو مايقدر يعمله شي ولازم يروحوا للمستشفى!!

يعني قمة الاهمال .. يمكن لورحتي ادغال افريقيا تلاقي الناس هناك تهتم بأطفالها اكتر من كدا

فعلا " ومن أحياها فكأنما احيى الناس جميعا"

صدق الله العظيم

نورتي يا اوكسجين

[Abu Abdullah]

وهذه الخبريه اليوم
منذ 2007 وهم يحققون ولسى ما أنتهوا.....
وكالات:
أمر قاضي اتحادي أمريكي إدارة إحدى المدارس بتغيير سياسات التسجيل التي كشف أنها تحرم البيض والسود من الحضور سويا في نفس المدرسة، وفي بعض الأحيان في نفس الفصول.
وأفاد "توماس لي" - القاضي الاتحادي بإحدى محاكم ولاية ميسيسبي الأمريكية – بأن سياسات التسجيل بالمدرسة تخالف قرار الحد من التمييز في العملية التعليمية الصادر منذ عام 1970.
وجاء في الاتهام الموجه للمدرسة أنها "الإدارة تسمح سنويًا بنقل نحو 300 طالب - غالبيتهم من البيض - للحضور في مركز "سالم أتدنس"، رغم إقامتهم في منطقة تايلر تاون".
كما ذكر الادعاء أنه "نتيجة لعمليات النقل تلك فإن مركز سالم أتدنس صار مدرسة للبيض خاصة قائمة على أساس عنصري، في حين أصبح الحضور في مدارس تايلر تاون للسود في الغالب".
وأضاف القاضي ضمن الاتهامات: القيام بتشكيل مجموعات منتقاة من التلاميذ في بعض المدارس ظهر في إثرها "أعداد غير متكافئة من التلاميذ البيض في فصول دراسية معينة"، وذلك في المدارس الابتدائية في تايلر تاون، الأمر الذي تسبب في وجدود "أعداد من فصول دراسية كاملة للسود في كل مرحلة دراسية".
من جهته قال النائب العام المساعد "توماس بيريز" - نيابة عن قسم الحقوق المدنية بوزارة العدل - إنه "من غير المقبول أن تطبق إدارات المدارس سياسات من شأنها أن تشجع عودة الفصل العنصري إلى المدارس العامة أو التساهل نحوه". وأضاف "سيكون لنا إجراء يُخضع دائرة المدارس لقرارات منع الفصل العنصري بما لا يؤثر على التزاماتهم، وذلك لإزالة أي آثار للفصل بين مدارس السود والبيض".
وكانت وزارة العدل الأمريكية طلبت من مدرسة المقاطعة في نوفمبر/تشرين الثاني 2007 معلومات عما إذا كانت المدرسة تنفذ قرار منع الفصل العنصري المعمول به منذ العام 1970 أم لا. كما فتحت الوزارة باب التحقيق مرات عديدة على مدار السنوات الماضية مع إدارة مدارس مقاطعة ولثال، متهمة إياها بالقيام بممارسات اعتبرت "انتهاكا صارخا" لقرار الحد من التمييز العنصري.

هذه حقوقهم وأنظمتهم الوضعيه
هذا في مجال التعليم ولأطفال !!!!!!!!!!

[soma al7elwa]

أهلا أهلا ابو عبدالله

اول شي :

مقولتي وضحت ايش اقصد فيها ..

وعدت الشرح وحرجع مرة تانية اعيده

عندنا شخصين

واحد واتنين

واحد دا عنده كتاب في كل اصول الاتيكيت في العالم واحسن كتاب يعلم البشرية كيف يكون ناس متأنتكة ومرتبة

واتنين ماعنده الكتاب دا .. لكن عنده أساليب واحد واتنين وتلاتة واربعه عمرها ماكانت بكمال كتاب الاتيكيت حق رقم 1 لكنها اساليب حطها من راسه كدا

طيب ؟ حلو لما دحين؟؟

رقم واحد دا يمسك الملعقة بكل يده زي مسكة الاطفال

يملي الملعقة للاخر ويدخلها كلها فحلقه .. يتكلم وفمه كلو اكل .. يوسخ ملابسه وفمه ويده وهو ياكل

يطلع صوت وهو يمضغ .. غرفته موسخة وملخبطة والملابس مرمية فكل مكان ..

