رحلتـــي باختصار!!

[dr.CILIA]

نتابع..

- كيف يعيش طالب أو طالبة الطب وكيف هي حياتهم ؟ هل هي جحيم وانطوائية كما نسمع دائمًا ؟

زينا زي الناس العاديين اكلين شاربين نايمين بس اغلب الوقت مداومين بس بصرحه انا اغبط الناس الثانين على راحه بالهم ولا يمكن انا عشان طبعي اشيل هم مااعرف بس احس كل ماقربنا من نهاية الدراسه يزداد الهم رغم ان الناس شايفين انه مين قدنا كوننا في الطب وانه احنا دكاتره -صحيح كل شي من ربنا حلو واحنا في نعمه وفضل كبير الحمدلله بس كمان كل شي له ثمن- نمارس حياتنا بشكل طبيعي بس يمكن بشكل أضيق من الناس الباقين يعني لمن يجي نهاية الاسبوع صح بعض الاحيان ماعندنا امتحانات يعني فاضيين بس يكون الواحد مهلوك طوول الاسبوع فنبغى نقعد في البيت على قولتهم نستكن وكمان لما يكون عندنا امتحان ونظرا انه المناهج ماشاءالله مرره دسمه فلازم نبدأ نذاكر من قبلها بأسبوعين واحيانا ثلاث وتقريبا اوقات المذاكره نكون شبه معزولين عل العالم الخارجي -عشان احنا شطار ماكنا نذاكر اول بأول- من هنا طلع علينا انه احنا انطوائيين بس حقيقة احنا ابدا مو انطوائيين لو احنا كدا كان ماجانا ولا مريض ولا اتكلمنا مع احد بالمره
اما حكاية جحيم ماتجي مو لهذي الدرجه

[dr.CILIA]

بما أنكِ على مشارف سنة الامتياز والتخرج فما هي نصائحك للطلبة المستجدين من واقع ما عايشتِه خلال سنوات دراستك ؟

والله احس مو انا اللي ممكن اعطي نصايح لكن عندي كم كلمه ان شاءالله تكون مفيده
1-اول حاجه وياريت دايما تخلوها في بالكم في كل عمل مو بس في الدراسه النيه اخلصوا النيه كل يوم لمن تكونوا في السياره وانتو رايحين ع الجامعه و حتى قبل ماتبدأو مذاكره حطوا في بالكم انا ليش بذاكر ؟ انا ليش بأداوم ؟ وانووا بيها اللي تبغوا وخليكم دايما قريبين من ربنا عزوجل عشان (اعرف ربك في الرخاء يعرفك في الشده)
وترى دعوات الوالدين ورضاهم تفتح الخير الكثير..

2-تذكروا دايما أنكم تحملوا امانه كبيره ومسؤليه ولا تتكاسلوا ابدا او تستحوا انكم تتعلموا من اي احد ولا يقتصر علمكم على الكتب والجامعه في طرق كثير ممكن تتعلموا بيها حتى الناس ممكن يعلموكم ترى ماحنفهم الامراض مزبوط إلا من اللي عانوا منها ودايما الدكاتره يقولولنا:كل مريض كتاب مفتوح لطبيبه.

3-حاولوا قد ماتقدروا تديروا وقتكم بشكل سليم عشان تكسبوا الطب وماتفوتوا أي لحظه في حياتكم

4- دايما الناس حتى من أيام المدرسه يقولوا ذاكروا أول بأول هنا ماحنقول ذاكروا بس حاولوا كل يوم تقرأو شي لو بسيط عشان هنا المذاكره ماتفيد قد ماتفيد معلوماتك اللي بتستخدمها يوميا يعني انت لو قرأت بعدين تاني يوم رحت طبقت بشكل عملي خلاص مايحتاج مذاكره بعد كدا ابدا وهذي مو بس مجربه الا بنتبعا في حياتنا الطبيه.

