قبول الطلاب والطالبات الغير سعوديين

[m!ss-love]

سلاام للكل


بلييييييز انا محتاااره وابغى مين يسااعدني

ودي اسجل في الجامعه ماابغى السنه دي تروح عليا ابغى اقدم على ترم تاني ممكن احد يساعدني اش اسوي وين ارووح انا متخرجه هذي السنه ونسبتي94

بس ماحالفني الحظ اني اقدم من البدايه

اتمنى احد يوقف معايا ومن جد شاكره لكم

استنى الردد

[بحر الحرية]

المشاركة الأصلية كتبت بواسطة asaudi السلام عليكم متشكر جدا جدا بحر الحريه والله يوفقك في دراستك بس معلش يعني هل ممكن يقبلوني في الا نتساب في كلية الاقتصاد وادارة الاعمال واين مكان قسم الانتساب لكي استفسر عندهم ومرة اخره متشكرر وجزاك الله خير يابحر الحريه

أهلا ياغالي..
بالنسبة لقسم الانتساب راح تلقاه في المنتدى على هذا الرابط:
http://www.skaau.com/vb/forumdisplay.php?f=63
أو تتصل على الجامعة على هذا الرقم:
6952222
لكن بالنسبة لقبولك في قسم إدارة الاعمال.. الله أعلم.

بحسب اللي أعرفه إنه نظام الجامعة للإنتساب تغير السنة دي، وصارت التخصصات ف الانتساب محدودة وإدارة الأعمال تحولت للمسار العلمي الانتظام وليش الانتساب..

لكن انتاا استفسر منهم أكتر.. وإنشاا الله راح يفيدوك أكتر مني خيوو..

الله يوفقك ويسهلك عليك يااارب؛؛

[بحر الحرية]

المشاركة الأصلية كتبت بواسطة m!ss-love سلاام للكل بلييييييز انا محتاااره وابغى مين يسااعدني ودي اسجل في الجامعه ماابغى السنه دي تروح عليا ابغى اقدم على ترم تاني ممكن احد يساعدني اش اسوي وين ارووح انا متخرجه هذي السنه ونسبتي94 بس ماحالفني الحظ اني اقدم من البدايه اتمنى احد يوقف معايا ومن جد شاكره لكم استنى الردد

أهلين أختي..
ياريت تكتبي نسبك ف القدرات والتحصيلي كماان..

بالنتظاارك؛؛

[نبضات قلب]

الله يسعدكم ويجزاكم االجنه قولولي متى موعد التقديم للترم الثاني لاني انا بمدينه ثانيه مو بجدة الله يوفقكم لا تتطنشوني..

[Suzi]

المشاركة الأصلية كتبت بواسطة بحر الحرية أهلا أختي فديتني.. الطريقة إنك تكتبي خطاب توصفي فيه حالتك وومعدلك وطلبك كامل باسم وزير التعليم العالي الدكتور خالد العنقري، وتختاري بين إنك ترسليه بالبريد الممتاز أو بنظام البرقيات.. البريد الممتاز: تكتبي الخطاب وتحطيه ف ظرف وتاخديه لأقرب فرع للبريد السعودي وتكملي الإجراءات وبعدين بعد اسبوع تتصلي على وزارة التعليم العالي في الرياض وتقولي لهم عندي معاملة وأبغى أعرف رقم التحويل، حياخد منك رقم الإرسالية ويديكي رقم وترجعي تتابعي في الجامعة إيش يصير على موضوعك عندهم. نظام البرقيات: تكتبي الخطاب وتجهزيه عندك، وتجيبي رقم هوية صاحب التلفون اللي حترسلي منوو، ورقم هوية أختك اللي حيكون باسمهاا الخطاب، وتتصلي على 969، حياخد منك البيانات كاملة من هوية ولمين حترسلي واسم المرسله وتلفونكم والجوال ووو إلخ، بعدين حياخد منك الكلام اللي تبغي ترسليه لهم يعني تقعدي تنقليه كلمة كلمة، وبعد ما تخلصي معاه راح يديكي رقم البرقية، ونفس الكلام حتتابعي معاهم في الوزارة أول شي عشان تاخدي رقم تحويل المعاملة للجامعة، وبعدين تتابعي في الجامعة وتشوفي إيش صار معاكي.. كل الطريقتين زي بعض في السرعة وضمان الوصول والقوة، لكن الأولى لازم تروحي توصليه بس السعر موحد سواء أرسلتي كلمة ولا ورقة ولا عشرة، التانية أسهل ومن البيت لكن تنحسب عليكي بعدد الكلمات وكل كلمة أعتقد بنص ريال، ف شوفي إيش اللي يناسبك وأسهل عليكي انتي. بس راح أديكي تنبيه: أنا ما أبغى أحطمك ولا أحبطك، بالعكس جربيها لأنك ما تعرفي إيش الخير اللي ربنا يكتوو، لكن في الغالب لو الوزارة ما قبلتها، راح تكتب عليها لمن تحولها للجامعة: تُعامل بحسب النظام. فلو النظام قال 4.5 راح يقبلوها، لو النظام قال 4 حيقبلوها لو النظام قال 4.8 راح يقولولك مافي قبول. أنا ما أقلك لا تجربي، بالعكس سوي اللي تقدري عليه، بس عشان تكوني عارفة الوضع.. والله يكتبلكم اللي فيه الخير يارب، ويحقق لأختك التحويل إنشاا الله وتكون من المنتظماات معاناا ياارب؛؛

