.. { قرووـب بنات إدآرهـ آعمال ~~~> مســآر دولــيه ( جميع المستويات )

[Ash0o0sh]

يابنات انا لسى مانزل جدولي لكن بنزل هادي المواد واي رئيكم فيها ومن هم الافضل في التدريس


1_استثمار
2_الاداره الاستراتيجيه
3_ادرارة اعمال دوليه
4_نظم موارد بشريه
5_بحوث عمليات او ادارة اعمال ثقافات متعدده

المواد الاختياريه

6_اساليب وطرق العمل
7_القيادة الفعالة

والله يوفق الجميع

[Ash0o0sh]

عزف خيالي


مباديء محاسبه
سماسم وانصحك انك تاخدي ملخص انيسه تركستاني حلو وروعه بس اساليها انا كنت اخد عندها وذاكرت من ملخص انيسه بس لا تنسي اساليها برضوا

مباديء قانون
امل شلبي كويسه

مباديء ادارة عامة
هند دمنهوري كويسه
وع فكره هادي المادتين ادبيه يعني حفظ في حفظ

تحليل كمي
سوزان ابو العينين جدا رائعه

مباديء اقتصاد جزئيه
هادي الماده فيها الحفظ والمسائل يعني قوانين وطبقي عليها بس سوري مني فاكره مين !!


بنت المرزقي

اكيد تقدري تحضري مع بنات الانظام بس في الاول لازم تستأذني من الدكتوره او الاستاذاه
وتعرفي متى اوقاتها ^_^
والله يوفق الجميع ياررررررررررررب^_^

[حوحو المشاغبة]

مبادئ الادارة bus 101
هند محمد دمنهوري
انصحكي نصيحة لا تاخدي معاها خدي هدا المادة معا اختها امل يقولو ممتازة واحسن منها
وهدي المادة عبارة عن فهم وحفظ

محاسبة 101
فاطمة كمال
بجد استاذة رائعة بس انا حضرت لها كم محاضرة وبعدها حذفت المادة عشان ما اقدر اتحمل كدا مادة
وهدا المادة عبارة عن حسابياات

قانون تجاري211
سوزاان علي محمود
بجد استاذة بمعنى الكلمة وتخليكي بالغصب تفهمي المادة بسبب شرحها الرائع
وهدا المادة عبارة عن فهم ثم فهم ثم فهم ثم حفظ

مبادئ الاقتصاد الجزئي 101
وهدا المادة اخدتها معا استاذ اسعد سلامة
ونصيحة مني لا تاخذيها معاه بجد بجد استاذ سيئ في وقت الدورة يعطينا بس النظري ويقول هدا مادة نظرية وهوا كداب اصل المادة حسابية واكثر البنات توهقو
وهدا المادة عبارة عن نظري وحسابي ويبغالها تركيز لان قوانينها يلخبط


تحليل كمي 2 (204)
والتحليل الكمي والله ما اخدتها وما اعرف مين الاستاذات الممتازات فيها

ثقافة 2
الاستاذة انتصار ابراهيم
استاذة عسل وشرحها راائع

لغة عربية 201
ما اخدت هدا الماادة والله


والله يوفقكي ويوفق جميييييييييع البنااااااات
دعواتكم لي بالتوفيق

[اضاءات]

Ash0o0sh حوحو المشاغبة

تسلموووون بجد تسلموووون أفدتمونا افادكن الله :)

بس نبغى منكم خدمة تانية ..

زي ما انتوا شايفين بتوقيعي تحت منزلين لنا دا الترم 20 ساعة على 7 مواد

طبعا انتوا عارفين ان دورتنا التأهيلية تبدا بعد الحج يعني مافي وقت للمذاكرة

فممكن تقترحوا علينا ايش المواد الي نختارها وايش الي نحذفه ؟

وانتوا لما كنتوا في مستوانا هل مشيتوا حسب الخطة ؟ ولاّ كيف كان جدولكم ؟

و ياليت كل وحدة فوق المستوى الثالث ترد لاننا حاسين كاننا لسه مستجدات وملخبطين

الله يوفقكم جميعا

[عزف خيالي]

الله يعين

ياا رب ما يفوتني الحذف

حطولنا 7 مواد كاننا ابتدائي والدورة حقتنا قبل اسبوعين من الاختبارات
عـــــــــــــــقــــــــــــــل

[همس الغلا]

بنات انا عندي استفسار بالنسبة للشعب هل كل شعبة يختلف عندها الحذف ولا كل الشعب متفقة علي خطة وحدة
وبالنسبة للكتب هل بينزلولنا مفردات المواد زي السنة التحضيرية ...ويعطيكم العافية

[طموح متنحه]

هل ينزل الجدول بعد التسديد على طول والا ياخذ وقت


من جد اول ترم لنا في التخصص وياليت تساعدونا وتفهموونا ايش احسن نتبع الخطه كم هي ام نحذف مواد

وهل يوجد ترم صيفي لطالبات الانتساب ام لا ؟؟

وشكررا على رحابة صدوركن

[حوحو المشاغبة]

يا اختي اضاءات
تقدري تحذفي تحليل كمي ومبادئ محاسبة فراح يسهل عليكي المذاكرة هدا بوجهة نظري لان انا سويتها السمستر الي فات
وعلى حسب مقدرتكي تقدري تمشي على نفس الخطة الي منزلتها ولا لا يعني اختياري
والله يوفقكي يارب
يا اختي عزف تقدري تحذفي متل ما قولت لاختي اضاءات
يا اختي همس الغلا كل الشعب متل بعض
والمفردات على حسب الاستاذات في منهم يعطونها لكم في المحاضرة وفي منهم في موقعهم بجامعة الملك عبدالعزيز
اختي طمووح بعد السداد انتظري يوم او يومين بالكثير وراح ينزل لكي الجدول بس بعد الصيانة الي سواها دحينا والله ما ندري متى يفتحون الاودس جايبين لنا العوقرة
واكرر واقول على حسب قدرتكي ومقدوريتكي تمشي على نفس الخطة ولا تحذفي كدا مادة عشان تركزي على الباقي
ولا يوجد ترم صيفي للانتساب فقط للتحضيري يوجد وعلى ما سمعت اذا كان عدد ساعات المكتسبة 50 تقدري تاخدي ترم صيفي والله اعلم
والله يوفقكم وتتخرجو من الجامعة بشهادات عالية

[ملاك بن هاشم]

ياليل مطولك

الاودس مايفتح .. يارب الصبر

[عزف خيالي]

ان الله مع الصابرين

يااا رب اجيب معدل واحول انتظام بعد الترم دا

امين

ادعولي الله يوفقكم