فكره عامه عن اختبار المهارات تبع التصميم الداخلي

[فَجْ ـر]

بَنات التَصميم الحلوات ، الحين لو أقرى بكتب عن الرسم الهندسي رح تفيدني بالإختبار ؟
ولا مالها علاقه إلا بالدراسه ؟

[Roa'a]

والله على ايامي اختباري كان فري هاند مره مالو بالهندسه شي
كلو منظور قدامك ترسمي وبس مالها علاقه الكتب
امااا الاختبارات بعد كدا مااعرف والله
بالنسبه للدراسه مره تحتاجي الكتب دي بصراحه


=)

[Roa'a]

المشاركة الأصلية كتبت بواسطة attomy تسسلمين والله يآ رؤى .. مآقصصررٍتي لببى قلبكْ .. بس حبيت اسأل .. آلحين بالآختبآر نجيب معنـآ علبة الوآآن ومرسآم .. ولآ هم يعطوننـآآ ؟! وكم وقت الآختبــآر ..! يعني الوقت كآآفي إننـآ نآخذ رآحتنـآ بالرسمً والتلوينْ .. ولآ ربشششهْ :s .. ومشكورهـً =] ~! ,

الله يسلمك ياااارب ^^

بالنسبه للوقت كان ايامي ساعتين نظري بيوم
و 4 ساعات عملي بيوم تاني
النظري مره ماكان ربشه اما العملي كان شويه ضغط
كل وحده قسمت الوقت بمعرفتها افتكر انا رسمت وخلصت الرسم
وبعدين بدأت التلوين ولما خلصت رجعت للرسمه و اخرجتها
بالنسبالي الوقت الحمد لله كفاني بس في بنات ما كفاهم
بس في كلا الحالات خليكي هاديه ولا تتربشي لانو الربشه ماتخليكي تعملي تمام

اما الطلبات فيكتبولكم هيا مع الاعلان
سواء مرسام اقلام تحبير الوان ...إلخ
وانا اختباري كان لنا حرية الاخراج في الرسم تبغي تخرجي بالفحم أو المرسام أو أقلام التحبير
انا أخرجت بالمرسام =)

[فَجْ ـر]

رؤى قلبو تسلمين يَ قمر ..
تعبناك مَعنا بجد مَاقصرتي =)

[bayanoo]

مرحبااا رؤى ... يعطييييك العاااافيه ع المعلوومات

بس انا لسى حسجل في الجامعه ... وحاطه ببالي اتخصص تصميم داخلي ...

وعندي كذا سؤال :$

اول شي التصميم الداخلي تبع اي كليه ؟؟ الاقتصاد المنزلي او التصاميم والفنون ؟؟
ثاني حاجه هو تبع المسار العلمي صح ؟؟
وكيف دراسته ؟؟ تقولي كرررف وشغل كثير من اي ناحيه الشغل كثير ؟

واخر شي :$:$
هذي الخطه صحيحه ؟؟ يعني هي المعتمده حاليا والا متغيره ؟ http://homeecon.kau.edu.sa/Pages-ID.aspx

وسوووري اذا ثقلت عليكي بالاسئله :$

[Roa'a]

فجر الله يسلمك ياااارب ^^

بيان
- التصميم الداخلي في جامعتنا موجود بكلية الاقتصاد المنزلي
- صح تبع المسار العلمي
- دراسته مو صعبه بقد ماهيا شغلها كتيرر طول الترم وانت ترسمي وتسوي وتشتغلي
بصراحه الشغل مره كتير بس اذا حابه الشي ما حيأئر الشغل الكتير فيكي
- الخطه ايواا هيا دي المعتمده حاليااا =)

عادي خدي راحتك يا ألبي ;)

[bayanoo]

امممم انا احب التصميم بس للحين متررردده !! اول حاجه انا في الرسم مو مرره :( بس احب الرياضيات والشغلات الهندسيه ماعندي مشكله فيها ...
واخاف مااقدر الحق ادرس هالتخصص خصوصا انكم تقولوا انو مرره كررررف وايام ماتخرجوا الا ٥ العصر !!

عارفه ازعجتك وحتقولي ايش تبغى هذي :$ :$ بس وربي متشتتتتتتته وحابه احد يساعدني :$ ماصدقت شوفت موضوعك :$

اذا ازعجتك :$ فطنشيني :$

ومشكوووره ياسكره :$

[Roa'a]

احنا مو ايااام نخرج 5 تقدري تقولي كل يووووووم 5
انا مابدي احبطك بس اذا شايفه انك ماتقدري تسيطري على الوضع من بدري لا تدخلي
لانو التصميم يبغالووو وقت بصراحه ياخد وقت وجهد مررررررره كتير

ابدا مافي ازعاج ولا حاجه
عفوا يا ألبي
=)

[bayanoo]

٨٨٨ كل المستويات كذا ؟؟ والتحضيريه كمان ؟؟

[سمران]

بالتوفيق