رآح آرسلو آن شاءالله بنظآم البرقيه .....طيب آستآذي بالنسبة لو سآلني لمين آقوله أ.خآلد العنقري وبس ولافي شي تآني

يعيطكـ العآفيه آخوي بحر

[بحر الحرية]

المشاركة الأصلية كتبت بواسطة نبضات قلب الله يسعدكم ويجزاكم االجنه قولولي متى موعد التقديم للترم الثاني لاني انا بمدينه ثانيه مو بجدة الله يوفقكم لا تتطنشوني..

أهلين أختي..
تحديداا يمكن محد بيعرف هل فيه تقديم هل يفتحوه تاني.. الله أعلم..

لكن عندك حل انك انتي ترسليهاا بنفسك للرياض وبعدين تتابعيهاا..
بس اهم شي تكوني واثقة انوو مركبك عالي عشان تكوني تعرفي هل ممكن يكون قبول ولا لا..
انا ما ابغى اقلك لا تجتهدي، بالعكس سوي اللي تقدري عليه ما تعرفي فين الخير اللي ربناا يكتبوو ليكي..

الله يوفقك يااارب؛؛

[بحر الحرية]

المشاركة الأصلية كتبت بواسطة suzi رآح آرسلو آن شاءالله بنظآم البرقيه .....طيب آستآذي بالنسبة لو سآلني لمين آقوله أ.خآلد العنقري وبس ولافي شي تآني يعيطكـ العآفيه آخوي بحر

بالزبط اختي..
باسم الوزير نفسه الدكتور خالد العنقري..

الله يكتبلك نصيب فيهاا يارب ويحقق لك اللي تبغيه؛؛

[العازفـــــة]

.
.

دقيت ع الجامعــة
وردوا من أول مرة بس قلي
انوو لو فيه رد ما حيكون بالتلفون !
لازم أحد يجي يراجع ..

أنا ما أقدر بسهولـة أروح
إذا أحد رآح يخبرنا لو فيه جديد =)

[كفى باالموت واعظا]

السلام عليكم ورحمة الله وبركاته
كنت حابه أسجل في دورة الحاسب الآلي التي بدأ التسجيل فيها اليوم
ممكن رابط التسجيل لانه مافي شي نزل لي في الاوديس وقاعدة أدور من أول.
وجزاكم الله الفردوس من الجنه

[m!ss-love]

اهلين اخوي بحر


نسبتي في القدرات 63

ونسبتي في التحصيلي72

هيا صح مو مره عاليه بس لو في امكانيه اختبر تاني ان شاء الله اجيب نسبه اعلى في القدرات لأنو بصراحه اتمنى اني ادخل انتظااام مو انتساب والله يسهل



وتسلم اخوي

استنى ردك