هنا نستقبل استفسارات العلاج الطبيعي

[Eiman]

السلام عليككم ..
يعطيكم العافية على الموضوع !!

انا بصراحة حبيت اسأل انا دخلوني علوم وقالو لي اقدر احول علاج طبيعي ..
بس حبيت اسأل شنو القسم اللي ادخله عشان اقدر احول منه علاج طبيعي ..
وكم المعدل اللي احتاج أجيبه عشان احول ؟؟


مشكورين واسسفه على الاطالةة ..

[عذبة الأطبآع ..~]

تقدري تحولي من كلية العلوم ل الكليات الصحيه ،، ومآفي قسم محدد ،،

المعدل لآزم يكككون عآآآآلي فوق الـ 4.5
وجيبي اعلى عششآن تضمني التحويل ،،


والله يوفقك ،،

[bayan sait]

المشاركة الأصلية كتبت بواسطة obroo0 مشكوره اختي على دا الموضوع ^_^

العفو حبيبتي
ما يحتاج دا واجبنا
نحن هنا لجواب اي تساؤل يجي في بالكم :-)

[bayan sait]

المشاركة الأصلية كتبت بواسطة dr.wonderful ينفع احول من التمريض للعلاج بعد شهر من الدراسه؟

اختي اذا انتي حابة تدرسي علاج قدمي تحويل في شؤون كليتنا من الاسبوع الاول
ما يحتاج تستني شهر

[باسلامة]

المشاركة الأصلية كتبت بواسطة z.r يسعدلي صباحكم عندي كم سؤال ؟؟ * اول شيء بالنسبه لـ الاستمارهـ اللي حنعبيها عشان نحدد التخصص كيف حيكون طريقة الفرز ؟؟ ومين حيكون له الاولويه ؟؟ * ايش حيكون للون السكراب ؟؟ * وفين المبنى بالزبط ؟؟ > هوا اللي جنب كلية السياحه ولا غيروو مكانه ؟ آسف على الاطاله ... ومشكورين على مجهودكم

أهلا وسهلا بك يا حبيبي ونورت القسم

بالنسبة للفرز هما عادة يختارو لك أول رغبة

المبنى اللي هوا جنب معهد السياحة

ولون الاسكرب تركواز ( فيروزي )

زي لون هذا >>>>

وإذا في أي سؤال نحنا موجودين

وأشكر الأخت بيان على فتحها هذا الموضوع

[z.r]

السلام عليكم ,,,
شكرا على ردوودكم ..
عندي سؤالين ومجرد رأي بسيط ..
* لو عبينا الاستمارهـ يوم السبت متى حينزل التخصص لنا ؟؟
* دحين سمعت انهم حيزودو العلاج الطبيعي سنه ويتخرج الطالب/ـة دكتور بدلا من اخصائي ما ادري ايش اصحية دا الكلام ؟؟ "يارب يكون صحيح " ولوو اتخرجت اخصائي ايش حيكون المسمى الوظيفي بالانجليزي لو سمحتوو ؟؟

....
عندي رأي بسيط انو مع تعاون كلية العلوم الطبيه التطبيقيه نقدر نسوي دورهـ تخص التخصصات اللي بالكليه لانوو انا دخلت الدورهـ اللي بيسوها طلاب الطب واغلب كلامهم انوو ما تفيد كليتنا لانو كليتنا دكاترتها غير وكمان نفس المنهج ما ناخذو بكثافه زيهم اتمنى تنعرض الفكرهـ دي منكم لانكم اقدم مننا وتقدرو تفيدوننا اكثر ومن طرفي انا كمان بحاول انو اقدر اكلم الكلية ونتعاون مع بعض ...
" تراا الفكرهـ حتفيدكم كثير لانو حتكونو انتو منظمين الدورهـ وتقدروو تحطوها بالسي في حقكم لما تقدمو على الوظيفه "

[حمودي المالكي]

ياجماعة انا حضرت دورة teach me medicine كانت دورة لطلاب الطب بس صراحة فادتني بمعلومات طبية بس ما ادري ادا حتفيدني بالدراسة لأنو مره يقولوا المواد مشتركة ومره يقولوا تختلف ياليت واحد من الشباب يساعدنا
يعني مثل الاناتومي حيكون تشريح على جثث او نكتفى بدراسة هياكل؟؟؟؟
فيه حيكون لابات نروح فيها ونشتغل او كلو نظري؟؟
بنتعلم كيف نسحب دم نشخص المريض نقيس حرارة ضغط او احنا مجال عملنا غير ؟؟
وغيره كثيييييييييييييييييير من الاسئلة بس هادي اللي عندي
جزاكم الله خير