5-في الطب وحسب ماعلمونا دكاترتنا الافاضل كل معلومه تحصل عليها لازم تكون عارف مع المعلومه مصدرها من فين ولازم يكون المصدر موثوق عشان كثير تحصل حكايات اختلاف وجهات النظر والآراء واحنا نكون مغلوبين في الاخر لأنه ما باليد حيله واحنا الصغار. وكمان لازم زي مايقولوا الكبار احنا نقول سمعنا واطعنا ولانحاول نتفلسف عشان حتجي على راسنا بعدين.

6-بما اننا لسه في المعلومات لازم تكون المعلومات في دماغنا مرتبه زي الكومبيوتر يعني اغلب الدكاتره يحبوا الترتيب في الاجابات سواءا في العملي او النظري وبيني وبينكم اصلا لمن يكون الواحد مرتب عمره ماينسى اغراضه كذلك في المعلومات اللي مرتب عمره ماينسى معلوماته.

7-انصح وبشده في التدريب فترات الصيف لأنه جدا مفيييد وتشوف اساليب غير وحالات غير وكمان فرصه للتعلم غير الكتب والاشياء التقليديه. وكمان حضور المؤتمرات والدورات.

8-في بعض الاحيان المذاكره الجماعيه او بالاصح المراجعه الجماعيه تكون مفيده بالذات اذا الناس اللي بتذاكر معاهم مستواهم افضل منك حتترسخ معلومات كثير وتكون في فرصه للإجابه على الاسئله اللي ماعرفتها في المذاكره او الاسئله اللي احترت في حلها واحنا والله استفدنا من هذي الفكره في حل الاسئلة الاختياريه نجلس مع بعض ونحل النماذج توكن في فرصه للنقاش.

واخيرا الطب جدا جميل في عيون محبيه وبرغم التعب اللي فيه الا انه حلو ومااحد يندم على دخوله ابدا

بالنسبة للأسئله اللي عندي كدا خلصت لكن رحلتي في الطب لسه مطوله فاللي عنده أي اسئله أو استفسارات انا حاااضره وفي الخدمه

أعتذر عن الإطاله وأشكر تواصلكم وتشجيعكم وشكر خاص للأخ Justiceصاحب الفكرة والأسئله.
أخلص الدعوات بالتوفيق والنجاح للجميع
ولاتنسوني من صالح دعواتكم

أختكم: د.سيليا

[JuStice]

.

يعطيكي ألف ألف عافية د.سيليا والله يوفقك يا رب ..

بصراحة الأسئلة كانت قليلة يا ريتني كترتها شوية خخخخ أحسها خلصت بسرعة ^^"

فيه سؤال مهم مرة نسيت أضيفه ,

عن مادة البايوكمستري "رعب الطلاب" ! كيف المادي دي بالزبط ؟ وكم مستوى فيها ؟ وإلى متى دراستها ؟ وفين مكمن الصعوبة فيها ؟

هل في المنهج نفسه لكثافته ولا في الدكاترة ولا اختباراتها صعبة ؟

وإيش الحلّ معاها ؟ هل فيه أحد بيجيب فيها a مثلاً ؟ ولا الدرجات فيها نازلة ؟ وكيف كنتوا تتعاملوا معاها وتذاكروها ؟ وهل فيه مدرسين خصوصيين لها بفلوس؟

حبذا لو تحكينا كل شي عن المادة دي لأني أصلاً ما أحب الكيمياء وسمعت من كتيرين إنها أصعب شي دي البايوكمستري !

لدرجة إن واحد صاحبي في طب أسنان سألته قبل الإختبارات الأخيرة دي بمدة عن البايوكمستري ..

قالي بالحرف الواحد : المادة دي إلى الآن محنا فاهمين فيها شي !!

.

