%% ليش الوظايف المحترمة اختلاط ــــــــ طيب واحنا ؟؟ ايش الحل

[rubi]

الله يوفقك يا قلبي

ترا انا لسا ماتخرجت هههه لسا باقيلي سنتين ونص

[بنت ناس]

استمروووووووووووووووا
شاكرة لكي روبي انشاءالله تتخرجييين وتتوظفين احلى وظيفة مو اختلاط

[rubi]

يارب امين في القريب العاجل يارب

[none55]

المشاركة الأصلية كتبت بواسطة m!ss dana من جد ازمه هالوظيفه بس اختلاط عن اختلاط يفرق يعني لما يكوون مكاتب النساء لوحدهم والوحده بعبآيتها ونقآبها ومحترمه نفسها بتفرض احترامها عالكل.. اش المآنع من الوظيفه؟؟ وفيه شركات لا الوضع فري .. عشان كذآ شي اهوون من شي!! اش رآيكم احد معآي؟؟

كلامك ممتاز

بس المشكلة مجتمعنا لسا مايتقبل اي شي جديد وحتى لو كان لمصلحتنا

ودا الشي لازم يسير لاااازم ديينا دين وسط مو تعقيد


طبعا اتكلم ع الاختلاط المعقول

____________

وبالنسبة للموضوع انا معاكم

يد بيد

[رحى]

لا تقولوا اختلاط عن اختلاط يفرق
لأنوا الاشياء اللي زي كذا تبدأ صغيرة وتنتهى كبيرة
يعني لمن احنا نتنازل ونقبل بوظايف زي كذا بحجة انوا اختلاط عن اختلاط يفرق
مع الوقت حنتنازل ونقبل بالاختلاط واذا مو احنا بناتنا في المستقبل وحيكون شي عادي
واتوقع تظهرلنا مشاكل زي الدول اللي سبقتنا يعني تحرش وأذية
لكن احنا لازم نحافظ على مبدأنا بوظيفة مرموقة وبدون اختلاط وتناسب طموحاتنا

[rubi]

اهلا بيكي رحى

اتمنو كللللل البنات اللي شاركونا فالموضوع دا

يشاركوني فالموضوع القادم باذن الله

بكرا او بعدو ان شاء الله حنزلو

[عبيطة]

صحيح كلامك والله ,,

طيب فية وظايف للبنات في مصانع

زي مصنع لوزين + مصنع محمود سعيد + مصنع حلويات العماد ...

وأنا عن تجربة اشتغلت في مصنع حلويات العماد من الساعة 8 الصباح الين الساعة 3 .. والراتب كان المفروض
1200 ريال ,,

بس حسبي الله على اللي كان السبب ..اعطوني 800 تخيلو و400 راحت للسوآق .. <-- تهي تهي

المهم انة ماكان اختلاط أبدآ ...

بس يادوب جاء منسق لشكل صحن الحلويات اول اسبوع ويعلمنا وش نسوي وكيف نرتب الحلويات
وبس ..
والشغل مرة سهل ,, قاعدة على كرسي وعندك حلويات ورصيهآ في صحن بلاستك

والاحلى انك تقدري تاكلي شوكلت على راحتك <-- طبعآ بدون محد يدري

.....
وأنا بأذن الله بكرة بقدم في مصنع لوزين .. دعواااااتكم لي ..


أتمنى اني افدتكم ..



أستغفر الله ,,

[كونتيسه]

احلى مووضوع قريته

يااحلى روبي


بصراحه مشكله تعبتني من اول مادخلت الجامعه وانا افكر بالوظيفه لدرجة اني تنازلت عن تخصص كنت ابغا

بسبب انه الوظاااااااائف بهذا التخصص اختلاط

هذي السنه اخر سنه ليه واتخرج

ياااااااااااااااارب ترزقكم وترزقني الوظيفه الي تريحني

--------------------------------------------

تدروا بنات افتكر اول مستوى درستني استاذه وقالت ان مجموعه من المشايخ بييعملون شركه من المديره الى اصغر موظف كله بنات

يعني عشان يحدون من الاختلاط لكن ماادري اذا الموضوع صحيح ولا اشاعه سمعتها الاستاذه


لا الدين يسمح ولا العادات و التقاليد تسمح ولااااااااا قنااااااعتي تسمحلي

وبعدين البنت ع قول الجدات مثل الشرشف الابيض اذا نقطه سودا جات ع الشرشف تباااان وهي نقطه

ونقطه ع نقطه رااااااااااااحت سمعت البنت

الله يحفظنا ويستر علينا

[fsoly]

معليش يا اخوات .. الي تقول انها جاتها وظيفه وثنين ورفضتهم .. ياريت تقولنا عنها .. او تدلنا عنها .. ووش التخصص الي يبونه ..

شكرا لكم ..

[rubi]

كلو في شركات