(تجمع) الطالبات اللي اتخصصوا لغه انجليزيه حياااااكم =)

[joudy Abbout]

الا قولي عجاااااااااااايز

هاااااااااااع

بس هذا خلي بالك اذا ماحملنا لاااااسمح الله ولاماده

الله يخاارجنا وبس

[قـُهـرٍ]

ألسسلآم عليكم ,, كيفكم يابنوتات ؟؟
معليش بس ممكن تقولون لي متى المحاضرات هذي (اليوم والساعه ) .. هند فريج \ لغويات ,, فتحيه الغريبي \ أدب ,, منى حمودهـ \ مناهج بحث ,, ناديه الشيبيلي \ ترجمه ,, وعربي 2
ياليت تساعدوني وجزاكم الله الف خير

[lee min ho]

اللغويات يوم الاحد والثلاثاء من الساعة 8 الى 9,20 ولها كمان محاضرة في نفس اليوم الساعة 11 الى 12,20. و الترجمة السبت والاثنين والاربعاء من الساعة 9 الى 10 ومادة المناهج كمان سبت واثنين واربعاء من 10 الى 11 ومادة العربي في اكثرمن استاذة حددي اي وحدة مها او اريج او حنان اما بالنسبة للادب احد وثلاثاء من 9,30 الى 10,50 ولها محاضرة ثانية في نفس اليوم من 11 الى 12,20.

[miss rnrn]

بناات بسألم ريدينق 2 كيف صعب ولاسهل وكيف اسئله أ:بهيه

وكمان أ: سميحه تدرس رايتنق 1 كيف اسئلتها وتساعد ولالا


سااعدوني انا انتسسساب ومره خاايفه ذا ترم رح يكون مقالي واحنا مو متعوديييييييييييييييييييييين


:(

[شروق ..]

سلآموـو يآآحلىآ بنوتآآت

كيفكــمـ ؟؟

احمـ اسفه ع التطفل بما اني لساتي سنه تحضيريه بس حاطه براسي ان شاء الله اتخصص انقلش السنه الجايه
حبيت اسأل عن مسار الترجمه موجود عندنا بالجامعه ؟ ولا بس بالكليه ؟
وباايش تنصحوني اقوي نفسي قبل ماادخل في التخصص عشان ماابتلش بعدين ؟
انا الحمدلله عندي خلفيه في الانقلش وادرس ذحين بمعهد بس عقدتي الكلام احس نفسي اوك عارفه ايش بقول وكله وبس اجي افتح فمي تضيع كل الكلمات :(
وماده اللغه الفرنسيه تنصحوني اخذ كورسات فيها قبل ماادرسها ؟
واذا ماعليكم امر اعطوني نبذه عن مواد السمستر الثالث والرابع ايش طبيعاتها وعن ايش تتكلم ؟
امم يعني شي يقوينا مثلا في القراءه والكتابه والتحدث ؟

اسفه اذا ثقلت عليكم بس تعرفون حووسه التخصص ماابغى اتخصص وانصدم وانلطع سنه عشان احول

[joudy Abbout]

المشاركة الأصلية كتبت بواسطة شروق .. سلآموـو يآآحلىآ بنوتآآت كيفكــمـ ؟؟ احمـ اسفه ع التطفل بما اني لساتي سنه تحضيريه بس حاطه براسي ان شاء الله اتخصص انقلش السنه الجايه حبيت اسأل عن مسار الترجمه موجود عندنا بالجامعه ؟ ولا بس بالكليه ؟ وباايش تنصحوني اقوي نفسي قبل ماادخل في التخصص عشان ماابتلش بعدين ؟ انا الحمدلله عندي خلفيه في الانقلش وادرس ذحين بمعهد بس عقدتي الكلام احس نفسي اوك عارفه ايش بقول وكله وبس اجي افتح فمي تضيع كل الكلمات :( وماده اللغه الفرنسيه تنصحوني اخذ كورسات فيها قبل ماادرسها ؟ واذا ماعليكم امر اعطوني نبذه عن مواد السمستر الثالث والرابع ايش طبيعاتها وعن ايش تتكلم ؟ امم يعني شي يقوينا مثلا في القراءه والكتابه والتحدث ؟ اسفه اذا ثقلت عليكم بس تعرفون حووسه التخصص ماابغى اتخصص وانصدم وانلطع سنه عشان احول

