الأسئلة والاستفسارات عن كلية طب الأسنان ..

[UNIQUE ....]

prince 26 إذا أنقبلت في الجامعة
راح تدخل مايسمى بالسنة التحضيرية تدرس فيها مواد عامة
( رياضيات - فيزياء - كيمياء - أحياء - انجليزي - حاسب - مهارات اتصال )
بعد ماتخلص السنة التحضيرية تدخل للكيلة على حسب درجاتك
والسنة التحضيرية جداً جداً سهلة
فلابد أنك تشد حيلك في السنة التحضيرية وتكون درجاتك حلوه
لان الكلية مرغوبة والتنافس عليها شديد

وبالتوفيق إن شاء الله

[~RAN~]

بسألكم سؤال
الحين كاتبين لنا طب اسنان خطه جديده ؟
هي نفسها الخطه الي تدرسوها ؟

[Dr~NanoOok]

المشاركة الأصلية كتبت بواسطة ~ran~ بسألكم سؤال الحين كاتبين لنا طب اسنان خطه جديده ؟ هي نفسها الخطه الي تدرسوها ؟

من دفعة 08 اللي هي دفعتي
صاروا يكتبوا خطة جديدة

و عملوا بعض التغييرات في المواد وكمية المناهج والخطط الدراسيه

وكليتنا خلال السنوات الاخيرة بتعمل تطويرات حلوة
سواء بالجانب الدراسي.. وبالجانب المادي من توسيع المعامل والعيادات وتوفير ادوات اكثر ومتطورة بشكل اكبر

[~RAN~]

المشاركة الأصلية كتبت بواسطة dr~nanoook من دفعة 08 اللي هي دفعتي صاروا يكتبوا خطة جديدة و عملوا بعض التغييرات في المواد وكمية المناهج والخطط الدراسيه وكليتنا خلال السنوات الاخيرة بتعمل تطويرات حلوة سواء بالجانب الدراسي.. وبالجانب المادي من توسيع المعامل والعيادات وتوفير ادوات اكثر ومتطورة بشكل اكبر

اهاا
شكرا جزييلا ع الرد يعطيك العافيه يارب
الله يوفقك =)

[* رولا *]

بالنسبه لكتب سنة ثانية هل هي نفسها كل سنة ولا تتغير؟
لأني زي ما تعرفوا متحمسة ونفسي أطلع على الكتب

[Dr~NanoOok]

المشاركة الأصلية كتبت بواسطة ~ran~ اهاا شكرا جزييلا ع الرد يعطيك العافيه يارب الله يوفقك =)

العفووو عزيزتي ^_^
الله يوفق الجميع آمين


------------------------------------------

المشاركة الأصلية كتبت بواسطة * رولا * بالنسبه لكتب سنة ثانية هل هي نفسها كل سنة ولا تتغير؟ لأني زي ما تعرفوا متحمسة ونفسي أطلع على الكتب

تقريبا هي نفسها ما تتغير
إلا إذا احد الدكاترة قرر يغير

لكن غالبا كتب الاناتومي و الهيستولوجي و الامبريولوجي ما تتغير
حتى كتاب التخصص للدينتال اناتومي

أسماء الكتب مذكورة في موضوع النبذة عن سنة ثانية
وفي ردود الأعضاء بالموضوع

[* رولا *]

ايوا شفت الموضوع
الله يعطيك الصحة والعافية :)

[roosh]

السلام عليكم ورحمة الله وبركاته

كيفكم يااطباء و طبيبات الاسنان إن شاء الله تكونو كويسين ..

في البدايه ترا انا انسانه احب اعرف كل شي بمعنى الكلمه << الله يجيرنا

فالله يعينكم عليا

اول شي حبيت اسال على هرجه سمعتها يقولو انو احنا دفعه 11 حندرس زي نظام الطب اللي هوه كل سستم وبعدين نختبرو صح ولا كيف ؟!

تاني شي ابغا اسال ممم سمعت انو حيقسمونا لقروبات فكم قروب حيكون ؟! وعلى اي اساس التقسيم ؟! وازا ممكن احنا نختار اللي نبغا نكون معاهم ؟!

تالت شي حيكون دكتور او دكتوره لكل ماده بس ولا في خيارات زي ممكن احول عند اللي ارتحلو ولاهوه واحد غصبن عن خشم اهلي مافي غيرو ؟!

رابع شي في هنا كانو اعضاء يضاربو على كلاس احنا ننقيه ولا هما يحطوه لينا عشان لو احنا ننقيه حجي من صباح ربنا مع السكيورتي افتح الكليه واجري ادور كلاس لاني صراحه عندي ازمه كانت من كلاسات التحضيري ههه ؟!


خامس شي ههه لا خلاص امزح خليها مره تانيه عشان لا اكتر عليكم

وميغسي مقدما لكل اللي حيجاوبوني واسفه على الاطاله

[Dr~NanoOok]

وعليكم السلام والرحمة

اهلين بيكِ رووش بيننا =)

ولا يهمك عزيزتي اسألي زي ما تبغي
بس ياليت حطيتي استفساراتك بالموضوع المثبت بالقيم الخاص بالاستفسارات
عشان يصير مرجع لكل اسئلة الاعضاء

اول شي حبيت اسال على هرجه سمعتها يقولو انو احنا دفعه 11 حندرس زي نظام الطب اللي هوه كل سستم وبعدين نختبرو صح ولا كيف ؟!

ما عندي فكرة عن الموضوع.. هم قالوا ممكن يغيروا بالنظام شويه
لكن نظام بلوكات زي البشري ما اظن تنفع !
لان موادنا مو زي موادهم.. الا اذا بسنة ثانية تلات ارباع المواد من البشري

تاني شي ابغا اسال ممم سمعت انو حيقسمونا لقروبات فكم قروب حيكون ؟! وعلى اي اساس التقسيم ؟! وازا ممكن احنا نختار اللي نبغا نكون معاهم ؟!

ما حيقسموكم قروبات لان عددكم قليل ما يتعدى 70 -75 في كل الدفعة

واذا حيقسموكم خلال المعامل مثلا.. حيكون على حسب ورقة الحضور
وترتيبها يكون بحسب الارقام الجامعية

تالت شي حيكون دكتور او دكتوره لكل ماده بس ولا في خيارات زي ممكن احول عند اللي ارتحلو ولاهوه واحد غصبن عن خشم اهلي مافي غيرو ؟!

غصبن عن خشم اهلك ! :p
كل المواد والجدول حينزلكم جاهز وما تقدروا تغيروا فيه شي
لا مواد ولا دكاترة ولا مواعيد محاضرات

كل الكليات الصحية نظامها يختلف عن الجامعة الثانية
وما فيها حذف واضافة

رابع شي في هنا كانو اعضاء يضاربو على كلاس احنا ننقيه ولا هما يحطوه لينا عشان لو احنا ننقيه حجي من صباح ربنا مع السكيورتي افتح الكليه واجري ادور كلاس لاني صراحه عندي ازمه كانت من كلاسات التحضيري ههه ؟!

حيكون لكم كلاس خاص بسنة ثانية
وحتاخدوا فيه كل المحاضرات
ما عدا المعامل و بعض مواد البشري في مبنى 7 حقتهم

[roosh]

ميغسي ياعسل على الاجوبه