وعنده كتاب الاتيكيت .. ويقراه بين فترة وفترة وممكن كل يوم وفوق دا ودا يدرسه بالمدرسة.. لكن يقراه للمطالعة بس

وعندنا رقم اتنين ماشي بكل الاساليب الي حاطها لنفسه ويحاول ما يغلط وازا غلط يعاقب وفي حالات بيهرب من العقاب وفي حالات مابترضى تتبع النظام اللي هو حاطه لكن بالغالب تلاقيه انجح من الاول في الظاهر ومرتب اكتر منو ومتقدم ومتطور اكتر منو

مين احسن ؟؟؟

صاحب كتاب الاتيكيت الكامل اللي مافي زيو اللي من هو صغير يدرسه ويسمع انو احسن كتاب واحسن نظام ولا بيتبع شي منه

ولا صاحب الاساليب الوضعية الي يعلمها لنفسه وقدر يكون من نفسه قوة ونظام في بلده؟؟؟

ازا مافهمت قصدي كمان بعد الشرح اللي حاولت اشرحه فأنا اعتذر ..

لأنو ماعندي شي تاني اقوله واوضح اكتر

بالنسبة للدراسات اللي اقسم بالله مليييييت وانا كل ما افتح موضوع يجلسوا يعيدوا ويزيدوا فيها

أول شي ترى مجرد وجود زي دي الاحصائيات والدراسات دا يعتبر نقطة كبيرة جدا في صالحهم ..

تاني شي ..

جبلي نفس الاحصائيات دي مقامة على العالم "الاسلامي " وجبلي مصدرها وعلى اي شريحة اقيمت

كم عدد النساء المغتصبات في بلادنا ؟؟؟ عندك اي دليل اننا اقل منهم؟؟

كم عدد الاطفال اللي يتم اغتصابهم في دا السن؟؟

كم عدد البغايا عندنا؟؟

لا تجلس تقارن تزويج اطفال في سن 8 و9 و10 سنين في مجتمعاتنا لرجال تجاوزا العشرين من عمرهم وبعضهم وصلوا للـ60 والـ70 بممارسة الزنا لمراهقين بسن 17 و18 وبرغبتهم وهو يعتبر شي عادي في مجتمعهم مع انو غلط عندنا

شتان مابين الاتنين

كم عدد الشواذ عندنا ؟؟؟

كم عدد النساء اللي ينضربوا ويعذبوا جسديا ونفسيا من ازواجهم واخوانهم وابائهم "واولياء امورهم" عندنا؟؟؟

لسه الاسبوع اللي فات قريت عنوان في جريدة الجزيرة حسب ما اذكر بانه 92 % من السعوديات سبق وتعرضن للاعتداء من ازواجهن

والله اعلم بصحة الاحصائية هادي من عدمها لأي وقتها كنت مستعجلة

لا تجلس تجيب احصائياتهم واحنا ماعندنا اي احصائيات ... ترى كل شي ذكرته موجود عندنا بشكل او بآخر

ايش اللي يثبتلك انها حالات فردية ولا تتجاوز اصابع اليد؟؟؟

عندك احصائيات واثباتات على كدا؟؟

ولا اعتمادا على وكاله يقولون للانباء ؟؟

ترى الاشياء الي زي كدا مافي احد يتكلم عنها عندنا .. ودا ماينفي انها موجودة او ازا طلعت قضية او اتنين انو هي بس دي الموجودة

أما العنصرية وما ادراك ما العنصرية عندنا ..

