فتح باب التقديم للابتعاث - المرحلة السابعة -

[*{سيموو]

لمسحتو الإبتعاث الخارجي . . . مطلوب فيه اختبار القدرات للجامعيين واختبار الكفايات

[قاهر المتكبرين]

مني شايف تخصص إنجلش :( مع ناوي أحول إنجلش عشان أطلع ماستر بعد التخرج إن شاء الله .. هل دي التخصصات ثابتة كل سنة ولا بتتغير؟؟؟ يعني هل ممكن بعد سنتين لما أتخرج يكونو حاطين إنجلش ضمن التخصصات؟؟

أصحاب الخبرة في مواضيع الابتعاث هل في المرحلة السابقة أو اللي قبلها كان فيه إنجلش؟

الله يفرج همومكم وييسر أموركم يارب ياريت تجاوبوني على دي النقطة مرة قفلت معايا صراحة :(

[وصايف000]

طيب الزمالة الطبية

انا زوجي اخصائي جراحة عظام وودة يقدم على الزمالة

يقدر ولا لا
وهو موظف حكووومي

[ساكنه في بيتنا]

المشاركة الأصلية كتبت بواسطة وصايف000 طيب الزمالة الطبية انا زوجي اخصائي جراحة عظام وودة يقدم على الزمالة يقدر ولا لا وهو موظف حكووومي

الشروط العامة للابتعاث لجميع المراحل الدراسية 2) ألا يكون المتقدم شاغلاً لوظيفة حكومية.

المشاركة الأصلية كتبت بواسطة بنت العضو الآتحادي يعني لازم شرط اللغة للابتعااث

يب حتى لو اخدتي التوفل من السعوديه قبل لا تطلعي و كانت درجاتك تمام
لما تروحي هناك حيخلوكي تدرسي كمان على ما تقدمي و يجيكي القبول

فهمتي :) ..

المشاركة الأصلية كتبت بواسطة Ambitious.. تسلمين ع ردك جزاك الله خير

المشاركة الأصلية كتبت بواسطة Ambitious.. انا متخرجه بكالوريوس لغة انجليزية مادري اذا تكفي شهادتي اني ااخذ قبول من الجامعه او لازم يكون عندي توفل او ايلتس اول لانه معدلي 73 من 100 فررررق عن المطلوب بكثير بعدين على حد علمي انو اللي مو مستوفي الشروط ما يقبله النظام وقت التسجيل

اكتر الجامعات لازم توفل و فيه جامعات تطالب بالتوفل و الجيمات
يب اللي غير مستوفي الشروط ما يقبله النظام .. بس احيان النظام يكون مخو مصدع و يقبلك ما تدري
انت و حظك ووقت التدقيق كمان انتي و حظك .. لو دققت عليكي وحده شديده محا تقبلك لو طيبه حتمشيكي :)

ربنا يكتلك الخير يارب ..

المشاركة الأصلية كتبت بواسطة My days will come مسائكم سعاااااااادة ورضى اللي فهمتوا من بعض الردود انو لازم يكون عندي لغة قبل لا اروح ؟؟؟ طيب ليش يخلونا ناخذ لغة ,,,, طيب انا لغتي مو مرة يعني تقريباً كل الشروط انطبقت علي ,, الا دا الشرط ما قريته ولا شفته الا دوبي ,,,, ايش الحل ؟؟؟؟

يعني مو عندك لغه بمعنى انو عندك لغه ,, بس على الاقل تكوني تقدري تمشي حالك

ترا الغربة صعبة وربي .. و كل شي على راسك ,, انتي تدوري بيت و انت تدفعي الايجار و انتي توقعي على العقد و انتي تفتحي حساب في البنك و انتي تعملي اشتراك في شركه الكهرباء و المويه و الغاز و انتي مسؤوله عن نفسك و تصرفاتك و مصاريفك و انتي
بجد بجد بجد شي صعب و الله .. فلا تحطوا في بالكم انو الابتعاث فله و روقان و راحه بال ..
دراسة و مسوؤلية ..

ربنا ييسرلنا يارب

المشاركة الأصلية كتبت بواسطة دعاني الشوق شكراً لكي أختي عالخبريه والله يوفق الجميع لما يحبه ويرضاه

العفو يا قلبي :)

اللهم امين يارب ..

