تجمع طالبات الدراسات الاسلاميه جميع المستويات

[*{سيموو]

المشاركة الأصلية كتبت بواسطة همس الاحاسيس الســـــــلام عليكــــــــم ورحمــــــــة الله وبركاتـــــــــــــه حبايبي محتاجه مساعدتكم انا طالبه في قسم اللغه العربيه اخذت مقرر حر( فرق واديان عند اسماء السويلم )فحابه استفسر عن الماده اذا كانت سهله اوصعبه ؟وعن الدكتوره كيف نسبة الرسوب عندها عاليه ؟ وكيف رئيسة قسمكم ممكن تتفهم وتحولني عند شعبة زينب الحربي؟ ادري اني طولت عليكم بس خايفه ع معدلي من هذي الماده لاني تخرج فسامحوني اذا طولت <<<اخخخخ بس امووووت ع الاحترام ههههههه أنا بإنتظار ردودكـــــــــــــم الحلــــــــــوه

قلبو .. انتي دوبك في المستوى الثالث .. لو كنتي مركزة شوي وانتي تختاري المادة .. فرق وأديان

حتلاحظين انها في المستوى السادس من قسم الدراسات الإسلامية .. يعني مستوى تخصص للقسم

وهالمادة من صلب التخصص ..

عموما د. أسماء السويلم .. من أروع الأستاذات اللي ممكن تقابلينهم بحيآتك .. تحترم الفكر والشخصية والفروق الفردية

لكن المادة دسمة شوي تتكلم عن فرق الخوارج والشيعة والصوفية والاديان السماوية ..

وأأأبدا يستحل أحد يرسب عندها إلا والطالبه مهمله جدا ..

خليك مركزه معاها .. ويقظه جدا .. وفآلك التوفيق

[j00di]

المشاركة الأصلية كتبت بواسطة قمرا ^ تقربا زي بعض بس انا زايد عندي ماده.. انا نزلولي .. عربي2 _ لغه فرنسيه _ ثقافه2 _ الشباب وقيم المواطنه _ عقيده اسلاميه _ النظم البيئيه بس انا ابغا مواد اقل وتكون سهله لاني بحول من دا القسم

قهرر حتى انا كنت ابغى مواد سهله لانه بحول زييك
يالله الله يعيين نشد حيلناا

[ميسم]

المشاركة الأصلية كتبت بواسطة همس الاحاسيس الســـــــلام عليكــــــــم ورحمــــــــة الله وبركاتـــــــــــــه حبايبي محتاجه مساعدتكم انا طالبه في قسم اللغه العربيه اخذت مقرر حر( فرق واديان عند اسماء السويلم )فحابه استفسر عن الماده اذا كانت سهله اوصعبه ؟وعن الدكتوره كيف نسبة الرسوب عندها عاليه ؟ وكيف رئيسة قسمكم ممكن تتفهم وتحولني عند شعبة زينب الحربي؟ ادري اني طولت عليكم بس خايفه ع معدلي من هذي الماده لاني تخرج فسامحوني اذا طولت <<<اخخخخ بس امووووت ع الاحترام ههههههه أنا بإنتظار ردودكـــــــــــــم الحلــــــــــوه

نصيحة لوجة الله احذفي المادة قبل لا تندمين
المادة لو مع الدكتورة زينب الحربي بقول اوكي على صعوبتها
بس مع الدكتورة اسماء الحذف افضضضضضضضل نصيحة اخت لك
بعدين المادة هذي لا انصح بدراستها سوى لطالبة القسم لانها دسسسسسسمه
وهم اجباري يدرسونها

[قمرا]

^
^
طيب ممكن احد يفهمني كيف نحذف ؟؟؟؟؟؟

[همس الاحاسيس]

سيمو وميسم مشكورين حبايبي ع الرد بس أنا في المستوى السابع ولازم أخذ مقرر حرهذا االترم قالولي قسمي ادرسي ماده من نفس تخصصك مره ثانيه ع انها مقرر حر لما اضفتها واخذت محاضرات اسبوع حذفولي الماده رحت ابي ماده ثانيه خيروني بين الفرنسي وفرق واديان طلبت زينب الحربي رئيسة قسمي (اللغه العربيه) مارضيت تدخلني عندها دخلتني عند اسماء انا سمعت انها ممكن الدكتوره تراعيني لاني مو تخصص فابغى مساعدتكم ممكن لارحت لرئيسة قسمكم تحولني عند زينب والا ماراح تتفهم وضعي؟
سوري طولت عليكم بس من جد خايفه ع المعدل

[calla lily]

بنات الي تاخد علوم الأحاديث ودراسة الأسانيد
مع لطيفه مريكي
بليبيز تساعدني ايش قالت لكم اسم الكتاب
ومن فين أجيبه

الله يوفق الي تساعدني وتجيب فل مارك يااارب

[عُلا]

المشاركة الأصلية كتبت بواسطة calla lily بنات الي تاخد علوم الأحاديث ودراسة الأسانيد مع لطيفه مريكي بليبيز تساعدني ايش قالت لكم اسم الكتاب ومن فين أجيبه الله يوفق الي تساعدني وتجيب فل مارك يااارب

طلبت كتابين

كتاب ( تيسير مصطلح علوم الحديث ) تأليف / محمود الطحان
و كتاب ( أصول التخريج و دراسة الأسانيد ) تأليف / محمود الطحان

تلاقيه في مكتبة ( البوادي )

و الي بدأنا فيه ( تيسير مصطاح الحديث ) و على قدام شويه حنبدأ في الكتاب الثاني إن شاء الله

موفقة حبيبتي

[calla lily]

علا شكراا حبيبتي
أممم ماادري لازم الكتاب من مكتبة البوادي
هي قالت لكم كدا
ماالاقيهم في خوارزم مثلا

[ورده عابره]

وردة عابرة والله ماااااااااااادري اول مره اخذه بس زميلاتي اخذوه الترم الي فات وطبقو في مدارس يختاروها ويدرسوا لكن هذا الترم اعتقد انه في مدارس بس مو تدريس بس في الإدارة ... وفي بعض البنااااااات يقولوا في مؤسسات لكن انا وحدة من الاستاذات قالتلي احتمال في مدارس في الإدارة ...
تسلمين على الرد الله لايحرمك من اي دعوة
دعواااااااااااااااااااااااااااااااااتك ؟؟؟؟؟

ي قلبي انتي الله يوفقك وييسر لك امرك ويسهل عليك كل امورك
اذا في اداره مررررره حلووو
انا سمعت انوعلى حسب الأستاذه في بعضهم مايوافقوا تروحي الا ثانوي وبعضهم ابتدائي عادي..
الله يوفقنا يارب

[عُلا]

المشاركة الأصلية كتبت بواسطة calla lily علا شكراا حبيبتي أممم ماادري لازم الكتاب من مكتبة البوادي هي قالت لكم كدا ماالاقيهم في خوارزم مثلا

لا ياقلبي ما قالت كذا
بس أنا اشتريته من البوادي
و خوارزم ماعرفش إذا موجود فيها أولا لأ
موووفقة