مشاكل تباعد المباني

[^^memo^^]

اهلا بنات

اعذروني على التاخير..

يارب يكون العام الدراسي الجديد عام توفيق وسداد ونجاح باعلى الدرجات..

...

بالنسبه لمشكلة تباعد المباني

زي ماقلتو اتكسرت رجولنا من الجري وانشووينا واتاخرنا على المحاضرات..

انا عندي اقتراح بسيط امكن يساعد لحل ا لمشكله

اول حاجه لازم كلنا نكون عارفين انو عدد طالبات جامعة الملك عبد العزيز لا يقل عن 14000 طالبه

ومومعقول انو الكل لازم يركب القولف كارس لانها ماراح تستوعب العدد..

وطبعا مو الكل متأذي من تباعد المباني.. ونحنا نقر انو عددها جدا قليل وتحتاج لالية لتنظيم عملها..


بالنسبه لاقتراح انو لكل كلية مباني قريبه مااتوقع راح يتطبق بسهووله ..

وزيادة حجم الغولف راح يسبب ضيقة وزحمة الممرات اصلا مو مره واسعه

نحن نزيد العدد بنفس الحجم افضل
...

اقتراحي هوا..

تكون هناك 4 محطات معرووفه للقولف كارس تتوزع بتناسب بحيث تكون قريبه وشاملة لكل المباني
مثلا (امام البوابة الغربية 2)(امام سامبا)

ويصير الطالبات يتوجهوا لها مباشره وتنقلهم

والشي الجديد انو يكون لون كل سياره يشير لمبنى معين ويكون مكتوب رقم المبنى على السياره ذهاب واياب من المحطه للمبنى والعوده بعض المباني تحتاج اكتر من سياره راح يتم الترتيب لهذا الموضوع

عشان ماحد يتعب من اللفه على كل المباني عبال مايوصل مبناه..

ويصير حتى لو السياره ماشيه متوجهه للمبنى طول الطريق اي احد حاب يتوجه للمبنى يقدر يوقفها ويطلع وهوا ضامن اتجاه السير

وتكون هناك سيارات مالها مباني محدده بحيث اذا كانت كل الغولف انشغلت تبقى هذى اتجاهها حر وتمشي في كل الجامعه



وضع امام كل بوابة خريطه توضيحه لاماكن المباني +محطات الغولف كارس


اقتراح حنين الود جدا رائع

انشاء مركز خدمة الطالب في كل مبنى يحتوي على الة تصوير ومستلزمات دراسيه..

ومن الاقتراحات انو اللي يشتغل في هذي المراكز هما نفسهم الطالبات في اوقات الفراغ ويكون براتب رمزي زي مابيصير دحين في المكتبه..

,,,

انتظر ردكم واضافاتكم

:)

[نسمات]

ياجماعه والله حرام بصراحه اذا مانحلت هذه المشكله
والله فيه بنات وانا منهم نفكر نسيب الجامعه صحيح بيضيع مستقبلنا
بس اهم حاجه نرتاح من هذه المهزله اللي صايره
انا اول اسبوع ليه في الجامعه وتعبت ونعدمت بشرتي واتكسرت رجولي
اجي الصباح على مبني كليه العلوم والمحاضره الثانيه في مبنى 3 ومنه الى كليه الاداب
ومنه الى مبنى 12 اللي هلكني اكثر محاضراتي هناك والباص بيوقفني عند البوابه الغربيه 1
والله اكتب وانا فيني قهر مابغي مستقبلي يضيع بسبب شئ زي هذا
والقولف كار والله البنات يتزاحمو عليها وشويه احس بتضاربو عشان كذا انا ماضيع وقتي عندها

[سمينا انت]

الله يكون في العون

[•♥fŗŌồtą]

ماعندي مشكله مع المشي 5 دقايق تكفيني

بس بعض البنات يجلسو يسولفو وهما يمشو وفي النهايه يقولو يبغالنا ربع ساعه ولاثلث عشان نوصل

ولا وحده لابس كعب >> في احد يلبس كعب في الجامعه

البسي سبوور في اقل من دقيقتين وانتي واصله المبنى

وكمان بنات يجلسو فوق الربع ساعه يستو سياره توقف لو انها مشت كان وصلت

بالعكس انا اشوف الجامعه مهي بالكبر ذا هيا المشكله الشمس لو يحطو حاجه بس تمنع الشمس تدخل

يعني الي ممكن نعذرهم البنات الحوامل والي عندهم مشاكل صحيه اما بنت عمرها 19 -20 لليش تركب سياره

توها في عز شبابهاا بكره تتمنى انها تمشي ذا المشي

وبس..//

^__^

[^^memo^^]

:)

المشكله مو في المشي ..المشكله لو جاتك محاضرات ورى بعض وكل وحده في جهه حتى لو هرولتي ماراح توصلي في الوقت المطلووب ,, يعني في ذي الاوقات تكوني محتاجه القولف

ارسلت للمسؤلين بخصوص الموضوع.. واي تطور راح ابلغكم

[طفشانا]

مشكله والله بشرتي الجميله بتنعدم من الشمس قهر

[M!Šs JỏJỏ]

المباني مو مرة مرة بعيدة عن بعض بس تحت اشعة الشمس الباردة يا سلام ما توصلي المبنى الي تبغيه الا وراسك مصدع
اول كنت اقول عادي اسوي رجيم ورياضة كل يوم ولا اقول عادي اتشمس بس اللون الله يستر عليه
بس بصراحة شويتين تعب والي من جد ينرفز تقل الكتب ما ارجع البيت الا ويدي وضهري مكسر من الكتب
^^ يبغالي أجيب شنطة سحااب

أما اني استنى عند الغولف كارز عندي امشي ولا اوقف اشوف الزحمة والمضاربات

فاليوم قررت اجيب سيارتي الخاصة وارتاااح
والا نسوي زي اقتراح اختنا ~Aspirant~ ونقلب الجامعة فلة وسباق
يلا ان شاء الله تزيد عدد الغولف كارز ونعرف نفرق بيناتهم ما نروح لوحدة تقول ما تشوفيني هنا يعني ما اوصل هناك ومن دا الكلام

[ريــــن]

والله اليوم بالذات شي مو طبيعي تعبت تعب الله لايوريكم وربي جاتني ضربة شمس ..

الازمة بصراحة من 420 مررره بعيد اول شي عندي محاضرة في 420 بعدين التاسع

بعدين الخامس بعدين ارجع 420 مررررة تعب تهي

[جمانة الفيصل]

بجد والله المباني مسوية للبعض مشكله حرام خصوصاالحوامل واللي عندها مشاكل صحية
بصراحه حزنت ع وحده من البنات من مبنى 13 رايحه للتاسع والله حرام والادميه حامل وحالتها حاله مافي مراعاة الله يعينها

[كلمات من القمر]

الله يوفقكم ونرتاح من هالمشكله