نحن هنا لاي استفسار عن تقنية المختبرات الطبية.

[mr.mohanad]

انا طالب سنة تحضيرية و ناوي على كلية العلوم الطبية قسم المختبرات فأبغا اعرف اش المعدل المطلوب لدخول الكلية ؟؟ علما انو انا جبت الترم الاول معدل 4.14 والترم الثاني راح يكون افضل بأذن الله ....

[rawan ba]

قصة غروب

الله يسسسسسسعدك ويوفقكك

انا دحين تحضيري ومرررررررا متأزمة نفسياا كنت اقول عادي لسا فيه وقت افكر ايش اتخصص بس ما باقي الا كم شهر =(

شوف انا نفففسي ادخل مختبرات و ابوي يبغاني طب :'(

ابى ادخل مختبرات عشاني انا اخترته وبنفس الوقت ما ابى ابوي يزعل مني
الله يعين

كأني قروشتك معايا بس بسألك لما دخلت مختبرات كان فيه احد معارض الفكرة ؟
اخاف ادخل وبعدين الناس تنظرلي ديك النظرة الي تكرهني في نفسي =(

[a7la foOofoOo]

المشاركة الأصلية كتبت بواسطة mr.mohanad انا طالب سنة تحضيرية و ناوي على كلية العلوم الطبية قسم المختبرات فأبغا اعرف اش المعدل المطلوب لدخول الكلية ؟؟ علما انو انا جبت الترم الاول معدل 4.14 والترم الثاني راح يكون افضل بأذن الله ....

والله المعدل كل سنه يتغير حسب الدفعه بس انتا حاول ترفع معدلك اكثر واكثر عشان تدخل التخصص اللي تميل لو اكثر وبالتوفيق يارب ونشوفك السنه الجيه ان شاء الله عندنا

[a7la foOofoOo]

المشاركة الأصلية كتبت بواسطة rawan ba قصة غروب الله يسسسسسسعدك ويوفقكك انا دحين تحضيري ومرررررررا متأزمة نفسياا كنت اقول عادي لسا فيه وقت افكر ايش اتخصص بس ما باقي الا كم شهر =( شوف انا نفففسي ادخل مختبرات و ابوي يبغاني طب :'( ابى ادخل مختبرات عشاني انا اخترته وبنفس الوقت ما ابى ابوي يزعل مني الله يعين كأني قروشتك معايا بس بسألك لما دخلت مختبرات كان فيه احد معارض الفكرة ؟ اخاف ادخل وبعدين الناس تنظرلي ديك النظرة الي تكرهني في نفسي =(

معليش على اللقافه بس انا اقلك هيا امسكي ابوكي على جنب وحاولي تقوليلو انو انتي تبغي المختبرات وكدا وكدا وان شاء الله يرضى اهلنا ايش يبغو غير انو يشوفونا مرتاحين ومبسوطين

وكمان ششي تاني والله انا كان الكل مو راضي ادخل مختبرات ماعدا امي الكل يبغاني طب والكل كان يقلي ايش تبغي بالمختبرات بس في النهايه اخترت اللي انا ابغاه واخترت الشي اللي انا حمشي فيه
فمرا ماعليكي من كلام الناس لانو كل مين يتفلسف وهوا مو داري ايش في التخصص اصلا
وبالتوفيق ياحلوة

[rawan ba]

احلى فوفا مرررررا شكرا ريحتيني الله يريحك حسيت انو حالتك نفسسسي

قلت لبابا وقعدت افهمو وكل شي بس ابد ما غير رأيه
تعرفي وين المشكلة في نظرة الناس لك

الي صدمني مرا رحت لدكتور في المستشفى
وبسم الله عليه هرج للصبح المهم سألني ايش تبي تتخصصي قلتله مختبرات

الله لايوريك النظرة الي اداني هيا بيقولي دا قرف تخخيلي دا الكلام يطلع من دكتور فاهم

اقدر اتجاهل واحد اتنين بالكتير عشرة مو كل االمجتمع

المهم هوا لازم اكون توب في الانقليش ؟

الله يوفقك يا عسل =)

[a7la foOofoOo]

المشاركة الأصلية كتبت بواسطة rawan ba احلى فوفا مرررررا شكرا ريحتيني الله يريحك حسيت انو حالتك نفسسسي قلت لبابا وقعدت افهمو وكل شي بس ابد ما غير رأيه تعرفي وين المشكلة في نظرة الناس لك الي صدمني مرا رحت لدكتور في المستشفى وبسم الله عليه هرج للصبح المهم سألني ايش تبي تتخصصي قلتله مختبرات الله لايوريك النظرة الي اداني هيا بيقولي دا قرف تخخيلي دا الكلام يطلع من دكتور فاهم اقدر اتجاهل واحد اتنين بالكتير عشرة مو كل االمجتمع المهم هوا لازم اكون توب في الانقليش ؟ الله يوفقك يا عسل =)

