الأسئلة والاستفسارات عن كلية طب الأسنان ..

[hadeel a]

أول شي حابة أشكر كل اللي بيجوابو عن أسألتناUNIQUE .... DR.Nanok د .مزاج يعطيكم الله الف عافية
تاني شي : عندي سؤالين
السؤال الأول : كتير سألو عن دورة الطب اللي يوم السبت و برضو عرفت أن مو مره مفيدة لطب الأسنان بس أنا اللي ابا اعرف رأيكم أروحها و لا لا يعني بأيش تنصحوني ؟
تاني سؤال : أنا الحمدلله من يوم ما دخلت الجامعة و أنا درجاتي غالبا كاملة بس عندي مشكلة و هيا أن لو درست شي و متلا مرت علي فترة أنساه يعني أحس مخي يمسح أول بأول فأبغا أعرف دي المشكلة حتأثر عليه فيدراسة طب الاسنان و لا لا و ادا حتأثر فأبغا أعرف قدي أي حتأثر ؟
و شكرا لكم

[Dr~NanoOok]

اهلين دكتورة هديل ؛)

العفو ياعسل .. و اتفضلوا اسألونا كل اللي بخاطركم
وبنحاول نساعد بعضنا على قد ما نقدر ^^

انا ما حضرت الدورات اللي عملوها طلبة med08 & med09
وما اعرف طبيعة برنامجهم والدروس اللي فيها

لكن اهم شي حيكون جزء فيها للمصطلحات الطبيه
وهذه اكثر شي حتستفيدوا منه

وبما ان اغلب مواد ثانية اسنان زي البشري.. اكيد حتفيدكم

انا قبل ما ادخل اجامعة حضرت دورة للمصطلحات طبية و مواد الطب من تشريح و فسيولوجي وبقية المواد
وجدا جداااا استفدت.. سهلت عليا خلال الدراسه
فانصحكم تروحوها
ويصير كمان تتعرفي على بنات البشري.. يصير تتبادلوا الخبرات بعدين وقت الدراسه

----

بالنسبة للدرجات "^^
ما احب احبطك ولكن لازم احطك بالصورة .. في الطب مافي شي اسمه درجات كامله !

لان التصحيح والاسئلة وتوزيع الدرجات مختلف
و مقارنةً بالتحضيري.. فكثيرين يقولوا ان التحضيري جدا سهل بالنسبة له

لكن تقدري تجيبي الامتياز اذا شديتي حيلك
والاسنان يعتمد على العملي.. واغلب الدرجات عليه وحتشوفوا كده بسنة ثالث و السنوات الاكلينكية بعدها

والطريقة الصحيحة انك تزاكري اول باول
وبعدين قبل الاختبرات الفاينل تراجعيها .. لان كميه المنهج كبيرة وما تتخلص في مذاكرة قبل الاختبارات فقط

ومزاكرتها حلوة وممتعه ولا تاخدي هم كبير ليها
وبالتوفيق

[hadeel a]

المشاركة الأصلية كتبت بواسطة dr~nanoook اهلين دكتورة هديل ؛) العفو ياعسل .. و اتفضلوا اسألونا كل اللي بخاطركم وبنحاول نساعد بعضنا على قد ما نقدر ^^ انا ما حضرت الدورات اللي عملوها طلبة med08 & med09 وما اعرف طبيعة برنامجهم والدروس اللي فيها لكن اهم شي حيكون جزء فيها للمصطلحات الطبيه وهذه اكثر شي حتستفيدوا منه وبما ان اغلب مواد ثانية اسنان زي البشري.. اكيد حتفيدكم انا قبل ما ادخل اجامعة حضرت دورة للمصطلحات طبية و مواد الطب من تشريح و فسيولوجي وبقية المواد وجدا جداااا استفدت.. سهلت عليا خلال الدراسه فانصحكم تروحوها ويصير كمان تتعرفي على بنات البشري.. يصير تتبادلوا الخبرات بعدين وقت الدراسه ---- بالنسبة للدرجات "^^ ما احب احبطك ولكن لازم احطك بالصورة .. في الطب مافي شي اسمه درجات كامله ! لان التصحيح والاسئلة وتوزيع الدرجات مختلف و مقارنةً بالتحضيري.. فكثيرين يقولوا ان التحضيري جدا سهل بالنسبة له لكن تقدري تجيبي الامتياز اذا شديتي حيلك والاسنان يعتمد على العملي.. واغلب الدرجات عليه وحتشوفوا كده بسنة ثالث و السنوات الاكلينكية بعدها والطريقة الصحيحة انك تزاكري اول باول وبعدين قبل الاختبرات الفاينل تراجعيها .. لان كميه المنهج كبيرة وما تتخلص في مذاكرة قبل الاختبارات فقط ومزاكرتها حلوة وممتعه ولا تاخدي هم كبير ليها وبالتوفيق

مررره شكرا لك تسلم يدك
لسه ما اتعودت يقولولي دكتورة
بس كنت أبا أسأليك فين حضرتي دورة المصطلحات ؟
لا ما أحبطتيني و لا حاجة بالعكس حمستيني
و ياريت اللي يعرف عن دورة يوم السبت يا ريت يفيدنا

[* رولا *]

سؤالي شويتين سخيف بس مهم ليّا
أنا كنت في التحضيري لازم أشيل معايا كتبي للمحاضرات عشان أكتب ملاحظاتي وأعرف فين بنأخذ وكدا
وكانت مرة تتعبني وأكيد كتب الطب حتكون أثقل منها
فهل فيه عند البنات دواليب (لوكر) ولا لأ؟
وأبغى أعرف لو سمحتوا إذا كنتوا تشيلوا معاكم الكتب للجامعة؟

