القرار الملكي لألغاء رسوم الانتساب ، الكل مدعوا للمشاركة

[عبدالله العاصمي]

المشاركة الأصلية كتبت بواسطة نوسو بالعكس اتفقو كلكم على عدم السداد خلوهم يجبرو على تطبيق القرار لان لو بتظلو تسددوهم ماراح يطبقو قرار الملك ابد

المشاركة الأصلية كتبت بواسطة نوسو حسبي الله عليهم او سوو اعتصام قدام العماده وطالبو بس قبل كذا كلمو الصحافه عشان توثق وتصور الحدث عشان مايقدرو ينكرو هالشي

الاخت نوسو
باقة شكر لك اختي الفاضله على تفاعلك واحساسك بأخوانك واخواتك وكثر الله من امثالك

ولكن صدقيني ، فكرة عدم السداد ماراح تمشي ، لأن فيه ناس راح تسدد من ورانا وكلآ يجري ورى مصالحه الشخصيه وينسى المصلحه العامه لباقي الطلبه ( ما يدري ان الموت مع الجماعه رحمه)

حكاية الاعتصام ، فكرة لا بأس فيها ، لكن انا من خارج مدينة جدهـ
طيب ليش ما نفعل دور الاعلام والصحف من هنا ..؟
انا على استعداد الظهوره للاعلام ومخاطبتهم وشرح معانآة الطلبه ، ولكن وين الصحفي اللي بيتفاعل معنا ، وين الصحفي اللي بيسوي معنا لقاء او مقابله حتى نخرج مافي قلوبنا ..؟
حاولت جاهدآ الوصول للصحفي الاخ / سعود بن عايد الدبيسي ولكن ماوصلت له .
ولا لقيت اي تفاعل او تجاوب

[عبدالله العاصمي]

^




الاتـــــــكــــــــــالــــــــــيــه





الاتكاليه هي سبب دمار الشعوب



مشكلتنا شعب اتكالي والبعض الاخر جبان ( الا من رحم الله فقط )

[gam_bas]

الاخ عبد الله وفقك الله لكل ما تقوم به
فيه اقتراح لماذا لا يتم مراسلة الاستاد داوود الشريان على الايمل المعروض في موقع ال ام بي سي وعرض الموضوع عليه وارسال القرارات التي لم تطبق
لعل ان يكون بها الفرج

[اكاديا]

وانا ليا مني بغيت انطق الآآآآهـ 00 اردها من خوف شامت ولعاب

ألييييمممه



ماعاد ينفع برقيات ولا ديوان المظالم ولا حقوق انسان
اذا ما صارت مظاهرات على العنقري ومطالبه بالحقوق والاعفاء ماحد بيسمع لنا
واحنا ابد مو ضد ملكنا الغالي ولا ضد الوطن الحبيب ضد العنقري وامثاله
اللي واقفين عقبه امام حقوق الشعب ومصلحته
حسبنا الله ونعم الوكيل

[ماكنتوشه]

طيب الكلام ابد مو مفيد . نتحسب وندعي و نحط اللوم ع هذا وذاك
وننسى انفسنا نبي ششي يفيدنا من ااي جهة كانت ،

رجاء ناخذ الموضوع بجدية مو متخيله اننا لهالدرجه مغفلين تمر سنوات ندفع لناس مالها اي حق .

[عبدالله العاصمي]

المشاركة الأصلية كتبت بواسطة ماكنتوشه طيب الكلام ابد مو مفيد . نتحسب وندعي و نحط اللوم ع هذا وذاك وننسى انفسنا نبي ششي يفيدنا من ااي جهة كانت ، رجاء ناخذ الموضوع بجدية مو متخيله اننا لهالدرجه مغفلين تمر سنوات ندفع لناس مالها اي حق .

بارك الله فيك اخت ماكنتوشه

كلامك عين الصواب

[علي الناصري]

بارك الله فيك اخوي عبدالله وفي الجميع ..
بالفعل اعزائي هذا الموضوع يستحق المناقشة وتصعيده للجهات ذات العلاقة .. عن طريق الاعلام حتى يسمع صوتنا اتجاه هذا الموضوع ..
فالرسوم وما ادراك ما الرسوم .. اصبحت مشكلة تؤرق اغلب طلاب الانتساب من كلا الجنسين ..
لذا نتمنى من الله وصول هذا الصوت لحكومتنا الرشيدة لتنظر في مكمن المشكلة ..
ولو بإعادة المبالغ او جزءً منه للجادين على حسب قول الوزير العنقري سلمه الله عند تسليم وثائق التخرج حتى تصبح فرحتين . وتحفيزاً منهم للطلاب لمواصلة التعلم .
تحياتي
اخوكم ---- ابوسيف الناصري

[mmss2012]

الله يعطيكم العافية على التضامن وتوحيد الكلمة والوقوف مع بعضنا الاخر لان الظروف يعلم بها الله مشكورين

[دلوعة الخليج]

انا اعفاء بس واصلوا واتمنى لكم التوفيق بصراحه ظلم تدفعوا 3 ليش ونحنا على ارض ال سعود
ارض الخير وما اظن احد محتاج لا الدوله ولا غيرها

[عبدالله العاصمي]

بسم الله الرحمن الرحيم

آخر الاحداث

تم العمل بقتراح الاخ / gam_bas جزاه الله الف خير

وتم ارسال رسالة الى الاخ الصحفي والمذيع / داود الشريان

وهذا نص الرساله

السلام عليكم ورحمة الله وبركاته
عزيزي واخي داود الشريان ، ارغب من الله تعالى ثم منك القاء الضوء على موضوع قرار الملك حفظه الله بإلغاء رسوم الانتساب في الجامعات السعوديه عمومآ
هذا القرار الذي لم يــطــبــق من عام 1429هـ وحتى يومنا هذا ، وتم طرح هذا الموضوع في منتديات طلاب وطالبات جامعة الملك عبدالعزيز ، في ملتقى الحوار الجامعي
والموضوع وجميع القرارات موجوده على هذا الرابط
http://www.skaau.com/vb/showthread.php?t=523889
نرجوا منك التفاعل ومناقشه الامر ، ولك دعوة في ظهر الغيب
طلاب وطالبات الانتساب بجامعة الملك عبدالعزيز

ـــــــــــــــــــــــ

والآن

ارجوا من الكل التفاعل والمشاركة والارسال على صفحة الاخ / داود الشريان
وهذا هو رابط الصفحة
http://competition.mbc.net/dawood/?x...008420010aRCRD

( حطيت اسمي وبريدي الالكتروني ورقم هاتفي وكتبت مشاركتي وارسلتها )
بالنسبة للاخوات يقدارون يحطون ارقام اولياء امورهم ويعطونهم خبر في الموضوع

برنامج الثانية مع داود على الـ mbc برنامج حيوي وهادف يهتم بالقضايا في مجتمعنا السعودي


مانبي الاتكاليه ، نبي الكل يرسل لأن الموضوع مهم وحساس ويخص جميع طلاب وطالبات الانتساب في جميع جامعات المملكه
لعلى وعسى نلقى القبول ويخصصون لنا حلقه في البرنامج .


تحياتي لكم