ايش ذنبي !!!

[Meme599]

ماعليكي منو وربي ظلم احس سخافه لما الواحد يفكر كدا
اختﻻط وﻻ مو اختﻻط احنا مو بزوره خﻻص كل واحد عقلو ف راسو ويعرف خﻻصو

نصيحححه ﻻ تضيعي حللمممك هيا مرا وحده حتدرسي
انا اتمنى اني ادخل طب بس نسبتي شوي نزلت واحتمال ماانقبل

اختاري اللي تبغيه وماعليك منو ،
قوي شخصيتك عليه مو بزره انتي يختارلك التخصص!!!
قوليلو عيش حياتك ومالك صﻻح فيا امي وابويا لسا عايشين !!!
ﻻ تديه مجال ابدا
الله يكتبلك كل خيرررر ويفرج همك .

[Lujain :)]

-




معليش ممكن اسئلة خاصه شويا ؟
كم عمره ؟ وايش متخصص إذا متخصص ؟
( ممكن احاول اجيب لك اساليب للاقناع ! )

مع هذا قوي صلتك بربك ولا تحطي مختبرات الرغبة الأولى
الا وانتي مستخيره قدامك لسا 4 آيام ..
بعدين مانعرف إذا ربي كاتب لنا نعيش بكرا ولا لا !
فعيشي يومك و وكلي امرك لربك وانبسطي باجازتك ولا تهلكي نفسي بالبكي ..
وبالأخص لا تبكي قدامه ..

صدقيني كلنا جالسين ندعي لك وكلنا معاك ()

[3zzouzz]

المشاركة الأصلية كتبت بواسطة totaaa // و الشيء اللي يقهرني كل واحد يفرد عضلاتو و رجولتو الكذابهه ع اخواتوو و انو الشيء دا عيب و محرم و كفر و يا ويلكك و وووو بس تتعب زوجتوو لوو بتموت ما يرضى الا بدكتورة تكشف عليعهااا !! تناقضضضضضضضض //

شوفي : اولا انا اختي تدرس طب وجراحة وماشية الحمد لله في السنة الثالثة
ودا الشيء اشوفه جدا عادي ، المحترم محترم لو خرج قدام الناس عريان
وقليل الادب حيكون قليل ادب حتى لو ما خرج من بيتهم !!
ثانيا : بخصوص الكلام المقتبس : هذا مو تناقض دا شيء طبيعي جدا
للناس اللي بيفكروا زي كدا ، لأنه الدكتورة اللي يبغوها حتكون اجنبية والاجانب
عندهم الاختلاط عادي , او حتى لو كانت مواطنة ، طالما انها مو قريبته
واهلها سمحوا لها انها تشتغل الشغلة دي خلاص محد له صلاح ،
زبدة الكلام انو كل واحد يفكر في اهله ويخاف عليهم وهذا مو تناقض اطلاقا !!

اما انا عادي اختي تشتغل دكتورة لأن هذه المهنة شريفة جدا طالما انها محترمة
وتخاف ربها !!

[MUB]

و عليكم السلام ورحمة الله وبركاته أختي Totaaa

صراحة يأختي موضوك في العصب بي الزبط

أنا يا أختي ما أقدر اقلك ايش تسوي وحتى اذا قلت لك هذا ماراح يحلها بس راح يزيد ضغطي عليكي في اتخاذ قرارك

أنا اول شي ادعي الله عز وجل انه يسهل امرك ويهدي اخوكي , وهذا كله اختبار من ربك , فستخيريه هو وحده قادر ع من يهون عليكي ازمتك


في عندك خيارين احلاهم مر !


1- ما تدخلي المختبرات تخشي تخصص ما تحبيه و تتحسفي ع انك ما حققتي حلمك وتبدائي تتخبطي في تخصصك وتنتهي بمعدل تعبان بس تضلي مرتاحة مع اهلك من دون مشاكل او يمكن بعد فترة من الزمن تحبي تخصصك وتكملي حياتك


2- تدخلي المختبرات حلم حياتك و الشي اللي خلاكي تسهري الليل على شأنه بس تعيشي تحت ضغط من الأهل خاصة أخوكي واعمامك " الله يصلحهم " بس ابوكي راضي عليكي وبعد فترة وبعد عمر مديد الله يحفظ لك الوالد قد يتوفى وتبقى تحت ضغط من اخوكي واعمامك من دون اي مساند , او , ممكن اخوكي يغير رايه ويتقبل الفكرة وممكن في يوم من الايام يحتاجوك وتتغير الفكرة تماماً .


^ انا ما أفاول بي الشر لكي ابد بس ذا اللي ممكن تواجهي في اتخاذ قرارك + الشي اللي تسويه مهو حرام بي العكس شي عظيم واجره عند رب العالمين كبير .



بس السؤال : هل انتي قادرة على ان تضحي من اجل تخصصك وحلم حياتك ؟


انصحكي بي الأستخارة وربي يوفقك ويحقق احلامك .