ياترى كيف بنعامل البنغالي ولا الهندي والباكستاني ولا الاندنوسي ولا الفلبيني اللي جايين يشغتلوا هنا؟؟

ياترى زوجتك او اختك او امك بتعامل الخدامة فالبيت زي ما بتعامل بنتها او اختها؟؟

بلاش نجيب الجنسيات دي

كيف بنتعامل مع الجنسيات العربية التانية اللي جية بلدنا؟؟؟

يا اخي كيف بنعامل السعوديين اصحاب البشرة السمراء من اصول افريقية واللي حالتهم على قدهم؟؟

كل شي قلته الاسلام منه براء عشان جايز تفهم كلامي اني بقول انو الاسلام فيه نقص

الاسلام هو ديني الكامل

بس الاسلام شي ووضعنا شي تاني خااااالص

[soma al7elwa]

عاشق الفهد :

طيب ولاتزعل الدكتور دا غلطان لأنه قال لطلابه ايش حيصير فيهم لو عملوا شي زي كدا

المفروض مايقول لطلابه ايش حيصير فيهم لما يتصرفوا بطبيعة عملهم والعقاب اللي حيلاحقهم

الجوائز والمكافآت كانت مجرد تمثيل استهزائي بكيف يكافئ المجتمع الاعمال البطولي دي وانقاذ الارواح عشان ما ابغى اشوه صورة مجتمعنا

على افتراض اني طبيبة وعارفة انو فمجتمعي لو عملت دا الشي راح اتهم واحاكم كمجرمة مع انو بالفطرة هو اسمى فعل ممكن افعله ...

قولي انت ايش راح تسوي؟ بعيدا عن المثالية ..

زي في مستشفى الجامعة يقولك ازا جاك واحد اجنبي بدون اقامة وبدون اثبات بحالة خطرة جدا ولو شفتيه يموت قدامك ماتدخليه

كدا القانون وكدا النظام

ساعتها ايش يقدر الطبيب يعمل؟؟؟؟

لما تكون القوانين هي اللي تقيده وتكبل عمله؟؟

هل يذم الطبيب لفعله ولا يذم القانون والنظام؟؟

[عاشق الفهد]

المشاركة الأصلية كتبت بواسطة soma al7elwa عاشق الفهد : طيب ولاتزعل الدكتور دا غلطان لأنه قال لطلابه ايش حيصير فيهم لو عملوا شي زي كدا المفروض مايقول لطلابه ايش حيصير فيهم لما يتصرفوا بطبيعة عملهم والعقاب اللي حيلاحقهم الجوائز والمكافآت كانت مجرد تمثيل استهزائي بكيف يكافئ المجتمع الاعمال البطولي دي وانقاذ الارواح عشان ما ابغى اشوه صورة مجتمعنا على افتراض اني طبيبة وعارفة انو فمجتمعي لو عملت دا الشي راح اتهم واحاكم كمجرمة مع انو بالفطرة هو اسمى فعل ممكن افعله ... قولي انت ايش راح تسوي؟ بعيدا عن المثالية .. زي في مستشفى الجامعة يقولك ازا جاك واحد اجنبي بدون اقامة وبدون اثبات بحالة خطرة جدا ولو شفتيه يموت قدامك ماتدخليه كدا القانون وكدا النظام ساعتها ايش يقدر الطبيب يعمل؟؟؟؟ لما تكون القوانين هي اللي تقيده وتكبل عمله؟؟ هل يذم الطبيب لفعله ولا يذم القانون والنظام؟؟

شوف ياخت اسماء التعصب الموجود في ردودك قد يفقدك الحق حتى وان كنتي عليه لان بصراحة انت تنظري بعين واحدة
اضرب لك مثال هل تذكرين حادثة الشابين الذين انقذو المراة التي غرقت في حائل هل فكرو مثل تفكير الطبيب مع العلم ان تعليمهم لايتعد المرحلة الثانوية افراد الدفاع المدني مع العلم انه يوجد لديهم اخطاء لكن لمعرفتي لكثير منهم ومشاهدة بعض الاحداث الى انهم يدخلون وينقذون النساء ويشكرون على عملهم وكذلك الاطباء وجميع من لديه روح التضحية لعمل الخير لاينظر الى عادات وتقاليد مع العلم ان الطرف الاخر والذي يكون المجتمع لو راى شخص ينقذ بنته او اخته او زوجته ماراح يتضايق او يزعل اقل ماراح يسوي له يقول له كلمة شكرا انتهينا من هذه النقطة

سؤالك لي وش راح اسوي راح انقذ حياة هذا الشخص ولن اراقب في هذا الشي سوى الله

بالنسبة لمثالك في مستشفى الجامعة انو اذا جاك اجنبي لاتعالجه انا اتفق معك ان هذا الشي خطأ فادح ولكن اذا كان خصمك القاضي فمن تقاضي وهذا لادخل لمجتمعنا فيها لانه مغلوب على امره
نقطة اخيرة مهنة الطب مهنة عظيمة ويجب على اي طبيب انقاذ حياة اي شخص مهما كان عرقه بغض النظر عن القوانين والنظام

الاخت اسماء خارج عن الموضوع بما انك في المجال الصحي مارائك في المنظر المقزز من الممرضين والممرضات السعوديين والي بافعالهم شوه صورة هذه المهنة ؟ اريد الجواب بكل صراحة

[.,.نيــــــــــــــــــــران.,.]

