لطلآب التحضيري أي سؤآل أو استفسار ضعه هنـآ وبإذن الله تجد الإجابة

[Muhmmed9]

يا جماعة .. أنا سجلت وكل شيء تمام

طبعاً أنا من سكان الرياض، دخلت حسابي وقت النتائج، وقالوا لي ادخل تاريخ 12 رمضان

يعني انقبلت ولا لا؟ ولا في دفعة ثانية؟ ولا وش الطبخة؟ طبعاً معدلي عالي ولله الحمد وسجلت مسار علمي

[Maha!]

السلام عليكم ورحمة الله وبركاته
أنا ولله الحمد سجلت في موقع الجامعة وانقبلت في الشرفية بس طبعا أحتاج لتأكيد الطلب بحيث أحدد يوم لاختبار الانجليزي ويوم لاستلام البطاقة الجامعية,
بالإضافة لصفحة تجي بعد تحديد يوم استلام البطاقة, مكتوب فيها تعهدات وتحديد الرغبة للحصول على السكن الجامعي والنقل الطلابي والأنشطة الطلابية والأندية الطلابية.
هنا سؤالي, ماهي الأنشطة الطلابية.؟ وهل تزيد من ساعات دوامي الجامعي.؟ وهل هي مفيدة ومسلية أم تضييع وقت فقط.!؟
ونفس الأسئلة للأندية الطلابية, علماً بأن الأندية اللي حاطينها مستحيلة للبنات ,مثل: عشائر الجوالة, العلاقات العامة, الحاسب الآلي, الرياضات البحرية, التصوير الضوئي, مركز الموهوبين, الاحتياجات الخاصة - الأمل, الخط, الفروسية, الأدبي, المسرحي, الاجتماعي, الفنون التشكيلية, التراث الشعبي. <~ هذي كل الأندية المدرجة, إذا سمحتم أبغا شرح عنها وإذا هي فعلاً حقيقية وموجودة, وهل هي للبنات بعد ولا بس للأولاد.
وإذا أمكن أبغى شرح مفصل عن الأنشطة الطلابية, إذا في أحد سجل يفيدني مشكور
يعطيكم العافية على هذا الموضوع وجعله في ميزان حسناتكم, وآسفة ع الإطالة.

[Maha!]

الأخ Muhmmed9
أنا مو متأكدة من المعلومة هذي, بس وحده من بنات فصلي نفس حالتك قالولها تدخل الموقع يوم 12 رمضان,
الظاهر والله أعلم انو مانقبلت بسبب النسبة؛ كانت أقل من المطلوب أو انهم اكتفوا بالعدد ويستنون أحد يلغي الطلب عشان يدخلون ناس غير.

[picasso]

المشاركة الأصلية كتبت بواسطة maha! السلام عليكم ورحمة الله وبركاته أنا ولله الحمد سجلت في موقع الجامعة وانقبلت في الشرفية بس طبعا أحتاج لتأكيد الطلب بحيث أحدد يوم لاختبار الانجليزي ويوم لاستلام البطاقة الجامعية, بالإضافة لصفحة تجي بعد تحديد يوم استلام البطاقة, مكتوب فيها تعهدات وتحديد الرغبة للحصول على السكن الجامعي والنقل الطلابي والأنشطة الطلابية والأندية الطلابية. هنا سؤالي, ماهي الأنشطة الطلابية.؟ وهل تزيد من ساعات دوامي الجامعي.؟ وهل هي مفيدة ومسلية أم تضييع وقت فقط.!؟ ونفس الأسئلة للأندية الطلابية, علماً بأن الأندية اللي حاطينها مستحيلة للبنات ,مثل: عشائر الجوالة, العلاقات العامة, الحاسب الآلي, الرياضات البحرية, التصوير الضوئي, مركز الموهوبين, الاحتياجات الخاصة - الأمل, الخط, الفروسية, الأدبي, المسرحي, الاجتماعي, الفنون التشكيلية, التراث الشعبي. <~ هذي كل الأندية المدرجة, إذا سمحتم أبغا شرح عنها وإذا هي فعلاً حقيقية وموجودة, وهل هي للبنات بعد ولا بس للأولاد. وإذا أمكن أبغى شرح مفصل عن الأنشطة الطلابية, إذا في أحد سجل يفيدني مشكور يعطيكم العافية على هذا الموضوع وجعله في ميزان حسناتكم, وآسفة ع الإطالة.

الاندية والانشطة مجرد يعرفون الطالب المستجد بان للجامعة انشطة وكذا..
اختاري اي شي بس كذا

[Maha!]

يعطيك العافية

[أبوسلطآن]

السلام عليكم ورحمة وبركاته

الاخوة والاخوات الكرام لدي سؤالين

الاول تم قبول ابنتي في الجامعة ولله الحمد وحددنا اختبار تحديد مستوى اللغة الانجليزية برمضان وش النصائح اللي تنصحون بها حفظكم الله

السؤال الثاني حددنا استلام البطاقة الجامعية يوم 10/21 وطلعت صفحة مكتوب فيها الرقم الجامعي ومطلوب طباعتها الحين يوم استلام البطاقة الجامعية نجيب شيئ معنا او فقط نطبع الافادة ونروح للموعد.؟
حفظكم الله ورعاكم

[حكاية ناي]

تطبع الورقة .. وكم صورة شمسيه
وصورة من الهوية
وتروح تستلم البطاقة
الشغله كلها ماتاخد خمسه دقايق

[Medo 88]

السلام عليكم.
انا سجلت والحمدلله انقبلت وكملت بياناتي وطلع لي الرقم الجامعي
بس حابه استفسر عن الاوس وكيف اسجل فيه وادخل ؟

[w.marzougi]

-


ارسلوا لك على جوالك رسالة اليوزر اللي هو رقم الطالب الجامعي
و الباس وورد

اسم المستخدم هو الرقم الجامعي
و الباس وورد على الاغلب رقم السجل المدني بدون اول رقم

بالتوفيق

[Raneeny]

المشاركة الأصلية كتبت بواسطة أبوسلطآن السلام عليكم ورحمة وبركاته الاخوة والاخوات الكرام لدي سؤالين الاول تم قبول ابنتي في الجامعة ولله الحمد وحددنا اختبار تحديد مستوى اللغة الانجليزية برمضان وش النصائح اللي تنصحون بها حفظكم الله السؤال الثاني حددنا استلام البطاقة الجامعية يوم 10/21 وطلعت صفحة مكتوب فيها الرقم الجامعي ومطلوب طباعتها الحين يوم استلام البطاقة الجامعية نجيب شيئ معنا او فقط نطبع الافادة ونروح للموعد.؟ حفظكم الله ورعاكم

العام طلبو مننا صورة من بطاقة الاحوال واحضار الاصل كمان "اذا ماعندها احوال اتوقع كرت العايله يفي بالغرض" وصورة شمسية وطبعاً واهم شي لاتنسى الشهادة الاصل


_____

المهم ياأولاد بسألكم مبنى 471 عندكم فين ذا هل له اسم ثاني وجنب ايش هوا :")