[رهف عبدالعزيز]

بسم الله الرحمن الرحيم
شوفي ياحبيبتي بقولك وش تسوين
اولا استعيني بالله واستغفري ربك كثير وقولي حسبي الله لا اله الا هو عليه توكلت وهو رب العرش العظيم
ثاني شي ابيك تقومين الليل تدعين ربك يفرج همك ويفكك من كيد اخوك
واهم شي توكلي ولا تضعفين وبالنسبه انه يسحب ملفك مايقدر
بيسوي نفسه قوي وهذا يدل على نقصه
وخليك قويه ولاتتنازلين ولاتخلينه يمشي رايه مب على كيفه حسبي الله علي
والعيال الي زي افكار اخوها ممكن تاكل تراب اي صح ما احترمك ولا تستحق ان تحترم لاتتكلم بالدين ولاتتفلسف وتسوي نفسك ضامن الجنه وانك كامل تصرفاتك تدل على نقصك وايه منت رجال ولو فيك خير مارضيت بالظلم وحسبي الله عليكم واحد ورا الثاني
والي يتكلم عن الاختلاط في المستشفى على انه قله ادب معناه انك انت قليل ادب وماتخاف ربك وكل واحد يناظر الناس بعين طبعه واخر شي لاتنسون محكمة الاخرة الدنيا ماراح تدوم ووقت الحساب بتندم ومعلومه حق البشر مايسقط يوم القيامه الا اذا سامحك والظالم راح يظلم

[BLQiS]

وعليكم السلام والرحمة
اختي من وجهة نظري المشكلة اتوقع انه مافي تواصل كبير بينك وبين اخووك وهاي حاصلة كثيير يعني نادرا م نتناقش مع اخوانا بأمورنا .....عشان كذا اخوك متخوف من فكرة هالتخصص والاختلاط الخ لانو م يعرف عنك كثير ... نصيحة اشتغلي ع هالنقطة اكثر وابدا ابدا لاتقلبي الهرجة لعناد او تحسسيه انها كذا ولاحظت من اغلب الردود انو م عليكي منو ومن هالكلام ..... حبيبي اي تخصص بالحياة تقدري تعيشي بدونه بس الاخوان والاهل م يتعوضوا وحاولي تكسبي الاثنين بطريقتك :) انتي قدها إن شاء الله
اتمنى لك كل خير واستخيري والله يكتبلك الخير فين م كان
واخيرا اخووكي يحبك وحريص عليك فثمني هالشي كويس والله يخليكم لبعض يارب

[violet rose]

بالعادة مارد في مواضيع نقاش بس موضوع اخوك دا قهررررني حسبي الله عليه مالو دخل الدراسة في انو مشدد واختلاط و... انا اخويه يحب يتفلسف في الاختلاط والادب بس في الدراسة اكثثثثر واحد يشجعني ادخل طب والشي الاهم انو سوأ شجعني ولا لا دام ابويه عايش محد لو كلمه عليه غيرو بالنسبة لنصيحتي لك ادخلي مختبرات و لا عليك فيه واذا مره خايفه سوي زي ما قلتي قولي انك دخلتي كيمياء وهذا حل موقتتت والشي الاهم قيام الليل والدعاء مع يقين وربيييي تتحققلك اشياء ما تتخيلها الله يوفقك وان شالله كلنا ندعيلك

[أسرار سامي♥]

♥ ♥ ♥ ..



السّلام عليكم ورحمة الله و بركاته♥

كلآمِي مهو مرتب امكنْ $ ♥ بس أتأكدي إِنه من قلب قلبِي ♥♥♥

عِبارة تنطبق على مشكلتكْ

يرفضون دراسة نسائهم للطب وحين تمرض احداهن يبحثون عن طبيبه

عزيزتِي أول شي أتمنى تكونِي متمسكه بحلمك و تحددي أي عائق أمامك
وتأكدي تماما أن كل اللذين حققوا أحلامهم و وصلوا للنجاح الا وواجهوا عقوبات وصعوبات
و صدقيني حين تتغلبي على هذه الصعوبات تشعري بلذة النجاح و نشوة الفوز
فأول خطوه كُوني متمسكه بحلمك


ثاني شي أتأكدي ان اي شي يبعده الله سبحانه وتعالى عنك ماهو الا خير وقربه شر لك
فالله خالقك هو ارحم بك من امك ومن نفسك و يعلم سبحانه اين الخير لك ؟ ♥
فَ خلي ثقتك بالله ععععاليه

طفل ترميه أمه في النهر ف يصل إلى بيت الملك، وآخر يرموه أخوته في البئر، فينجو ويسجن ثُم أصبح ملكا ! ~ تعلم مما سبق أنّ العالم كله لو اجتمعواا على أن يضروك بشيء، لن يضروك إلا وقد كتبه الله لك .. فَ / ثقّ بَ اللّہ '*

كما أخبرتنا أن أخوك هو المعارض ! حاولي تكلمي أمك أو عمك أو أي رجل ترين فيه الحكمه و فطنه و السلطه على أخوك
حاولي حاولي حاولي

كثير كثير كثير بنات يعانوا من هالعقليآت تلقي أخوهآ ما يرضى لها تدرس طب ولا تروح عند صديقاتها ولا تشتغل في سوق ! و في الأخير يتزوج دكتوره ويحطها في عيونه !!

