تجمع المتقدمات لمعيدات مهارات الأتصال (( الأختبار التحريري )) أدخلي لكي نفيد ونستفيد

[شاكرة لله]

المشاركة الأصلية كتبت بواسطة رحاب ال منصور السلام عليكم اخواتي الف مليون مبروك للمرشحات والله يرزق الباقيات بوظيفة احسن منها يارب كلام الاخت سليم ,,, مريت بنفس وضعكم بالضبط الحين اللي اترشحوا خلاص قطعتوا شوط كبير مع بداية السنة المالية راح تنزل ارقام وظيفية بعدين يوزعونها عليكم الله ييسر اموركم ويوفقكم يارب باقي لي حاجه مهمة استغلوا هالوقت اللين تنزل فيه الارقام الوظيفية بالاستغفار والدعاء دعواتي لكم

الف شكر لك يااخت رحاب عالتوضيح وشكرررا على المشاركة بتجربتك.. طمنتينا الله يطمنك..يعني انت انتظرت زينا الين بداية السنة ودقوا عليك؟؟؟ والله حسبت ان احنا الوحيدين اللي مرينا بالتجربة هذي
جزاك الله الف خير

[طالبة السمو]

طيب سؤال يا أخوات اللي سبق وجربوا
أنا مرشحة مثلكم والحمد لله لكن زوجي عنده عمل خارج المملكة في الأشهر القادمة؛ فمتى حتكون المباشرة بالضبط؟؟ لأن هذا يترتب عليه سفري معاه أو بقائي في السعودية

[شاكرة لله]

المشاركة الأصلية كتبت بواسطة طالبة السمو طيب سؤال يا أخوات اللي سبق وجربوا أنا مرشحة مثلكم والحمد لله لكن زوجي عنده عمل خارج المملكة في الأشهر القادمة؛ فمتى حتكون المباشرة بالضبط؟؟ لأن هذا يترتب عليه سفري معاه أو بقائي في السعودية

حبيبتي.. شوفي الموظف قال شهر محرم بنتعين ان شاء الله ..وقال كمان انهم بيحاولون يخلص الموضوع قبل محرم بس مو اكيد..فأنتي شوفي اذا زوجك بيتخلص شغله قبل محرم..توكلي على الله وروحي معاه، والا اجلسي انتظري احسن ماتدرين متى يتصلون عليك ينادونك، الا اذا يمديك تسافرين وترجعين من السفر قبل زوجك في حال اتصلو عليك وانت خارج المملكة.
وفي النهاية مالك الا الله ثم الاستخارة..
موفقة ياعسل...

[مادلينا]

السلام عليكم

أخواتي العزيزات

طالبة السمو

طالبة نجيبة

حياتي هي أمي

شاكرة لله

ألف مليون مبروووووووووووك على ا لوظيفة ويارب يتممها لكم على خير

فرحتكم من فرحتنا مع مشوار امتد 6 شهور إحنا نبارك لكم وعساها إن شاء الله وظيفة السعد

[حروف البسمه]

ماشاء الله تبارك الله

الله يوفقكم جميعا ويبارك لكم في وظايفكم واللي ماانقبلو ثقو انه خير لكم

حبيباتي

انا ودي اقدم على معيده

بس انا شهادتي بكالوريوس

ينفع والا لازم ماستر ؟؟

وكيف اعرف متى يحتاجو الكليات والجامعة معيده سواء في فرع السلامة او كل الفروع يعني يعلنوها على اي موقع

؟؟

واش الشروط اللازمه واش قالو لكم في المقابله ؟؟


افيدوني جزاااااااااااااااااااااااااااااااااااكم الله الجنة

[fare]

الف مبروك للمرشحات
واسال الله ان يبارك لكن فيما رزقكن ويرزقنا كما رزقكن انه قادر على كل شي

[طالبة نجيبة]

احب اشكر كل من تقدم لنا بالتباريك ,, من جد حسيت بأخوتكم الله يجزاكم خير ويرزقكم احسن الوظايف
وشكرا لك (رحاب) عالتوضيح , طمنتينا

[مطلع الفجر]

السلام عليكم

ألف مبرووووك للمقبولات والله يرزق الباقين بما هو خير

أبغى أستشيركم واسألكم في موضوع بما إنكم خضتوا تجربة التقديم والمقابلة لوظيفة المعيدة :

أنا سبق لي قدمت على وظيفة معيدة بجامعة الملك عبدالعزيز المقر الرئيسي، ودخلت المقابلة الشخصية قريب..

سؤااالي :

هل تنصحوني ..لازم أتصل اسأل عن نتيجة الترشيح ؟؟؟؟؟؟؟؟؟؟؟؟

لأنه والله مابغى أجيب لنفسي حالة التوتر والقلق بالإتصالاااات لأشهر طوااال خاصة بعد ماشفت حالتكم :((

على أساس خلاص هما بيتصلون عليه إذا ربي كتبها ليه..

أيش رأيكم .....؟؟؟؟

[رحاب ال منصور]

المشاركة الأصلية كتبت بواسطة مطلع الفجر السلام عليكم ألف مبرووووك للمقبولات والله يرزق الباقين بما هو خير أبغى أستشيركم واسألكم في موضوع بما إنكم خضتوا تجربة التقديم والمقابلة لوظيفة المعيدة : أنا سبق لي قدمت على وظيفة معيدة بجامعة الملك عبدالعزيز المقر الرئيسي، ودخلت المقابلة الشخصية قريب.. سؤااالي : هل تنصحوني ..لازم أتصل اسأل عن نتيجة الترشيح ؟؟؟؟؟؟؟؟؟؟؟؟ لأنه والله مابغى أجيب لنفسي حالة التوتر والقلق بالإتصالاااات لأشهر طوااال خاصة بعد ماشفت حالتكم :(( على أساس خلاص هما بيتصلون عليه إذا ربي كتبها ليه.. أيش رأيكم .....؟؟؟؟

مرحبا اختي ,,, ايه ,,, في هذا الزمن أي حاجه لازم تجري وراها

اذا شافوكي كل يوم تتصلي وتسألي وشافوكي مهتمة راح يحطوا عينهم عليكي

فأنا انصحك نصيحة لوجه الله تابعي الموضوع من أول ماتقدمي لحد ماتطلع النتائج

يعني بالعامي (غثيييييييييييييييييييييهم) لحد مايقبلونك

بالتوفيق

وعلى فكرة لاتتواصلي الا مع المسؤؤل الكبير للموضوع ,,, اتمنى افدتك

[مطلع الفجر]

شاكرة جداً لكِ أختي الغالية رحاب على نصيحتك لي

والله يوفقنا ويوفقك ويسر أمرنا وأمرك لكل خير يااارب