تجمع ( الطالبات) و تبادل المعلومات بخصوص الدكتورات ^_^

[Eman B]

بناااات بلييييييززز أحد يفيدنا و يقلنا استاذه مها نور ولي كيف شرحهاااا ؟؟؟؟

[حُمرة الورد..!]

بنات بسألكم مين احسن دكتوره في الفيز والماث

وايش رايكم بالدكتوره هدى افندي للماث

[حُمرة الورد..!]

المشاركة الأصلية كتبت بواسطة حُمرة الورد..! بنات بسألكم مين احسن دكتوره في الفيز والماث وايش رايكم بالدكتوره هدى افندي للماث

اممم اعطوني ارائكم عن الاستاذه هدى .. انتظركم بنوتات

انا بتكلم عن الاستاذات الي درسوني من وجهة نظري يعني يمكن تجي وحده وتختلف معايا في وجهة النظر المهم

احصاء | نهله عبدالجبار

رائعه رائعه رآئعه

تشرح حبه حبه وتفهمك وعادي لوسألتيها تعيد وتزيد اهم شي تكوني فاهمه

ومتعاونه جدا يعني لو تروحيلها المكتب تساعدك وماتقول لا الا اذا عندها شي ضروري

بس هذا يعتمد ع البنت الي تجتهد معاها يعني خوذي الدرس منها واكتبي كل شي لو تقدريه حتى الامثله الي تقولها بتفيدك وكمان تقرا التعاريف احيانا بعد ماتشرحها وتقول معاني الكلمات

الحضور والغياب مو مره تهتم يعني تمرر الورقه ع البنات

يعني تشدي حيلك معاها وتدرسي كويس تجيبي الفل ماارك

احياء | احلام الاحمدي

من وجهة نظري الاحياء حفظ اوكي تفهمي مع الاستاذه حلو لكن كثير ممكن يتبخر اذا مو اول بأول رجعتي تذاكري ..

استاذه احلام شرحها كويس وطيوبه صراحه ومتعاونه

اما الحظور والغياب يهمها جداا يعني تنادي بالأسماء وحده وحده

كيمياء | الهام باعيسى

الكيمياء وما ادراك مالكيمياء

بصراحه انا ماكنت افهم معاها جيد يعني يمكن اخرج بفهم ٢٠٪ والله والباقي بفضل الله ثم الدكتوره ليلى

هيا سريعه وكمان ماترجم المصطلحات الي تكون جديده علينا وماتشرح كل شي في المنهج
يعني فيه اشيآء كثير لما اجي اذاكر كنت انصدم انو هذه الاشساء مانشرحت وانا متأكدده

فالي تروح عندها انصحها لاتعتمد ميه بالميه على شرحها وتعتقد بس هذ الي داخل معانا لا نصيحه والله نزلوا سلايدات الدكتوره ليلى واعتبروها مرجع مهم مع الكتاب يرتب افكاركم وتعرفوا ايش الي معاكم وايش الي لا خصوصا للي لغتهم مو مرا ممتازه

وكمان انصحكم بهذ الشي من اول كلاس عشان الاختبار الول ماتتفأجأو

وبالنسبه للحضور والغياب عندها فالبدايه تكون تنادي بالاسماء بس بعدين بعد فتره من المحاضرات ماصارت تحضر

وهذه كل معلوماتى اتمنى افدتكم

ومانسوش تفيدوني

[رسـ الورد ـيل]

معقـــــــــــــــــــــــــــــــوله

مافيــــــــــــــــــــــــــــه ولا وحــــــــــــــده تعرف

الأستاذه / ناهــــــــــــــــــد حجره

حقـــــــــــــت الأحياء




بنــــــــــــات بليـــــــــــــــــــز لوتعرفون اي حاجه عنها قولو لي

[*Sonador*]

السلااااام عليكم
حااابة اقلكم على استااااذات خطة أ اللي جربتهم
بالنسبة للماث جربت استااااذتين هالة آشي وأريج الحربي
وبااقي الاستااذات جربتهم في السكاااشن زي غااادة مطر وصرااحة كلهم شرحهم مرة حلو
بس أريج مو قد كده

