( .. وظائف للسعوديين بالكويت .. )

[ولد الجهراء .....]

المشاركة الأصلية كتبت بواسطة صمت الانين الله يعطيك العافيه .. بسئل عن الوظائف التعليميه للبنات كيف التقديم عندكم ؟ هل فيها اختلاط في التعليم او مثل السعوديه مدارس البنات ؟ وكيف التقديم ؟

الله يعافيج

التقديم عند وزارة التربيه مباشره تقدمين اوراقج وياخذون رقمج

ويتصلون عليج ويحددون وقت للمقابله .

لا طبعاااا مافيه اختلاط مثل السعوديه


والله يوفقج إن شاءلله

[~dreamy~]

قريبتي متخرجه من بكالوريوس دراسات اسلاميه من سنتين
وزوجها عسكري
هل يقدرون يلقون وظايف واش ممكن تكون


مشكور اخوي ع روحك الطيبه

[ولد الجهراء .....]

المشاركة الأصلية كتبت بواسطة ~dreamy~ قريبتي متخرجه من بكالوريوس دراسات اسلاميه من سنتين وزوجها عسكري هل يقدرون يلقون وظايف واش ممكن تكون مشكور اخوي ع روحك الطيبه

زوجها عسكري بالسعوديه ؟؟ << إذا كان زوجها عسكري بالسعوديه ليش تتوظف بالكويت ؟

بكالوريوس تقدر تقدم على جهتين وكلهم حييييل حلوييين

وزارة التربيه وأيضا الاوقاف

يعني اما مدرسه تبع وزارة التربيه بالتعليم اومدرسه تبع الاوقاف بدار القرأن

موفقين يارب

العفوو تسلمين

[رغدهـ،]

عالعموم مشكور يا ولد الجهراء
غلبناك ويانا
وجزاك الله خير

[معلوماتيه]

يعطيك العافيه اخوي على وقفتك معنا حابه اسأل هل ممكن خريجين المكتبات يلقون وظائف بالكويت
مثل المكتبات الجامعيه او العامه والوطنية او وزارة الثقافه و الاعلام ودور النشر !!

[فهــدد]

المشاركة الأصلية كتبت بواسطة ولد الجهراء ..... ايه أخوي فيه وظائف حكوميه حلوووه بالنسبه لحملة الثانوي ومنها : 1_ مهني في وزارة الداخليه , الراتب مبديئا 400 دينار إلى جانب انهم يعطونك بيت شعبي من حصة وزارة الداخليه . 2_ مراسل في وزارة التربيه , الراتب 300 وعليها . 3_ ايضا بوزارة الاوقاف والشؤن الاسلاميه مراسل اوكاتب . اما عن الشركات الخاصه فكثييييير مثلا مطار الكويت ( ضابط حركه , اوضابط منسق عفش ) الراتب فوق 300 دينار على الواسطه غير شركة النفط وشركات الاتصالات << علما أن رواتب شركات الاتصالات رواتبهم عاليه والمطلوب ثانوي وشهادة كمبيوتر وفيه ناس توظفوا فيها بدون شهادة كمبيوتر ونسيت أضيف لك أن الاعلام بالكويت وخصوصا الصحافه الكويتيه ملياااااانه صحفيين سعوديين وعلمااااا ان البعض منهم شعايدهم اقل من الثانويه وبعضهم ثانويه عامه وانا اعرف منهم كثيرين معرفه شخصيه , حلوووه الصحافه فيها مميزات كثيييره بالكويت انا ولد خالتي صحفي بالكويت وهو سعودي وشهادته ثانويه طبعا الراتب اللي بوقت التجريب 250 وانت طالع وبعدين يرتفع بسرعه إلى جانب أكتساب علاقات كثييير مع اكبر الشخصيات الحكوميه وغيرها لدرجة ان ولد خالتي كل شي يبيه يسويه صار واسطه بكل مكان ههههه وكل ماكتب مقال حلووو عن شخص جاه شيك بمبلغ وقدره غير الراتب وبالعربي الصحافه بالكويت تسهل عليك كل شي بالكويت يعني بعدين اي معامله تقدر تمشيها بسهوله واذا اثبت جدارتك اكيد بيخلونك تسافر تغطي مواضيع ومقابلات بالخارج على حساب الجريده إذا تعرف احد بالكويت بيسهل عليك كل شي وسلامتك موفق

مرحبآ آخوي ،

آلآ بغيت آنشدك ولآتهون .. آلحين آلوظآيف آلمذكوره آعلااه ، يبغى لهآ وآسطه ولا آقدم وتمشي آموري .. ، علمآ آن آلشهآدة ثآنوي فقطَ ؟؟ !

واذا عندك خلفيه ، عن آلوظآيف آلشوآغر ويبون لهآ طلب " آفدني ولا تهون " ووجهك آبيض آنفدآآك

[ماجد الهاجري]

اخوي ولد الجهرا ابي اكلمك على الخاص بس لازم عندي 100 مشاركة
ابيك تشرح لي كيفية تسجيل الانتساب للكويتين

[ولد الجهراء .....]

المشاركة الأصلية كتبت بواسطة رغدهـ، عالعموم مشكور يا ولد الجهراء غلبناك ويانا وجزاك الله خير

العفو

هلا فيج

حياج الله

[ولد الجهراء .....]

المشاركة الأصلية كتبت بواسطة معلوماتيه يعطيك العافيه اخوي على وقفتك معنا حابه اسأل هل ممكن خريجين المكتبات يلقون وظائف بالكويت مثل المكتبات الجامعيه او العامه والوطنية او وزارة الثقافه و الاعلام ودور النشر !!

ماأدري والله أختي

[ولد الجهراء .....]

[QUOTE=ماجد الهاجري;4393434]اخوي ولد الجهرا ابي اكلمك على الخاص بس لازم عندي 100 مشاركة
ابيك تشرح لي كيفية تسجيل الانتساب للكويتين[/QUOTE

هلا والله يالهاجري

هذا ايميلي وياليت بعد ماتاخذه ترد بالموضوع عشان المشرف يمسح الايميل


KissTheKill@hotmail.com