تجارب بنات جده في المعاهد ومكاتب التوظيف

[صمت الانين]

كيف مستويين ب 900 .. ماقد شفت عرض لهم كذدا ؟ طيب اذا اخذته منها ابدا من مستوى لغتي انا ؟؟ ردي عليا

[كشتي فرشت عشتي]

طيب والشهاده تنكتب باسسسمي والا اسمها

وصح ابدا من مستوى انا والا المستوى اللي وصلت له البنت

[shada_Ak]

المشاركة الأصلية كتبت بواسطة بسمة جوري ياحلوات في وحده تبي تبيع مستوين انجليزي لمعهد الابداع الكندي ب900 وهي شرته 1300

ازا مو مستعجله عليهم وتصبر شويا انا اخدهم السعر مره حلو

[جنون الطفولة]

ماشاءالله , مرة حلو الموضوع

[gzl GZLAN]

اهلين
اخدت دورة بمعهد المشاعل
واتوفقت مع الانجليزي بس الحاسب نص ونص
بصراحه لما تكون الاستاذه اجنبيه بتدرس بذمه وتكون طويلة بال عكس السعوديات اخلاقها
والاسعار كلهم بيضحكو علينا اخدت الدورتين 3 شهور ب 3000 ريال
بعد فترة بسيطه نفس الدورتين ب 900 ريال
الكل بينهب
وبالنسبه لمعهد سيدات الاعمال حلو احسن من المشاعل
والله يوفقنا جميعا

[بسمة جوري]

المستوى ب900 وهي عندها مستوين يعني 900 + 900=؟ احسبوها

الشهاداة باسم الي اخذ الدورة

انتو ممكن تشتروها وتدرسو متى مابدكم مو لازم شهر 6 ممكن 7 بس انا علاقتي بتنقطع معها نص الشهر دا لان الدورة الي مشتركين فيها بتخلص بنص الشهر فالي تبيها ياريت تقووول لي واعطيها رقم البنت تتفاهم معاها

[س&ص]

بنات مين تعرف كلية دار الحكمة تعطي دورات في الحاسب ودوره كامبرج

ايش رايكم لقيت دورة كامبرج ب3500 اقساط وكاش 2500 انا افضل الاقساط عشان اضمن حقي معاهم مو اعطيهم كل الفلوس ولو صار شي او وقفت الدوره انا الخسرانه هذا سعر المعهد السعودي بشارع الاندلس مدتها 3شهور
بنا احتاج رايكم وراي اللي مجربينهم

[حليمه احمد]

يابنات انا طالبة انتساب لغة عربية اكتشفت فيما بعد انو شهادة الانتساب لاتعتمد من قبل وزارة التربية والتعليم فودي اخذ دبلوم او دورات اواي شى يساعد اني اتوظف واستفيد من الشهادة افكرفي رياض الاطفال في الجامعة اش اسوي عشان اتوظف فيهاكمان افكر في دبلوم تربوي مرررة ملخبطة انصحوني ودي استفيد منكم

[صمت الانين]

المشاركة الأصلية كتبت بواسطة بسمة جوري المستوى ب900 وهي عندها مستوين يعني 900 + 900=؟ احسبوها الشهاداة باسم الي اخذ الدورة انتو ممكن تشتروها وتدرسو متى مابدكم مو لازم شهر 6 ممكن 7 بس انا علاقتي بتنقطع معها نص الشهر دا لان الدورة الي مشتركين فيها بتخلص بنص الشهر فالي تبيها ياريت تقووول لي واعطيها رقم البنت تتفاهم معاها

انتي قصدك المستويين ب 900 ريال ؟ والا بتيع المستوى والواحد ب 900 والاثنين ب 1800 ؟

[بسمة جوري]

المستوى الواحد 900