هو صحيح في المستشفى تسير معاكسات و أشياء محد يرضاها لكن اللي جاية تدرس و تشتغل غير ! ومحترمه نفسها تفرض احترامها على الباقين بحشمتها وحسن أخلاقها واحترامها ..

لا تستسلمي أنا معاك وكلنا معاك و الله معاك الين توصلين لحلمك
أرجوك أرجوك لا تستسلمين أنا حاسه بشعور أن يكون عندك حلمك و نسبتك تدخلك قسم
و عديت آخر خطوه لتحقيق حلمك " التحضيري "
لآ تستسلمي أرجوك كلمي عمك كلمي أخوك أوقفي قدام الكل دامك ما بتسوي شي يغضب الله سبحانه ولا شي غلط ولا عيب خلاص اتمسكي بحلمك و أوقفي في وجهه كل شي وكل عائق
كوني أقوى أرجوكِي


سؤالك الثاني يجعل ألف سؤال و سؤال يدور في بالي ؟
هل تتوقعي أن يتجرأ أخاك أو من يكون أن يسحب ملفك من الجامعة دون علمك !
عموما لا أتوقع أن أي أحد يمكنه ذلك لأن حسب علمي طي ملف الجامعة يكون بحساب الأوديس
غيري رقمك السري وبكذا محد راح يقدر يدخل الأوديس تبعك


آخر شي حبيبتِي ♥
ألف سسلامه عليك يارب تقومي بالسلامه وتيجي تطمنينا لآ لآ تقولي ممكن أتشوه ؟ ممكن .. ؟
أين الثقه و التوكل على الله سبحانه
عزيزتي في موضوع العمليه + حلمك كوني واثقه و متوكله على الله
شوفي هذا الفيديو الجميل :



+


في حالة انك جد ما قدرتِي تدخلي مختبرات أقترح عليكِ
تدخلي كيمياء حيوي قريب جداً من المختبرات وحتى التدريت في مستشفى " ونص ترم فقط " حسب علمي لكن مو سنة امتياز نفس العلوم الطبيه

=)


حبيبتي مشكلتك أثرت فيني كثير ولا مست قلبي أرجوك كوني أقوى
وطمنينا عليك ورب يقومك بالسلامه ويخفف عنك كل مرض
و يحقق لك أحلامك و طموحاتك
في حفظ الكريم




♥ ♥ ♥ ..

[بكرى أحلى]

حبيبي ريحي دماغك
والله ثم والله لو نصيبك في المختبرات راح تدخليه غصبا عن الكل وربي راح يسوي معجزه ماتتوقعيها وتدخلي هالاقسم واهلك فرحانين بعد

بس انتي استخيري وتوكلي على الله
وحطي في بالك عسى أن تحبوا شيئا وهو شرا لكم
وعسى ان تكرهوا شيئا وهو خيرا لكم

ماتدرين وين الخيره

انتي لا تفكري ولا شئ اختاري لك تخصص الحين غير عن المختبرات وادعي الله انه نفسك في تخصص المختبرات ولانه اهلي مو موافقين راح اختار هذا التخصص فدبر لي يارب واختر لي يارب فأني لا أحسن الاختيار والتدبير
بس وكلي امرك لله وراح تشوفي الخيره بعينك ..

لانه الله لا يقضي قضاء لمؤمن إلا كان خيرا له
وماتدرين سبحان الله المختبرات وش راح تجي وراه من مشاكل
امكن تغلطي كسهوا لو قدر الله بشئ وتصير لك مشكله مالها حل وش راح تسوي لحظتها

والله حطي في بالك الخير لك ربي بييسره لك تيسير بشكل ماتتوقعينه وتصير لك كمعجزه سبحانه ربي

والله يوفقك ويختار لك الخير يارب

[البـرنـس]

لا تدرعم لو سمحت انا ما قللت احترامي لآحد !!!

وانتوا ياعيال اليوم وجهلة
امس جايين تقولوا اختلاط وما اختلاط

هذآ كله مو تقليل احترام .!!

عموما الله يهديك

فرد عضلات !! الححلل ..!؟

الحل طآل عمـركـ ..

طآلما هو فرد عضلاته عليك
خل أبوك يفرد عضلاته عليه
وباختصارها كلمتين من أبوك وأمك ( لو تدخلت بحياة أختك الجامعية ماراح أكون راضي عليك )
وانتهى الموضوع بإذن الله