اما الفيزياء : وفاء الخطيب > روعة الاستاااذة دي واصلا هيا المسؤولة عن قسم الفيزياء
ومرة ماتضجر من البنات مع انهم يسألوها اسئلة تكون جاوبت عليها قبل كده
وتترجم كل كلمة تبيها وسمعت كمااان عن سناء أباظة

بالنسبة للاتصال انا استاذتي كانت غيداء الجويسر
والحاااسب كانت حليمة سمرا
وكلهم طيبين ومرة يتعاااونوا معااكي

بالنسبة للأحياء انا عند أحلاام الأحمدي

[SoOoma~]

بناات .. استاذة مها محمد في المااث ..كييف شرحهاا؟؟

و مبنى 32 التووحفه ذاا فينوو؟؟

[*Sonador*]

المشاركة الأصلية كتبت بواسطة soooma~ بناات .. استاذة مها محمد في المااث ..كييف شرحهاا؟؟ و مبنى 32 التووحفه ذاا فينوو؟؟

المبنى هادا تلااااقيه قداام مبنى 7 على طول صغييير نسبيا

[THE HILL]

انا عند سحرر اللي تعرف عنها تقولي << كتبت سحر مفتي في النت طلعلي فتاوى السحر ^^


ياقلبي مبنى 32 قداام 7 ع طوول يعني ما تحتاجي تمشي البوابه قدام البوابه ^__^

[rnoosh]

بنوتات انا كمان نزلت الرياضيات عند سحر مفتي بس مالقيت احد يفيدني او يقلي عنها اي شى ياليت الي تعرفها تقولنا كيف شرحها واسلوبها

[إتحادية ونص]

بقول لكم على استاذاتي في خطة أ


ماث / ريم الضبيبان

إنسانة ماحبيتها ولا كرهتها .. تحب الهرج أكثر من الشرح .. وبعدين تقول مافي وقت نخلص المنهج

تطول في شرح توافه والاستعباط مع حركات البنات ..

ولما يسألوها بنات اسئلة جامدة تصرفهم وتقول ابحثوا بنفسكم ..

جلست طول الترم تطمنا انه الاسئلة سهلة والبونس مضمون وان لو جبتي مثلا 94 تحطها 95 ولو جبتي 79 تخليها 80


وزي كدا .. يعني لو بقي لك درجة على معدل معين ترفعك هي ..

وماشفنا الشي دا ولا كمان انكرته لما سألتها بنت عليه

ولا ازيدكم من الشعر بيت .. قالت لنا قبل النهائي .. الاسئلة فوق مستوى عقولكم ..

ولما احد يروح لها المكتب ماتفتح له الباب والله مرات تفتح وتقفل في وجهنا .. حركة مرة بايخة

الكل في البداية حبها .. الا انها ماهضمتها .. وعالنهاية الكل انقرص منها

غيري اعجبتهم .. بس انا ماعجبتني

ويمكن تجي وحدة وتقول غير كلامي .. كل وحدة ونظرتها ..


المميز فيها إنها ماتحضر ولا تأخذ حضور وغياب



فيزياء / خديجة سعيد

انا من اول محاضرة شرحتها لنا حولت من عندها .. مافهمت معاها ابدا .. وباردة جدا ..

في بنات يفهموا معاها بس ابدا مو كتير .. والكل يتفق انها باردة ومملة محاضرتها حقت لعب ونوم

والتحضير عندها مهم .. تنادي على الاسماء وحدة وحدة

عالعموم الفيزياء من ملخصات اشرف بركات اضمن لك الفل مارك حتى لو إنك عند اسوأ استاذة



حاسب / هند بيطار

الحضور والغياب مهم عندها .. بعد ربع ساعة او عشر دقايق تأخير ترضى تدخلك لكن تحسبك غياب

الحاسب شرحه عادي مادة مايحتاج لها .. يعني مو مهم انه تفهم أو لأ


اتصال/ سارة الشهري
هذه تغيب لك اسابيع وتجي في يوم تعطيكي محاضرة باب كامل .. احلى شي ..


لانه المنهج كله كلام ودش مكرر فمايحتاج فهم .. كنا بالاسابيع تتأجل المحاضرات حممماس


الحضور والغياب مهم عندها