Foundation course ~

[بني آدمية]

يا عسل أنا إن شاء الله بسجل .. بس عندي سؤال .. هل لازم أحضر بنفسي ولا ممكن أوكل أحد إنو يسجل عني ؟؟
وهل ممكن لطالبة ح تحول إن شاء الله من جامعة الملك عبد العزيز لجامعة ثانية إنها تدخل الدورة؟؟ (علما بأنها داخلة سنة ثانية إن شاء الله) .. وهيه إتسكنت في كليه الحاسبات .. ولسا ما سحبت ملفها (بس راحت للجامعة الثانية وقالولها إن شاء الله نقدر نقبلك أسنان لأنو معدلها لا بأس به ولله الحمد).
لأنو صحبتي تحتاج الدورة دي بما إنها ح تحول أسنان إن شاء الله, وأنا أبا أسجل وأسجلها معايا إذا ينفع..
شكرا مقدما يا عسل

[Ro7a]

المشاركة الأصلية كتبت بواسطة بني آدمية يا عسل أنا إن شاء الله بسجل .. بس عندي سؤال .. هل لازم أحضر بنفسي ولا ممكن أوكل أحد إنو يسجل عني ؟؟ وهل ممكن لطالبة ح تحول إن شاء الله من جامعة الملك عبد العزيز لجامعة ثانية إنها تدخل الدورة؟؟ (علما بأنها داخلة سنة ثانية إن شاء الله) .. وهيه إتسكنت في كليه الحاسبات .. ولسا ما سحبت ملفها لأنو صحبتي تحتاج الدورة دي, وأنا أبا أسجل وأسجلها معايا إذا ينفع.. شكرا مقدما يا عسل

طبعا يادكتورة يا حلوة
أهلا بيك وبصحبتك وبكل الي يحب يسجل
الدورة مو مقتصره على طالبات وطلاب جامعه الملك عبدالعزيز
يعني اي احد محتاج للدورة وحابب يسجل اكيد مرحب بيه
الغرض انو الكل يستفيد
وعن سؤالك
مو مشكلة اذا ارسلت احد يسجلك سواء عندنا قسم البنات او حتى الاولاد
ويلا بالتوفيق

[mohammed 2015]

طيب ينفع نسجل من التليفون؟؟

[Ro7a]

المشاركة الأصلية كتبت بواسطة mohammed 2015 طيب ينفع نسجل من التليفون؟؟

هادا الشي ممكن في حالة انك خارج جدة وحابب تلاقي مكان
بس لازم بمجرد تواجدك في جدة تروح بنفسك عشان تاكد تسجيلك

[J-14]

والله حسافه وقهر ماأقدر اسجل لاني بتبوك
ان شاء الله الدكتورات مايقصرن

[{ رآئحــة الم ــزن ..~]

معليش خطر في بالي كوزشن
سبت واثنين واربعاء .. من الساعة 11-1 في الكليات الصحية للطالبات - مبنى 3 - بوابة شرقية طب
تيب مبنى 3 .. الدور كم ؟؟ ورقم الغرفة كم ؟؟

[M!ss Mojy]

المشاركة الأصلية كتبت بواسطة { رآئحــة الم ــزن ..~ معليش خطر في بالي كوزشن سبت واثنين واربعاء .. من الساعة 11-1 في الكليات الصحية للطالبات - مبنى 3 - بوابة شرقية طب تيب مبنى 3 .. الدور كم ؟؟ ورقم الغرفة كم ؟؟

شوفي ياحلوة مبنى 3 هذا مبنى انشطة يعني ( مكتبة خوارزم - مركز تصوير اوراق - نادي رياضي - استراحة للحفلات - كفتيريا و و و ) << احمسكم

يعني انتي اول ماتدخلي مبنى 3
راح تلاقي طاولات وحدة منهم حتكون جالسة فيها سماح نوار مسؤولة التسجيل

يعني ان شاء الله حتلاقوها بسرعة ~

[{ رآئحــة الم ــزن ..~]

اهاااا الله يسعد قلبك ياعسل ^^!
شكلي بسنتر عند ذا المبنى مدام فيه حركات خطنطرة مثل كذا ~> يالتفكير

[بني آدمية]

شـكرا يا عسـل على الجـوااب ..
وإن شاء الله يوم السبت أسجل نفسي وصحبتي معايا ..
بالتـوفيق للجميع
والله يجزاكم خير ويزيدكم بالعلم والدين

[E.T.K]

يسلموووو ع الدورة ومررة شوكرن ..

ماجوورين ان شاء الله ..