برنامج خادم الحرمين الشريفين للابتعاث الخارجي المرحلة الثامنة 1433

[smo0oy]

الله يعااافيك ويجزاك كل خير طمووحي فاق الحدود

جد ارتحت خفت يقلعوني لمكانن مابوه احد اعرفوه

[goorgy]

انا تخصصي علم اجتماع و اخترت تسويق في البعثة على اساس اني بغير التخصص بعد اللغه عادي ولا راح يصير لي لخبطة
؟ ارجوكم افيدوني

[بيلســآن]

المشاركة الأصلية كتبت بواسطة eng-alqaidy اولآ هلا بك اختي إن شاء الله مافي مشاكل والله يجزيك أيضا كل خير بالنسبة لاول إستفسار أنت من أين أنتي متخرجه بالنسبة للثاني راجع الجامعة وعدل اوراقك لابد توافق السجل مع الوثيقة لكن التوصيات لا مانع لأنها من دكتور لطالبه ولاتشيلي هم أختي ترى وقت التدقيق راح يوضح لكم أي أمر ناقص ويعطوكم ورقة بالنواقص تكملوها فيما بعد أهم تطابق ماسجلته بموقع الوزارة من معدل والعمر الخ احس الاخوان متخوفين من التدقيق انه اذا ناقص شي يستبعدونه لايتم استبعاد الا من معدل مثلا 3من5 وكاتب 3.80 على طول هنا استبعاد عادي نظام التوصيات مقبول ان كان برقراف او جداول مدرسة أهلية عادي لأنها تعتبر قطاع خاص ومن الشروط الأ يكون موظف حكومي توظفي الى انهاء امور ابتعاثك ووفقك الله وساموحنا على التقصير والتاخير ونسمع منكم أخبار طيب عما قريب ومشاركة تجاربكم بعد التدقيق لتعم الفائدة

الله يجزاك خير
انا خريجة كلية التربيه بالنعيريه تابعه لجامعة الملك فيصل بالمنطقه الشرقيه
بعد ماتخرجت تغير مسمى الكليه من كلية تربيه الى كلية علوم واداب وانضمت لجامعة الدمام بعد ماكانت لجامعة فيصل
الحمدلله وثيقتي والسجل الاكاديمي نفس الختم ونفس الاسم فقط التوصيات تغيرت بالمسميات الجديده ؟ هل بياثر بقبولي بدولة الابتعاث؟
هل اذا رحت الكليه وطالبت يختمون لي بالختم القديم والمسمي القديم يوافقون ؟

سؤال اخر اخوي السجل الاكاديمي مافيه كلمة متخرجه ! هل هوضروري اما لا ؟

بالنسبه للقبول المشروط والغير مشروط اريد الفرق بينها ؟
وانا سوف ادرس ماجستير هل تنصحني باي قبول يناسب ؟

[#دموع الحزن#]

بيلسان ,, بالنسبه لاختلاف آسم الكليه وكذا ,, آنامثل حالتك وآخذت إفاده من الكليه آنوتغيرت الى علوم وآداب وآنضمت لجامعة الدمام ..الخ عشان يعرفو ليش مسميات الكليه تختلف في آوراقنا ,, وع فكره كمان مترجمه ,, مووفقه حبيبتي

[بيلســآن]

دموع الله يطمنك طيب
توصياتك برقراف ولا جدول وكيف اخذتيها مترجمه انجلش ؟
بالنسبه للسجل مافي كلمة متخرجه هل هو ضروري؟
طيب بما انك نفس حالتي الوثيقه والسجل ماعندي صوره طبق الاصل واذا رحت للكليه بيختمون لي عالختم بالاسم الجديد هل عادي ولا تنفع صور عاديه ؟
اتكلم اذا جينا نراسل الجامعات مو بالتدقيق
والله يوفقك يارب

[k.o.k.a]

اليوم كان موعد تدقيقي .. الساعه 9ونص في مريديان جده
الصراحه كانت الأجواء هاديه ورايقه والموظفات متعاونات

أنا كانت عندي مشكله >> معدلي 4.59 خريجة صيفي ولما قدمت طلب البعثه
وقتها ما أستلمت الوثيقه فحطيت من عندي 4.57

فقتلها بكل صراحه مشكلتي واعطتني ورقة تعديل وعدلت وسألتها ... ممكن هدا الموضوع بأثر عليا في الترشيح النهائي ؟؟؟
قالتلي لا أبدا انتي معدلك مطلوب وغير كدا انتي كتبتي معدل اقل من اللي جبتيه ...مو أكثر زي بعض ناس


وسألتها سؤال ثاني قتلها أختي ما رشحتوها بالرغم انا مستوفيه كل الشروط ما عدا العمر (هيا أكبر بشهرين ) ممكن تتجاوزو عنها لو قدمت خطاب .. ؟؟؟
قالتلي لا أبدا في ناس قبلها جو عندنا وأكبر من العمر المطلوب بيوم واحد وما قبلناهم

سألتني ما عندك سجل أكاديمي بالعربي ؟؟
قتلها لا لأنو جامعة الملك عبد العزيز ما تصدر السجل الاكاديمي الا باللغة الأنجليزيه ... قالتلي خلاص ماعندك مشكله

وقتلها ممكن أغير التخصص ؟؟
قالتلي بعد الترشيح النهائي بأمكانك تغيير التخصص ..

في النهايه سلمتني أيصال وكان مكتوب فيها أنو كل المستندات المطلوبه كااامله .. وقالتلي أحتفظي بالإيصال جداً مهم


وبس ...
الحمدلله كانت الأمور سهله ... والله يتمم لنا على خير ويوفقنا يارب

[I will do]

مساء الخير😊اتمنى انكم بصحة وعافية انا كان موعدي امس الساعه11وعادي وصلت. عشرة ونص ودخلت اللمهم اهم شي الوثيقة باللغة الانجليزية والسجل الاكاديمي والهوية الوطنيه وصورة واحدة كفاييه بس تكون واضحة واستمارة الطلب ونموذج الجامعه الاجنبية وموافقة الولي والجوازات للمبتعث والمرافقين وصور لها 👍الحمدلله اذا اوراقكم كاملة ماتاخذي وقت وزي ماقالت kokaمتعاونات مرة 🌸طبعا هذه مطلبات الماجستير بس سالتها متى نتائج قالت بعد شهرين الله يصبرنا ويفرحنا يارب

[eng-alqaidy]

^^

وفقكم الله جميعا

[خير؟]

مين موعدها بكرا او السبت ؟؟

[smo0oy]

المشاركة الأصلية كتبت بواسطة i will do مساء الخير😊اتمنى انكم بصحة وعافية انا كان موعدي امس الساعه11وعادي وصلت. عشرة ونص ودخلت اللمهم اهم شي الوثيقة باللغة الانجليزية والسجل الاكاديمي والهوية الوطنيه وصورة واحدة كفاييه بس تكون واضحة واستمارة الطلب ونموذج الجامعه الاجنبية وموافقة الولي والجوازات للمبتعث والمرافقين وصور لها 👍الحمدلله اذا اوراقكم كاملة ماتاخذي وقت وزي ماقالت kokaمتعاونات مرة 🌸طبعا هذه مطلبات الماجستير بس سالتها متى نتائج قالت بعد شهرين الله يصبرنا ويفرحنا يارب

بالتوووفيق للجميع يارب بس انا لما رحت قالت لي انو راح تطلع النتايج بعد شهر