المشاركة الأصلية كتبت بواسطة doojy اختي مافهمت. انا ماني سعوديه بس امي سعوديه يعني يصرفو عليا واقدر ابتعث ولا لا

يب يصرفولك يا قلبي بس اخوكي ولا مدري مين المحرم اللي حيطلع معاكي لو مهو سعودي محا يصرفوا عليه

[ساكنه في بيتنا]

المشاركة الأصلية كتبت بواسطة grees بالتوفيق للجميع

اللهم امبن

المشاركة الأصلية كتبت بواسطة مملكة الإحساس إن شاء الله السنه الجاية لمن اتخرج أطب بموضوعك هذا واحط كل اللي بمخي من اسئلة بس احب اشكرك من جد على حبك للخير ماشاء الله تبارك الله مو مقصره ابد ابد ابد وكل شي تعرفينه تحاولي توصليه للناس الله يجزاك خير ويكتب لك اجر كل من تعلم واديتيه امل في انه يحاول ويحاول انت فخر لكلية الإقتصاد المنزلي وخصوصا تخصصنا فديتنا

^^

حياك الله في أي وقت

تسلميلي و الله .. الله يقدرنا على الخير دايم ..
:*

المشاركة الأصلية كتبت بواسطة رغدهـ، السلام عليكم ورحمة الله وبركاته نصيحتي للجميع من الحين دام اتحدد موعد تقديم للابتعاث تبدأون بترتيب اوراقكم وتصدقونها طبق الاصل وتجهزونها حتى لو انكم كمان ترتبونها بملف عشان خلاص ماينقص عليكم شي وجوازاتكم برضو لازم تكون مجددة ولازم تلتزمون بالشروط لان من جد وقت التدقيق راح يعملون شغل معاكم اللي بيكتب معلومة وماتكون مثل ماهي بالبيانات الاساسية او الرسمية راح يستبعد يعني روقو وهدو بالكم واشتغلو مضبوط وانتم تجهزون اوراقكم واللي يسأل عن اللغة يفضل انكم تبدأون تدرسونها من الحين عشان لا تتعبون بعد السفر والدراسة وضغوطات الحياة يصير انكم قطعتوا شوط مرا كبير واللي دارس لغة يختبر توفل من الحين لو حاب عشان لما يطلع يتأقلم على وضع الغربة ويدرس مراحل اكاديمية من اللغة الموضوع مو بس لغة.. لان بس توصلون هناك راح تندوشون بالحياة الجديدة اللي بتكونون فيها خصوصا هنا حنا معتمدين على اهالينا كثير والسكن اغلبنا ملك مو اجار وراح يختلف الوضع لما نطلع يعني بيصير فيه مسؤلية مرا كبيرة ولازم نكون قدها وان شاء الله تتيسر الامور وبعد اذن صاحبة الموضوع راح اساعدكم قد ما اقدر بالمعلومات اللي عندي لاني سبقتكم بهالمرحلة والله يوفق الجميع ان شاء الله

و عليكم السلام و رحمه الله و بركاته

100% كلالام سليم

وحياك الله في اي وقت .. بالعكس انا بدي من يساعدني لأني ما اعرف كل شي دوبني بأدرس لغة

المشاركة الأصلية كتبت بواسطة سمورة الأمورة السلام عليكم... أولاً: أحب أهنئكم بقدوم رمضان وكل عام وأنتم بخير... سؤالي: هل قدر أسجل من الآن ....من العلم ان تخرجي السنة الجاية (الترم الأول) ....؟؟ نصـيـــــــــــــــــحتــــي للجميـــــــــــــــــــــــــــــع......خلوا أملكم بالله كبير... وقدمواوإن شاء الله ربنا يحقق غايتكم....[/b]

و عليكم السلام و رحمه الله وب ركاته

نووو تستني السنه الجايه ان شاء الله و انتي طيبه :) ..

على فكره لو قدمتي مره ما يمديكي تقدمي مره تانيه

المشاركة الأصلية كتبت بواسطة *{سيموو لمسحتو الإبتعاث الخارجي . . . مطلوب فيه اختبار القدرات للجامعيين واختبار الكفايات