[Dr.Jim]

السلام عليكم .. بنزعجكم بالاسئلة الى بداية السنه خخخخخخ .. انا قريت ان فيه مقابلة شخصية فحبيت اسأل وشلون طبيعتها ؟ وشكرا :p

[Dr~NanoOok]

المشاركة الأصلية كتبت بواسطة * رولا * سؤالي شويتين سخيف بس مهم ليّا أنا كنت في التحضيري لازم أشيل معايا كتبي للمحاضرات عشان أكتب ملاحظاتي وأعرف فين بنأخذ وكدا وكانت مرة تتعبني وأكيد كتب الطب حتكون أثقل منها فهل فيه عند البنات دواليب (لوكر) ولا لأ؟ وأبغى أعرف لو سمحتوا إذا كنتوا تشيلوا معاكم الكتب للجامعة؟

بالعكس لا سخيف ولا حاجة
خدي راحتك واحنا اخوات ما بينا شي

صعبة تجيبي كتاب بـ 500-700 صفحة معاكِ بالجامعة :p

لا ما يحتاج تجيبي الكتاب
واكتبي النوتز حقتك بدفتر يصير شوفي المهم منها و اشرّي ع الكتاب بالبيت لو احتجتي
واغلب المزاكرة تكون من الشيتات

وكتب القسم حقت الاناتومي والهيستو تقدروا تاشروا عليها
لانها كتب صغيرة وكلامها مختصر

بالنسبة للوكرز
هو المفروض سنة ثانيه عندهم
بس عشان اعدادكم كترت ماشالله
الدفعتين السابقة اعدادهم فوق السبعين
وكنا اول ما نتعدى الستين

فما تكفي اللوكرز
لكن إن شاء الله يجيبوا لوكرز زياده
وحتكون بلاش مو زي الكليات التانيه بفلووس ^_^

المشاركة الأصلية كتبت بواسطة hadeel a مررره شكرا لك تسلم يدك لسه ما اتعودت يقولولي دكتورة بس كنت أبا أسأليك فين حضرتي دورة المصطلحات ؟ لا ما أحبطتيني و لا حاجة بالعكس حمستيني و ياريت اللي يعرف عن دورة يوم السبت يا ريت يفيدنا

ولا يهمك يا احلى دكتورة
حتتعودي عليها إن شاء الله الين لما تطفشي كمان :p

واحلى شعور لما تجيكِ مريضة وتقولك هيا وتدعيلك
ارررروع شعور والله لما تساعدي غيرك

اخدت الدورة مع النادي العلمي السعودي
بس دحين ماصاروا يعملوا

[Dr~NanoOok]

المشاركة الأصلية كتبت بواسطة dr.jim السلام عليكم .. بنزعجكم بالاسئلة الى بداية السنه خخخخخخ .. انا قريت ان فيه مقابلة شخصية فحبيت اسأل وشلون طبيعتها ؟ وشكرا :p

على سنتنا ودفعات 08 & 09
و 10 كمان اعتقد

مافي مقابلات شخصية .. لكن رجعوها زي زمان

على العموم الدفعة اللي قبلي قالولي ان المقابله فقط شكل
يعني الكل خلاص مقبول بالتخصص.. والمقابله شكليه بس

والاسئلة تكون عادية يشوفوا شخصيتك وكم سؤال كده ع السريع

[PuRpLe_BoXeR]

المشاركة الأصلية كتبت بواسطة unique .... لون السكرب عادةً كحلي لانه اللون الرسمي لطلاب الكلية بس إذا أتفقت الدفعة جميعاً على تغيير اللون هذا شيء راجع لكم بالتوفيق

مرة مشكورين دكتورة نانوك و كمان دكتور يونيك على تفاعلكم معانا
تعبناكم و غلبناكم مرة معانا
الاسكرب حقنا نفسي و اتمنى يكون اسود احسو هيكون مرة حلو

وعندي سؤال قعدت افكر فيلو مرة كتير
الدوام ف السنة الاولى هيكون طويل وطويل بزيادة
انا من مكة وكل يوم هكون رايح جاي وصراحة اتعودت من وانا صغير
بس هل ممكن انها تأثر على دراستي
يعني لو مسلا خلاص سكنت ف جدة ممكن اوفر جهد ووقت وازاكر زي الناس
لاني محتار اني اقعد وسط اهلي ولا اسيبهم واعيش لحالي

[طالبه حايصه]

السلااام عليكم


كيف الحال يادكااتره ان شا الله مناااااح


عندي سؤال .. اناةصحبتي ما انقبلت اسنان وجالسه تفكر بالتحويل

بس تقول هي حابه جامعة الملك عبدالعزيز

ونسبة الثانوي حقتها تدخلها طب اسنان في ام القرى على طوول

تقول هل ادخل ام القرى اسنان بعدين احول على كليتكم هنااا

ولا ادخل ابن سينا عن طريق منحه واحول على هناااا

يعني هي محتاره هل انو راح يقبلووو من حكومي او من خاص

ولا كيف الوضع


ياريت الاقي اجابه


وجزاكم الله خييير

[anoar0000]

السلام عليكم ورحمة الله وبركاته
كيفكم ؟ إن شاء الله كويسين:)

بغيت أحد من طلاب أو طالبات الأسنان يفيدونا بشي نستفيد منه قبل ندخل عالم طب الأسنان مثلا كتب مفيدة أو نصائح أخوية أو ......
وكل الشكر لكم :)