[bint aboha]

المشاركة الأصلية كتبت بواسطة dr.cilia شكرا على تواصلكم .. موفقيــــن ان شاءالله جميعا أختي بنت ابوها معلوماتي جدا ضئيلة عن حكاية نظام السنه التحضيريه والتسكين لأني من النظام القديم وبصراحه مااعرف ايش أفضل بالنسبه لك بس اقتراح الاخت سكر اشوف انه تمام والله يوفقك ويختار لك الافضل وبالنسبه للمواد للي في العلوم الطبيه ممكن تسألي في منتداهم واكييد ماحيقصروا معاكِ لأني كمان مااعرف اعتذر منكِ اخيتي وبالتوفيق

د.سيليا مشكوره غناتي ع الملعولمات القيمه ولك ودي وإحترامي غاليتي عذرا ع الإزعاج دعواتي

القلبيه لك ودعوتكي لنا بأن يسهل علينا كل صعب أستغفر الله ومشكوره ماقصرتي وإن شاء الله

أروح أسأل وعذرك مرفوض للأنك ماشاء الله عليكي ساعدتينا ف أشياء كثيره من خلال هذه

الرحله وأنا اللي لازم أعتذر ع الإطاله مشكوره مره أخرى أختي ولي الشرف

[dr.CILIA]

الله يعافيك Justice

لو عند اسئلة زياده انا حاااضره في الخدمه :)

الماده هذي بإختصار تدرس التفاعلات الحيويه واللي يحصل في الجسم على مستوى الخليه والنواه يعني اشياء كلها دقيقه هي زي الكيمياء تفاعلات وانزيمات وشغلات صغيره بس داخل الجسم
بالنسبه للمستويات احنا زمان درسناها على سنتين ثانيه وثالث اخذنا على مدار السنه يعني 4 مستويات في النظام الجديد اللي دحين انا عرفت انهم يأخذوها الترم الاول في السنه الثانيه -يعني اول سنه بعد التحضيري- وماعرف اذا يكملوها في الترم التاني ولا لأ
مكمن الصعوبه فيها التدريس يعني دكاتره مرره قليل اللي يشرحوها مزبوط ولا يمكن عشان محاضرة ساعه ماتكفي فالدكاتره يضطروا لأنهم يكروتوا الشرح فبالتالي مانفهم وكمان المنهج دسم زي الكيمياء العاديه معلوماتها كثير وتطير بسرعه من الدماغ بس لو جلس الواحد وفهمها مزبوط ماراح يلاقي صعوبه فيها
وبالنسبه للإكتحانات جدا سهله والاسئله فيها سطحيه بس لأن الطلبه مو فاهمين مايحلوا ويجيبوا درجات منخفضه والرسوب فيها جدا عااالي -بالنسبه لطلبة الطب-
بس في ناس يجيبوا ممتاز يعني انا تجربتي فيها كانت رسوب في الترم الاول وإمتياز الترم التاني جبت درجه مرره عاليه لمن عرفت كيف نذاكرها كنت الترم الاول اعتمد بس على شرح الدكاتره واحيان ماافهم وامشي عادي لكن الترم التاني جلست لها جلسه مزبوطه والحمدلله
حكاية المدرسين الخصوصين مااعرف اذا في بس دكاترتنا مايقصروا لو رحت لهم خارج المحاضرات بس المشكله مو دايما تلاقيهم

اعتذر عن الإطاله وحاضرين للخدمه

[dr.CILIA]

أختي بنت ابوها

الله يعطيك العافيه ويجبر خاطرك وكرمك من واسع فضله
الله ييسر أمورك ويختار لك الأفضل

[Heba EB]

رائـع :)

استمتعت كثيراً بالقراءة
الله يبارك فيك ، ويوفقك يآرب

اممم .. قد يكون لي عودة بـ سؤال :$

ماتقصري يـ دكتورة :)

[NaSeM]

استمتعت كثيير مع رحلتك

وأسلوب الفوق رائع

أثابك الله .. وبارك فيكي

وكثر من أمثالك

[.,.نيــــــــــــــــــــران.,.]

كنت اتابع بصمت

استمتعت بالقراءة واتمنيت فعلا اني احقق حلمي الصغير مثلك - ماشاء الله تبارك الله

بالتوفيق لك

[dr.CILIA]

اختي هبه سعدت كثيرا بتواصلك وانا في انتظار سؤالك

نسيم أنار الله دربك كما أنرتي صفحتي وفقك الله لما يحب ويرضى