الأسئلة والاستفسارات عن كلية طب الأسنان ..

[تركي4444]

المشاركة الأصلية كتبت بواسطة مَـزٍآج ..}.. هوا صحيح القسم في المنتدى هذآ نايم . . حتى مو بس قسما كل الكليآت الصحيه بصفه عامه نايمه . . والسبب زي ما قلتلك . . كل دفعه تسوي لها منتدى خاص ينزلوا فيه محاضراتهم وكل شئ يكون فيه . . عشان كذا مافي ردود . . !!

مزاج طيب تقدر نعطينا العنوان حق المنتدى الخاص بكم

[مَـزٍآج ..}..]

المشاركة الأصلية كتبت بواسطة تركي4444 مزاج طيب تقدر نعطينا العنوان حق المنتدى الخاص بكم

اعتذر منك اخوي العزيز . .

المنتدى اولا مقفل ويحتآج تتفعل عضويتك من الليدر حتى تقدر تدخل . .

وكمان ما اظن راح تستفيد اي شئ من دخولك فيه . . لانو المنتدى علمي

ومافيه شئ غير محاضراتنا واشيآء تخص سنه ثالثه ودفعتناا . . .

لكن راح اتكلم مع الليدر واشووف الوضع . . !!

[تركي4444]

مشكور اخوي مزاج يعطيك العافية ولا تكلف على نفسك

طيب بسألك اخوي مزاج انا معدلي لا بأس به يعني 86.92

ومحقق النسبة الخاصة



ابعرف كيف بس عندي امل اخش كليتكم الموقرة لاني والله مرة رامي عندها وعاجبتني


تحياتي لك

[ميار خالد]

السلام عليكم مساء الخير حبيت اسال كم المعدل المطلوب في كلية طب الاسنان

[Dr~NanoOok]

بيختلف كل سنة وعلى حسب مستوى الدفعة

و بيعتمد على النسبة مو بالمعدل.. وغالبا مو أقل من 90

[Dr~NanoOok]

أغلب اسئلتك .. أجوبتها هنا بالموضوع

وأي سؤال تاني شاركينا هو =)

http://www.skaau.com/vb/showthread.php?t=225358

[sroo mori]

كان في فرع بجامعة الملك عبد العزيز تدرس مساعد اسنان دبولم بفلوس

سمعت انها اتقفلت و صارت بكالورويس ابغى اعرف كيف اقدم لها ومتى

ارجوكم ساعدوني الله يعطيكم العافيه مشكورين

[Dr~NanoOok]

السنة الماضية قفلوا نظام الدبلوما لمساعدي طب الاسنان
وما قالوا اي شي عن موعد استقبال الطالبات من جديد في نظام البكالوريوس
وغالبا هذه السنة مافي قبول

هذا اللي اعرفه

[SuLaF]

السلام عليكم ورحمة الله وبركاته

يا جماعة مافي أحد جاي يقول لينا كيف ينحسب معدل طب الأسنان!!

طبعا طريقة حساب المعدل بشكل عام اكيد معروفه للكل..بس السؤال بالنسبه للمواد العامه اللي تتاخذ على مدى نصفين دراسيين. يعني مثلا العربي عندنا هوا ترم اول وترم ثاني يعني هل ينحسب كمادتين منفصلتين بحيث انو تدخل درجة الترم الأول على حدا والثاني كذلك ويصير المجموع اللي عليها ست ساعات ولا تحسب ب3 ساعات فقط لكامل السنه؟؟

طبعا هو من صالحنا انو تنحسب كمادتين منفصلتين لانو عادة الدرجات في المواد العامه عاليه فبتفيد كتييير وكمان تقلل النسبه على باقي المواد البشري او الأسنان..

وحاجة ثانيه في هرجه تقول انو سنه ثانيه أسنان عليها 5% بس من معدل التخرج. هادا الكلام صح ولا غلط؟ وليش هل كل سنه لها نسبه معينه مثلا؟

ارجو من اللي عندو خلفيه عن الموضوع يفيدني..ولكم جزيل الشكر

[مَـزٍآج ..}..]

وعليكم السسسلام . .

فيه كثير برامج تحسب المعدل . . ادخلي قوقل واكتبي راح يطلع لكـ . .

بالنسبه للموإأد العامه . . احسبي كل ماده لوحدهآ . . يعني كانها مادتين . .

يب يب . . كل سنه لها نسبه خاصه فيها . . بس بصرإأحه ما اذكر كم بالضبط . .

بس اكثر النسب تكون في رإأبع وخامس وسآدس . . لو عرفت النسبه بالضبط راح ارجع واكتبها . .

بالتوفيق .. !!