هلا سيمو .. ما فهمتك

بس احتياطا دي الشروط العامة للابتعاث لجميع المراحل الدراسية

1) أن يكون المتقدم سعودي الجنسية. 2) ألا يكون المتقدم شاغلاً لوظيفة حكومية. 3) الانتظام الكلي، و التفرغ للدراسة، والإقامة في بلد الابتعاث. 4) أن يكون عمر المتقدم وفق ما هو محدد في الشروط الخاصة لكل مرحلة. 5) الترشيح وفق حاجة المناطق والمحافظات، وحسب نسبة أعداد السكان في المملكة بموجب إحصائية السكان عام 1431هـ الصادرة من مصلحة الإحصاءات العامة والمعلومات؛ وذلك للمساهمة في دفع عملية التنمية المتوازنة في جميع المناطق. 6) إدخال جميع البيانات بصورة دقيقة وصحيحة وإذا اتضح خلاف ذلك مما يخالف شروط الابتعاث فسوف يلغى ترشيح المتقدم حتى لو لم يكتشف ذلك إلا عند إصدار قرار الابتعاث. 7) معادلة الشهادة من جهة الاختصاص إذا كانت من جامعة غير سعودية. 8) وجود الْمَحْرَم للطالبة المبتعثة، وسفره معها، وبقاؤه معها حتى انتهاء بعثتها. مع اشتراط أن يكون المحرم قد بلغ الثامنة عشرة، وأن يكون لائقاً طبياً. 9) ضرورة استخراج المتقدم جواز سفر، وتقديم صورة منه عند تدقيق الوثائق.

المشاركة الأصلية كتبت بواسطة قاهر المتكبرين مني شايف تخصص إنجلش :( مع ناوي أحول إنجلش عشان أطلع ماستر بعد التخرج إن شاء الله .. هل دي التخصصات ثابتة كل سنة ولا بتتغير؟؟؟ يعني هل ممكن بعد سنتين لما أتخرج يكونو حاطين إنجلش ضمن التخصصات؟؟ أصحاب الخبرة في مواضيع الابتعاث هل في المرحلة السابقة أو اللي قبلها كان فيه إنجلش؟ الله يفرج همومكم وييسر أموركم يارب ياريت تجاوبوني على دي النقطة مرة قفلت معايا صراحة :(

و الله يا خوي اللي اعرفه انو هما يفتحوا التخصصات حسب الاحتياج في سوق العمل

ما عندي علم و الله بس اعتقد انو التخصصات اتغيرت مو زي لمن اول ما فتح الابتعاث ,, بس ترا اللي موجوده السنه دي نفسها كانت السنه اللي فاتت لمن قدمت .

إذا مره يهمك الموضوع اسأل عنه في مواقع المبتعثين .. اكيد هما حيفيدوك اكتر ان شاء الله :)

لا تيأس و ربنا يكتبلك الخير يارب ..

[ساكنه في بيتنا]

تحذير :

على فكره للي حابب يقدم دي الفتره اتأكدوا انو جوازاتكم باقي على انتهائها اكتر من 6 أشهر يعني احسن لك تجددوها لو كانت اقل من كدا عشان الحوسه :) وكمان اتأكدوا اسمائكم اللي في الجواز مطابقة للي في الوثيقة و مطابقة للي في التوصيات .. يعني لازم طريقة كتابة الاسم و كل شي في كل الأوراق الرسمية مطااابقة لبعضها

[doojy]

متأكده اختي?؟ انا اهم شيء انا مو مشكله المحرم
طيب انا المحرم حيكون زوجي وهوا مو سعودي عادي؟
ابغى كلام اكيد مررره فرحتيني لاني كل ماكنت اسأل احد كانو يقولو لا ماتقدري.

[*{سيموو]

يعني لازم أكون مختبرة القدرات والكفايات عشان اقدر أقدم على الإبتعاث . . .

او مو شرط . . . والانقليزي لو ماني فالحه فيه ابببببدا . . . يسمحولي اطلع

[مملكة الإحساس]

سؤال سريع بث

اممم احتبار القدرات والتحصيلي هوا نفسه الي اختبرناه قبل الجامعه ؟ والا شي جديد
واذا كان اللي اختبرناه قبل الجامعه مجموعي اقل من المطلوب هل يمنع الإبتعاث

كمان سؤال لسكونه
انا تخصصي دراسات طفولة ومو موجود من ضمن الخيارات فعلى اي اساس اطلب بعثه

لغه بعدين احدد ؟ والا شششلون

[saab30]

السلام عليكم ورحمة الله وبركاته
اشكر جهودكم المتميزة
انا حابة اسأل عن الابتعاث الداخلي وعن كلية الفيصل للدرسات العليا بالتحديد ؟؟..
هل برنامج الابتعاث الداخلي يدفع مصاريف الدراسة والسكن اهم حاجة السكن بعد الدراسة لأن هذه الكلية لايوجد بها سكن خاص فيها؟؟؟
أتمنى ألاقي اجابة