.. { قرووـب بنات إدآرهـ آعمال ~~~> مســآر دولــيه ( جميع المستويات )

[إيـمآأنْ خـآلـدْ]

اهلين .. سبـآأ
نزلي جدولك وان شاء الله افيدك
استنآأكـي ياحلوـآأ

[عزف خيالي]

الله يوفق اللي تساعدني دنيا واخرة*



طب ممكن تقولولي الاستازات الكويسات في دي المواد؟

مبادئ الادارة bus 101
محاسبة 101
قانون تجاري211

مبادئ الاقتصاد الجزئي 101
تحليل كمي 2 (204)
ثقافة 2

لغة عربية 201

ســــــــــــــــــــــؤال 2:
ممكن تعريف بسيط او نبذة عن كل مادة؟؟

ســـــــــــــــؤال 3:
في احد منكم انتساب ونزل جدولها بعد ما سددت دا الترم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

اتمنى ما اكون طولت عليكم
>>>انتي طولتي وبس

ميغسي بوكو

اخت البنات انا زيك وناوية كمان احضر مع الانتظام في شعبة معينة

[vvv]

اخت البناات... انا زيك ابغى اجرب احضر معاهم بس ابغى احضر ادارة عمليات.... يقولوا خديجة ضباب كويسه مين راح تحضر عندها!!! وياليت تقولولي متى تعطيكم المحاضره..؟

[بنت المرزوقي]

المشاركة الأصلية كتبت بواسطة vvv اخت البناات... انا زيك ابغى اجرب احضر معاهم بس ابغى احضر ادارة عمليات.... يقولوا خديجة ضباب كويسه مين راح تحضر عندها!!! وياليت تقولولي متى تعطيكم المحاضره..؟

انا ادارة اعمال دوليه مستوى خامس وابغى احضر ادارة عمليات واستثمار بس مااعرف مين الدكتوره الافضل والاوقات حقتهم..؟ وحابه اسأل اذا عادي يخلونا نحضر مع الانتظام والا ؟

[عزف خيالي]

اتمنى من الصبايا اللي اكبر من المستوى 3

انهم يجابوا على اسئلتي

بليز صبايا ضرووووووري الله يوفقكم

[اخت البنات]

vvv
انا اول ترم ليا بالقسم ومادري شي :(

[Ash0o0sh]

يابنات انا لسى مانزل جدولي لكن بنزل هادي المواد واي رئيكم فيها ومن هم الافضل في التدريس


1_استثمار
2_الاداره الاستراتيجيه
3_ادرارة اعمال دوليه
4_نظم موارد بشريه
5_بحوث عمليات او ادارة اعمال ثقافات متعدده

المواد الاختياريه

6_اساليب وطرق العمل
7_القيادة الفعالة

والله يوفق الجميع

[حوحو المشاغبة]

مبادئ الادارة bus 101
هند محمد دمنهوري
انصحكي نصيحة لا تاخدي معاها خدي هدا المادة معا اختها امل يقولو ممتازة واحسن منها
وهدي المادة عبارة عن فهم وحفظ

محاسبة 101
فاطمة كمال
بجد استاذة رائعة بس انا حضرت لها كم محاضرة وبعدها حذفت المادة عشان ما اقدر اتحمل كدا مادة
وهدا المادة عبارة عن حسابياات

قانون تجاري211
سوزاان علي محمود
بجد استاذة بمعنى الكلمة وتخليكي بالغصب تفهمي المادة بسبب شرحها الرائع
وهدا المادة عبارة عن فهم ثم فهم ثم فهم ثم حفظ

مبادئ الاقتصاد الجزئي 101
وهدا المادة اخدتها معا استاذ اسعد سلامة
ونصيحة مني لا تاخذيها معاه بجد بجد استاذ سيئ في وقت الدورة يعطينا بس النظري ويقول هدا مادة نظرية وهوا كداب اصل المادة حسابية واكثر البنات توهقو
وهدا المادة عبارة عن نظري وحسابي ويبغالها تركيز لان قوانينها يلخبط


تحليل كمي 2 (204)
والتحليل الكمي والله ما اخدتها وما اعرف مين الاستاذات الممتازات فيها

ثقافة 2
الاستاذة انتصار ابراهيم
استاذة عسل وشرحها راائع

لغة عربية 201
ما اخدت هدا الماادة والله


والله يوفقكي ويوفق جميييييييييع البنااااااات
دعواتكم لي بالتوفيق

[Ash0o0sh]

عزف خيالي


مباديء محاسبه
سماسم وانصحك انك تاخدي ملخص انيسه تركستاني حلو وروعه بس اساليها انا كنت اخد عندها وذاكرت من ملخص انيسه بس لا تنسي اساليها برضوا

مباديء قانون
امل شلبي كويسه

مباديء ادارة عامة
هند دمنهوري كويسه
وع فكره هادي المادتين ادبيه يعني حفظ في حفظ

تحليل كمي
سوزان ابو العينين جدا رائعه

مباديء اقتصاد جزئيه
هادي الماده فيها الحفظ والمسائل يعني قوانين وطبقي عليها بس سوري مني فاكره مين !!


بنت المرزقي

اكيد تقدري تحضري مع بنات الانظام بس في الاول لازم تستأذني من الدكتوره او الاستاذاه
وتعرفي متى اوقاتها ^_^
والله يوفق الجميع ياررررررررررررب^_^

[اضاءات]

Ash0o0sh حوحو المشاغبة

تسلموووون بجد تسلموووون أفدتمونا افادكن الله :)

بس نبغى منكم خدمة تانية ..

زي ما انتوا شايفين بتوقيعي تحت منزلين لنا دا الترم 20 ساعة على 7 مواد

طبعا انتوا عارفين ان دورتنا التأهيلية تبدا بعد الحج يعني مافي وقت للمذاكرة

فممكن تقترحوا علينا ايش المواد الي نختارها وايش الي نحذفه ؟

وانتوا لما كنتوا في مستوانا هل مشيتوا حسب الخطة ؟ ولاّ كيف كان جدولكم ؟

و ياليت كل وحدة فوق المستوى الثالث ترد لاننا حاسين كاننا لسه مستجدات وملخبطين

الله يوفقكم جميعا