[bayan sait]

المشاركة الأصلية كتبت بواسطة z.r السلام عليكم ,,, شكرا على ردوودكم .. عندي سؤالين ومجرد رأي بسيط .. * لو عبينا الاستمارهـ يوم السبت متى حينزل التخصص لنا ؟؟ * دحين سمعت انهم حيزودو العلاج الطبيعي سنه ويتخرج الطالب/ـة دكتور بدلا من اخصائي ما ادري ايش اصحية دا الكلام ؟؟ "يارب يكون صحيح " ولوو اتخرجت اخصائي ايش حيكون المسمى الوظيفي بالانجليزي لو سمحتوو ؟؟ .... عندي رأي بسيط انو مع تعاون كلية العلوم الطبيه التطبيقيه نقدر نسوي دورهـ تخص التخصصات اللي بالكليه لانوو انا دخلت الدورهـ اللي بيسوها طلاب الطب واغلب كلامهم انوو ما تفيد كليتنا لانو كليتنا دكاترتها غير وكمان نفس المنهج ما ناخذو بكثافه زيهم اتمنى تنعرض الفكرهـ دي منكم لانكم اقدم مننا وتقدرو تفيدوننا اكثر ومن طرفي انا كمان بحاول انو اقدر اكلم الكلية ونتعاون مع بعض ... " تراا الفكرهـ حتفيدكم كثير لانو حتكونو انتو منظمين الدورهـ وتقدروو تحطوها بالسي في حقكم لما تقدمو على الوظيفه "

و عليكم السلام ورحمة الله و بركاته
العفو

نحن البنات يومين بالكتير و نلاقي التخصص نزل لنا ان شالله انتو كمان

انت تقصد درجة ال DPT -doctor of physical therapy
دكتوراه اكلينيكية في العلاج الطبيعي تدرس 7 سنوات و تتخرج بمسمى دكتور علاج طبيعي بس للاسف جامعتنا لسا ما طبقوه وقالولنا قاعدين يدرسوا الموضوع ان شالله يطبق قريبا و الاهم انه يُعتمد من وزارة الصحة


فكرتك حلوة و حيستفيدوا منها اكيد
حالياً في دورة teach me medicine للبنات متواجدين نحن بنات العلوم الطبية باقسامها الخمسة لاجابة اي استفسار و تساؤل من بنات دفعة 12 و ان شالله يستفيدوا مننا

[bayan sait]

المشاركة الأصلية كتبت بواسطة حمودي المالكي ياجماعة انا حضرت دورة teach me medicine كانت دورة لطلاب الطب بس صراحة فادتني بمعلومات طبية بس ما ادري ادا حتفيدني بالدراسة لأنو مره يقولوا المواد مشتركة ومره يقولوا تختلف ياليت واحد من الشباب يساعدنا يعني مثل الاناتومي حيكون تشريح على جثث او نكتفى بدراسة هياكل؟؟؟؟ فيه حيكون لابات نروح فيها ونشتغل او كلو نظري؟؟ بنتعلم كيف نسحب دم نشخص المريض نقيس حرارة ضغط او احنا مجال عملنا غير ؟؟ وغيره كثيييييييييييييييييير من الاسئلة بس هادي اللي عندي جزاكم الله خير

اهلا و سهلا
ايوا نحن ندرس ثلاث مواد مشتركة مع الطب اللي (التشريح - الكيمياء الحيوية- علم وظائف الاعضاء ) و ان شالله حتفيدك المعلومات اللي اتعلمتها من الدورة في دراستك

الاناتومي حتكون الدراسة على جثث حقيقية و حتنزلوا المشرحة و تاخذوا العملي هناك

لا محا تدرسوا سحب الدم و قياس الحرارة بس نحن السنة اللي فاتت اخذنا قياس الضغط في الفيسيولجي -عملي-

و عادي حياك اسألنا اي سؤال يجي في بالك ونحن موجودين

[bayan sait]

المشاركة الأصلية كتبت بواسطة باسلامة أهلا وسهلا بك يا حبيبي ونورت القسم بالنسبة للفرز هما عادة يختارو لك أول رغبة المبنى اللي هوا جنب معهد السياحة ولون الاسكرب تركواز ( فيروزي ) زي لون هذا >>>> وإذا في أي سؤال نحنا موجودين وأشكر الأخت بيان على فتحها هذا الموضوع

العفو باسلامة
و شكرا لك