المجتمع يتكون من أفراد بطبيعة الحال ، ولو كل فرد طبق مع نفسه قبل كل شي وأهله وعائلته شريعة الله وهداه لأصبحنا متجمع صالح

ولا نلقي اللوم على العادات والتقاليد / نحن أنفسنا ارتضيناها وتناقلناها جيل عن جيل

الان الناس ماشاءالله في صحوة كبيرة ، ولا أعتقد أن القضية كبيرة الى هذه الدرجة
وكل انسان في النهاية وضميره والمسئول يجب أن يحاسب

الجامعة مادخلت الاسعاف عشانهم رجال المفترض تحاسب
المدرسة انحرقت والسبة منع دخول رجال المفترض تحاسب


أتمنى التوفيق للجميع

[سكووت]

اعتقد بعض الجيل الحالي رافض العادات دي عشان كدا مانقدر نقول ارتضيناها لانها سارت مفروضة غصب

[سمـ الأنوثـة ــو]

وعرفنآ انو الحكمة انو الذكر اعلى لانو هوآ المسؤول عن الانثى بعد وفاة الوالدينوانو بيصرف عليهآآ الين تتزوج ....لكن جينآآآ وقمنآ على الاستآذهـ قلنآ :ممكن الاخ ياخذ حقة ومانشوف وجه مره ثانيه ..وممكن ياخذ حقه وحق اخته بالقوهـ ويسيبهآ تكآآآآآآآآبد الحيآة لوحدهـآآ ...فكيف كدآآآ ماصرف عليها ولا شي ففين الحكمة

هلا نسيم
اذا بياخذ حق اخته فما فرقت اذا اخذ ضعف ما اخذت او اخذو نفس الشي
هنا المشكلة ماهي في التقسيم
المشكلة في تصرف الاخ والقضاء يحلها

اما عن التقسيم فاحنا ولله الحمد ناخذ نصف ما ياخذو
وتحطيها على جنب وغيرك يصرف عليك سواء اخ او زوج او اي ولي امر لك
ومو برضاه غصب عنه

هذا هو الحكم الشرعي والي ما يطبقة الغلط يكون فيه

نقعد ندرس انو الاحكام كاملة والاحكام ربانية وديننا حفظ للمجتمع والمرأة حقها والموال للي حافظينه ومافي شي يتطبق؟؟ نفسي افهم ليش مافي جهة تتابع الامور اللي زي الورثة واز فعلا الرجل بيصرف على النساء اللي تحته ولا لاهف الفلوس في بطنه

ما اعتقد ان كلمة الشرع كامل هي نقطة الخلاف عندك
علشان كذا راح ارد على المقطع الثاني

ما اعتقد له داعي انه تكون في جهه تتابع موضوع الورث
لان بكل بساطة الي ما تاخذ حقها
سواء ورثها او مصروفها من ولي امرها
تقدر تشتكي ويجبروه يصرف عليها

واعذروني يمكن خرجنا عن الموضوع الاساسي
بس كان لازم ارد على الاقتباسات اعلاه

واتمنى تتقبلو مروري

[سمـ الأنوثـة ــو]

اقولك هي بصريح العبارة .. لو كان شرعا مايحق لي ان اعمل بوظيفة تنقذ ارواح البشر وتستر على بنات الناس بسبب العذر المعتاااد الاختلاط والخلوة فأنا اخالف الشرع .. لأني عارفة في قرارة نفسي اني مابعمل شي غلط

من قال انه مخالف للشرع
الصحابيات كانو يسعفون الجرحى في الحروب مع الرسول صلى الله علية وسلم