تـعـالـوا نـرتـب جـداولـنـا ومـوادنـا~

[f21fy]

السلام عليكم
انا جدولي
نظم معلومات_ مع حياة راجخان.

ادارة التامين_ مع نرفانا .

بحوث عمليات_مع نسرين الملا مررة كان نفسي اخدها مع امل تركستاني بس دا السمستر مابتعطيها غير نسرين الماده معقده شوية على كلام اغلب الطالبات بليزز بنات ازا الدكتورة مو قد كدا قولولي علشان ااجل الماده للسمستر اللي بعدو لاني اول مرة اسمع عن نسرين؟؟؟؟؟؟.

تخطيط استراتيجي_ مع عنود السبعان وكمان في استازة اسمها رجاء الخواجي اول مرة كمان اسمع عنها ابغا منكم تفيدوني مين اسالتها اسهل العنود ولا رجاء؟؟؟؟؟؟؟ لانو العنود شرحها ممتااااااااز جدا ولكن اسالتها شوية صعبة يبغالها تركيز.

بالنسبة للمواد الاختيارية والحرة هادي افضل المواد اللي مدحولي فيها الكتير من الطالبات انها سهلة وبسيطة (ادارة علاقات عامة_ وادارة مشورعات عامة_ و الحكومة الاكترونية_ وطرق واساليب العمل_ والسلوك الانساني في المنظمات _وقيادة وابتكار_ وفن الاقناع_وادارةالمبيعات)
وشكرااا بليزز ردولي في اسرع وقت عن الاستازات نسرين ورجاء؟؟

[f21fy]

بالنسبة للمحاسبة الحكومية مادة حلوة افضل بكتيرر من مبادىء المحاسبة وازا مع انيسة التركستاني مررة ممتاز(المزاكرة من ملزمة انيسة).

موازنة وماليه مع بدرية الجهني استازة جدااا رائعة وماده حلوة يحتجلها شوية نركيز وفيها امور كثيرة من ماده محاسبة حكومية (المزاكرة من ملزمة).

ادارة محلية مادة يبغالها تركيز وتلخبط اخدتها مع سلوى اعظم في الشرح مو قد كدا شرحها لكن اسالتها اسهل من العنود والمزاكرو من( الكتاب)ازا مع سلوى ومن (ملزمة)مع العنود.

القانون اخدتو مع صباح المصري ممتااااااازة الدكتورة وبين كل فقرة وفقرة تعطي سؤال ومن هادي الاسئلة يجي معظم الاختبار طبعا المزاكرة من( الكتاب ).

ادارة الخدمات الصحية مع الاستازة نرفانا والمزاكرة من (الكتاب) مادة سهلة واستازة سكرة.

تنمية موارد بشرية اخدتها مع الدكتور ضيف الله المزاكرة من(الكتاب)عبارة عن 500 صفحة الكتاب جدااا عقيم الدكتور مايشرح ابدا مو متعاون اسئلتو سيئة وقليله ابدا لاتاخدوها مع رجال انا سمعت انو سناء كانت تعطيها وكانت من ملزمة المزاكرة كانت كويسة ولكن السمستر اللي فات ماكان في غير 3 داكاترة رجال وكلهم زي بعض.

ساسية عامة مع خديجة عبد المؤمن الاستازة رائعه والمزاكرة من (الكتاب) المادة شوية طويلة ويحتجلها تزكيز لكن اسئلة الاستازة حلوة ومحد يرسب عندها ان شاء الله تساعد كتير.

السلوك التنظيمي مع العنود الماده حلوة والاستازة ممتازة ولكن اسئلة الاختبار والعلماء يلخبطو والمزاكرة من (ملزمة) .

الثقافة مع اي استازة كلهم زي بعض المزاكرة من(الكتاب)مادة سهلة تساعد على رفع المعدل زي المواد الاختيارية.

الخدمة المدنية اخدتها مع استاازة جداااا رائعه نورا النجار والله المزاكرة من (ملزمة) مررة حلوة وخفيفة المادة والاستازة.

نظرية التنظيم مع مها برادعي مادة معقده وتلخبط من كتر العلماء والنظريات يبغالها تركيز المزاكرة من(ملزمة) والاستازة تشرح لكن مو قد كدا شرحها مايجزب ويمتع واصلا الماده معقدة.

طبعا بيختلف موضوع المزاكرة من( الملازم )ازا كانت المادة تعطى من اكتر من استازة والاسئلة كانت موحده فتسير المزاكرة من (الكتاب) اسئلو عن هذا الموضوع من اول محاضرة من دكتورتكم يختلف من سمستر لسمستر ومن مادة لمادة ازا الاستازة هيا اللي حتعمل الاسئلة لحالها المزاكرة من ملزمتها اما ازا اشتركت معاها وحده تانيه والاسئلة سارت موحده المزاكرة تسير من الكتاب افضل لان الملزمة ممكن ماتكون شاملة شرح الاستازة التانيه.

وشكراا بالتوفيق للجميع

[روحي تبيك]

السلام عليكم ..
اليووم رتبت جدوولي وحابه استشيركم فيه ..
1- مبادىءالمحاسبة مع نهال الجندي ..
2- ادارة خدمات صحيه مع نرفانا غيث ..
3- سياسه عامه وصناعه قرار مع خديجه الحربي ..
4- وكمان بضيف سلوك تنظيمي مع عنود سبعان بس الشعب قفلت فـ بروح الجامعه واضيفها ..
5- وكنت بضيف تنمية موارد بشريه بس ماطلع لحد الحين اسم الاستاذه وانا الاحظ اذا مانزلو اسم الاستاذه راح تكون الماده مع استاذ وصراحه شوفت في المنتدى البنات مايمدحو الماده مع استاذ وهيا كمان مرا دسمه ,, فبضيف بدالها مبادئ قانون مع امل محمد شلبي خضرجي ..
ايش رايكم ؟؟

[naoosa]

سلام عليكم يابنات ياريت اللي خلصت المستوى الرابع تفيدني بالمواد اللي اضيفها والاساتده لكل ماده وشكررررا اختكم فالله

[naoosa]

افيدوني يابنات ابغى اعرف افضل دكتوره للمواد التاليه لاني في السنترا والله يعين يارب
1- محاسبه حكوميه
2- قانون اداري
3- اخلاقيات العمل
4-الثقافه 2
5- نظرية التنظيم
6- ادارة الخدمة المدنيه

[الحربية999]

نظم معلومات ادارية مع استاذه حياة

ملزمة ولاكتاب وادا كتاب ايش اسمه اللي تعرف تفيدنا