ايش الدكتور المريض دا هههههههههههههه قوليلو بدون مختبر ماتقدر تسوي ولاشي حتى دواا ماتقدر تعطي المريض معليش دا دكتور جاهل خخخخخ

بالنسبه للانجليزي والله الانجليزي حققي لمن دخلت كان على قدي مع الوقت حيتحسن ولاتخافي من دي الناحيه مرااا

والله يوفقك يارب

[قصة غروب]

المشاركة الأصلية كتبت بواسطة mr.mohanad انا طالب سنة تحضيرية و ناوي على كلية العلوم الطبية قسم المختبرات فأبغا اعرف اش المعدل المطلوب لدخول الكلية ؟؟ علما انو انا جبت الترم الاول معدل 4.14 والترم الثاني راح يكون افضل بأذن الله ....

اول شي ربي يوفقك ان شاء ويعطيك ع قد نيتك وان شاء الله السنه الجايه نشوفك ف كليتنا.
بالنسبه للاولاد معدلك ماشاء الله حلو وكل ماكان معدلك اعلى كل مازادت فرصتك.
ربي يوفقك ويكتبلك الخير ان شاء الله.

[قصة غروب]

المشاركة الأصلية كتبت بواسطة rawan ba قصة غروب الله يسسسسسسعدك ويوفقكك انا دحين تحضيري ومرررررررا متأزمة نفسياا كنت اقول عادي لسا فيه وقت افكر ايش اتخصص بس ما باقي الا كم شهر =( شوف انا نفففسي ادخل مختبرات و ابوي يبغاني طب :'( ابى ادخل مختبرات عشاني انا اخترته وبنفس الوقت ما ابى ابوي يزعل مني الله يعين كأني قروشتك معايا بس بسألك لما دخلت مختبرات كان فيه احد معارض الفكرة ؟ اخاف ادخل وبعدين الناس تنظرلي ديك النظرة الي تكرهني في نفسي =(

اختي a7la foOofoOo ماشاء الله ماقصرت الله يعطيها العافيه.
انا باقولك شي, هذي المشكله ترى مو مشكلتك لحالك تقريبا يعاني منها اغلب اللي يدخلو مختبرات او غيرها من العلوم الطبية لان هذي ثقافة مجتمع وللاسف مجتمعنا مايعرف غير الدكتور والمهندس.
بالنسبه لي انا الحمدلله ماعانيت من الشي هذا لان كل اللي يكلمني ف الشي هذا افهمه وابين له ان الفكره اللي ف راسه غلط واصحح مفهوم وما اسمح لاي احد مهما كان ان يقلل من شان تخصصي. وبالنسبه لاهلي الحمدلله ماعنيت لانهم كانو يقولو لي هذا مستقبلك واحنا ما بنتدخل فيه.
وطالما اختي انتي حابه التخصص فهمي الوالد الله يحفظه بوجهة نظرك وان هذا مستقبلك وانك تحبي الشي هذا وانك مابتوقفي ع الشهاده هذي وبتسممري وبتكملي وف المختبرات المجال مفتوح وكذا وان شاء الله ربي ييسرلك.
وانا انصحك استخيره مره واثنين وثلاثه الى ماينشرح صدرك وربي يختارلك الخير.
ربي يوفقك ويكتبلك الخير.

[Kjal]

السلام عليكم
مساء الخير

لو سمحتم ابغى كتب او مواقع طبيه
تفيدني ببحث التخرج
عن Virology
وبالتحديد
hepatitis B ,C

اخوي قصه غروب
فضلا لا امرا ياليت تفيدني بمواقع طبيه
استفدت منها ببحثك بما انك عملت بحث التخرج
وايضا عن كل مايخص بحث التخرج

والله يعطيكم العافيه جميعا

[قصة غروب]

وعليكم السلام ورحمة الله وبركاته.
الله يسعدك اختي انا بحثي كان شي ف الجيناتك والماتيريال والميثود والريسلت والديسكشن والكونكلوجن هذي كلها انا كاتبها واخذت من النت اشياء كنت احتاجها.
عموما من المواقع المميزه موقع بوب ميد ومادر اذا تعرفي تستخدمي جوجل الباحث العلمي او لا؟
هذا برضو يجيبلك اشياء كلها علميه.
اتمنى اني اكون افدتك واي شي تحتاجينه ان شاء الله مابنقصر معك.
ربي يوفقك