التخصصات المتاحة للتعليم عن بعد والإنتساب لهذا العام...

[لَتينْ ~]

اصلا لو مافتحو تخصصات غير ذي بحول تعليم عن بعد ان شاء الله يا ادارة مستشفيات ياعلوم اداريه ابغى تخصص اغلب المواد حقه فهم ومسائل زي كذا مابغى حفظ اكره الحفظ :) بس للحين مو عارفه ايش مصيري حتوكل على الله وانتظر لين تفتح التخصصات وبعدها يبدا الجد ^__^

إنتي زيي أكرهـ الحفظ
وبحثت في الخطط الدراسيه لأغلب التخصصات الإداريه لقيتها بتتشابه
اللي بيفرق بس مواد التخصص
وكل هالقسمين فيها مواد علميه زي المحاسبه والإقتصاد الكلي والجزئي و ... الخ
بس النظري أكثر
بحكم انو مسآرنا أدبي
حياكِ معآي إداره مستشفيات بإذن الله
عسى ماأغير رايي كالعاده :d
إطلعي ع الخطط الدراسيه واللي تشوفيه أقرب لميلولك وقدرآتكـ ادخليه وربي يوفقك فيلو

[لَتينْ ~]

طيب استفسار لاهنتوا في ادارة مستشفيات انتساب ولا بس تعليم عن بعد..وان سجلت سنه تحضيريه انتساب وخلصته ان شاء الله هل بعده اقدر احول تعليم عن بعد ولا معقدين وش الوضع ياملي انتم

إنت من أي دفعه ؟
اذا دوبك مسجل إيوه فيه إداره مستشفيات انتسآب
ولو بتحول بعد التحضيري ماعندك مشكله الموضوع مو معقد

[sheeemy]

hope اذا انت لسه مستجد يعني مو مثلنا مخلص تحضيري دحين في تخصص ادارة مستشفيات انتساب لكن لو مثلنا التخصص مو متاح غير للتعليم عن بعد وكمان تقدر تحول من انتساب لتعليم عن بعد عادي بس التحويل متاح مره وحده اتمنى اكون افدتك ^__^

[sheeemy]

لتييييييين كووويس لقت احد معي انا للحين مقتنعه بادارة مستشفيات بس اخاف احول عن بعد اندم تعبت من التفكير مره اقول اذا فتح علوم اداريه انتساب ادخله واشوف الوضع اول ترم اذا حسيت اني مشيت بمواد التخصص انتساب اكمل فيه واذا لا اطلب تحويل عن بعد ادارة مستشفيات ويعادلولي المواد واوقات اقول لو مافتحو علوم اداريه انتساب ادخل ادارة مستشفيات كله حيبان وقت التسكين الله يسهلنا ياااارب لو سالتيني وقلتيلي خشي شي فيه ميولك كان قلتلك للاسف ولاشي من ذا حتى مو فاهمه ايش طبيعة المواد لو ميولي كان دخلت طب ولا احياء بس النصيب ^__^

[لَتينْ ~]

أنآ صحبتي تحضيري زينآ وإنتساب أوكيهه
تقول بدخل علوم إداريه
أنا أقلها مافيه وهيآ تقول إلا متأكدهـ فيه أنا سألت مدري ايش
الزبدهـ لما يفتح التسكين حيبان كل شيء وإن شاء الله إنو فيه ي كثر بنات الإنتساب اللي يبغو القسم
بالنسبه للتخصصين كلهآ حلوهـ
ولاتهتمي للي يقول مالو مستقبل ( محد جاب علم من ربي )
صدقيني الإنسآن لما بيدخل بإرادهـ قويه ويسعى ويجتهد بتنفتح كل الأبواب قدامه
وأبدا مو حلو نبدأ بعزيمه محبطه وقلق توكلي ع ربكـ
أنا زيك كنت محتاره بين إداره مستشفيات ونظم معلومآت
وإطلعت ع الخطتين
نظم المعلومآت أنا م حب الحاسب مرهـ بس لأنو مجرد القسم عاجبني
وإستخرت وإرتحت كثيييير لإداره المستشفيات يعني بإذن الله قررتـ
إذا حابه شغلك يكون في إطار الصحه والمستشفيات إختاري إداره مستشفيات
وإذا حابه شركات وبنوك .. الخ إختاري علوم إداريه
الموضوع سهل إن شاء الله
وإذا عندك أي إستفسارات عن التعليم عن بعد رآح أسآعدكـ ^_*

[sheeemy]

ايوا حتى انا صحبتي سالت وقالولها في علوم اداريه انتساب لتيييييين مانحررررررم منك ولامن كلامك الله يفتح النفس من صباح ربنا الله يسعدك دنيا واخره ياعسسسل ^___^

[hope2013]

اممممم لا لسى انا بسجل تحضيري ان شاء الله انتساب ، اذا خلصت ان شاء الله مافي ادارة مستشفيات انتساب او تعليم عن بعد بس

[اسيرالبحر]

المشاركة الأصلية كتبت بواسطة hope2013 اممممم لا لسى انا بسجل تحضيري ان شاء الله انتساب ، اذا خلصت ان شاء الله مافي ادارة مستشفيات انتساب او تعليم عن بعد بس

اذا انت مسجل انتساب فيه ادارة مستشفيات حسب ماهو مذكور في التسجيل وبكليتين ادارة الاعمال بشمال جده وبكلية الاعمال برابغ

[دآفوره خآنوم]

يا قماري متى يفتح التسكين للانتساب او للتعليم عن بعد
وهل يختلف التواريخ يعني كلن يفتح بتاريخ مختلف

[hope2013]

يارب القى احد يفهمني