هلا ياقمر

اذا تحبي الانجلش وطموحك عالي حتمشي كله بالصبر والاراده حيجي

بالنسبه لك انصحك طوري نفسك قد ماتقدري احفظي فوكاب لين ماتطفشي

ودربي نفسك ع الكلام << مرررره مهم تكبري في عين الاستاذه وتحبك

وبعدين اصلا في ماده اسمها استماع وتحدث ماتنجحي الا لما تبربري انجلش

اذا تقدري روحي معاهد وخذي دورات وطوري نفسك بنفسك واقري انصحك بالقراءه

واسمعي كمان

واكتبي قدما تقدري لانه الكتابه كانت اصعب ماده لينا لاننا مانعرف نكتب

اكتبي ان شاء الله حتى يومياتك الكتابه مهمه مررره اممم اش كمان

الفرنسي مووووويه بس يبغى له مذاكره واسئلي المس عن كل شي ولاتستحي

زينا اغلب البنات يستحوا

بس هذا الي اقدر افيدك فيه ومعليش طولت بس حبيت افيدك وما ابغى احد

يمر بنفس الي مريت فيه

يالتــــوفيق

[joudy Abbout]

ايوا صح المواد

الكتابه 1
القراءه 1
الاستماع والتحدث1
الفرنسي 1
والترم التاني نفسه بس بارت 2

بالتوفيق

[MS.Fabulous]

مرحبا شروق
اذا حابه الانجليزي مررررررررة اجل سوي كل شي عشان تدخليه
زي انا مرررررة احبه وشديت حيلي في التحضيري عشان ادخله
بس لازم يكون عندك خلفيه في اللغه
واقري كتب وتفرجي افلام وزي كذا بس بالانجلش
وتدربي على الكتابه زي ماقالت جودي لانها من اهم المواد
ولازم لازم تتكلمي في الكلاس لانه في درجات مشاركه على كلامك بالكلاس خصوصا ماده استماع وتحدث
بالنسبه للمسار الى الان مااكدو لنا اذا في مسار ترجمه سواء في الجامعه نفسها او عندنا
ان شاء الله يااااااااااااااااارب يفتح
موفقه ان شاء الله باي تخصص سواء انجليزي او غيره

[قـُهـرٍ]

المشاركة الأصلية كتبت بواسطة lee min ho اللغويات يوم الاحد والثلاثاء من الساعة 8 الى 9,20 ولها كمان محاضرة في نفس اليوم الساعة 11 الى 12,20. و الترجمة السبت والاثنين والاربعاء من الساعة 9 الى 10 ومادة المناهج كمان سبت واثنين واربعاء من 10 الى 11 ومادة العربي في اكثرمن استاذة حددي اي وحدة مها او اريج او حنان اما بالنسبة للادب احد وثلاثاء من 9,30 الى 10,50 ولها محاضرة ثانية في نفس اليوم من 11 الى 12,20.

مشكورهـ حبيبتي ع المسساعدهـ الله يوفقك بس ممكن تقولي اي مبنى ورقم القاعه وجزاك الله الف خير ..

[lee min ho]

بالنسبة للغويات قاعة 203 مبنى A في الادبي هذا بالنسبة لمحاضرة الصباح اما محاضرة الساعة 11 في قاعة 307 مبنى A في العلمي والمناهج 101 مبنى c في الادبي اما الادب 307 مبنى c في العلمي بالنسبة للترجمة مو متأكدة لانو تغيرت القاعة قبل اسبوعين بس اللي متأكدة منه انها في الادبي مبنى c