انا أكــرهـ كـل قبيــلي !!!!!

[Super Linux]

المشاركة الأصلية كتبت بواسطة قاهر المتكبرين أخ سوبر تصدق 99% من ردودك تغيظني وأخالفك فيها بقوووة .. لكن عاد المنتدى يعرفني ما أحب النقاش :) وأتابع بصمت إلا لو كفرنت عالآخر ههههههههه يكون ردي بكلمتين ومع السلامة .. لكن الحق يقال في ردك الآخر دا أوافقك كثيراً :)

هههههههههه اما الي شايل علي ياحلو اذا ماعجبك ردي اقتبس وقول الي في خاطرك وخذ راحتك للاخر :) بس لاتكفرن تكفه هههههه

شوكرا ياباشا والحضر ع راسي من فوق حبايبنا ولله

والله يسعدك

[سكون الورد k.a.u]

المشاركة الأصلية كتبت بواسطة super linux هههههههههه اما الي شايل علي ياحلو اذا ماعجبك ردي اقتبس وقول الي في خاطرك وخذ راحتك للاخر :) بس لاتكفرن تكفه هههههه شوكرا ياباشا والحضر ع راسي من فوق حبايبنا ولله والله يسعدك

تعجبني الدبلوماسيه بكل الاحوال ..

شاكره لولد العم مروره الكريم ..

دمتم بود

[سكون الورد k.a.u]

المشاركة الأصلية كتبت بواسطة قاهر المتكبرين إلهام أنا كمان سوري على انفعالي والله يكملك بأخلاقك يارب .. وأتمنى تفكري أكثر من مرة وتراجعي كلامك قبل ما تعتمدي الرد في المرات القادمة :) أخ سوبر تصدق 99% من ردودك تغيظني وأخالفك فيها بقوووة .. لكن عاد المنتدى يعرفني ما أحب النقاش :) وأتابع بصمت إلا لو كفرنت عالآخر ههههههههه يكون ردي بكلمتين ومع السلامة .. لكن الحق يقال في ردك الآخر دا أوافقك كثيراً :)

قاااهر .. يهمني اقرأ رأيك بهذا الصدد ..

ثقافتك تعجبني .. ووجودك بمواضيعي ايضاً ..

اتمنى تعطينا رأيك بالوضع اللي صاير عندنا ، واتوقع ديانتك اللي تجمعنا معك تجبرك انك تقول الحق وتخلينا نستفيد منك ..

دمتم بود

[موفقة يارب]

.. ممم عندي إضـآآآفة بسيطة ^^

,, على حكاية الانفتـآح بالنسبة للحضرية و كشف الوجهـ و كدآ

.. في حضريااات بيغطوا و يلبسوا النقااب و ممكن عباية ع الراس كمـآن (=

.. و في المقاابل في قبيليات بيكشفوا الوجـهـ او يتنقبوا مع فل ميك اب للعيون ^^

.. يعني مو قااعدة ثابتة انو الحضرية منفتحة وتكشف

و القبيلية منغلقة على نفسها و تغطي ..

.. وطبعًا مو الكل كدآآآ ..

من كل فئة من النـآآس في الكويس وفي البطـآآل ~

.. دآ رأيي الشخصي واللي شايفتو بعيني ^^

.. عشاان لحد يجي يزعل و للا يعصب

[احلى ما بالكون]

يعني ذا الموضوع بكبره والناس بتتهاوش في رمضان ميشان ان الموضوع انا اكره قبيلي
طيب حابه انوه على حاجه انه الموضوع ذا كله بسبب انها ماتتزوج قبيلي سوري تفكيرها منحط
يعني لو اتزوجها حضري ماحتكره قبيلي ياليت الواحده ماياخذ الموضوع على تفكير ذا واذا ماتزوجت قبيلي تقهر نفسها ؟؟ اللي مايبغاني مااحرق نفسي ميشانه وانا قبيليه وماعمري افكر بذا الاسلوب والله لايذلني لاحد وجهة نظري لاكثر

[كرزه...]

المشاركة الأصلية كتبت بواسطة super linux وعليكم السلام ورحمة الله وبركاته اختي سكون راح اوصلك الفكره بأسلوب مبسط ومختصر الله يطول عمرك وياليت ياجماعه نبطل مشاكل الليلة 27 وعشر اواخر ومضاربات !! قاهر ياقلبي صلى ع النبي فديتك وقول اعوذ بالله من الشيطان الرجيم 1- دائما القبيلي يفضل قبيليه لان العادات والتقاليد متشابها بينهم وغالبا القبيليات متشددين وحجاب كامل وماترفع صوتها عند الرجال وتعتمد على رجالها اعتماد كلي في جميع امورها الدنيويه . لحد يجي يقول وش قصدك يعني الحضر خاربينها انا اتكلم عن العادات مو الاخلاق كلهن متربيات وبنات ناس 2- الحضريه فيها شوية انفتاح من ناحية الحجاب ولو تشوفها كيف تتعامل مع الي يبيعو تحس انها رجال يعني تكاسر ومايسير يامحمد بالله راعينا فهمتوني كيف مع انها قمة في الاخلاق وتحس انهم يعاملو اي احد كانه من العائله يعني لمن يسير لك موقف في السوق مع حضريه تحس انها اختك تقول عادي حصل خير وكذا بعكس القبيليه بتاكلك بعيونها وياويلك لو ابوها ولا اخوها معاها خخخ فصعب تجي انت يالبدوي المتشدد تقبل بحضريه منفتحه مافي توافق ومشاكل الاخلاق اوكي لكن العادات راح يتعب منها البدوي وهي راح تتعب معاه والعكس كذلك ليه دايم نسمع انه اهم شي الزوج والزوجه يكونو متفاهمين مستحيل تجيب واحد متشدد تبيه يتعود على منفتح هذا وصلى الله على اشرف الانبياء والمرسلين حبينا وقدوتنا محمد عليه افضل الصلاة واتم التسليم

ممكن كلامك يكون فيه صحيح من ناحية ان البيئات مختلفه وصعب يتفاهمو
لكن انت حسستني البنت القبليه ملاآآآآآك اش الي ماترفع صوتها على الرجال ومتشدده وحاجااب كامل ..حجاب كامل ؟؟ تضحكوا على نفسكم انتوا مو كل القبايل كدا بلا كلام فاضي هذه اعذار .. كل بنت على حسب تربيتها المسأله مسألة عادات وتقاليد وتعقيد قد تكون البيئات مختلفه فقط هذا السبب..وانتوا فاهمين الي مو قبليه بس تكون حضرية تكشف وجهها ومنفتحه يعني فيه كثيير بدو ومن نفس العادات لكن مو قبلين ..ومع ذلك القبلي مايتزوج منهم ممكن تقولي اش السسب في دي الحاله برأيك ؟؟

[عموريAHLI]

الحمد لله انا حضري وكثير من اصحابي قبيليين ومالقيت منهم الا كل خير

واذا اساؤو ليا تكون اساءاتهم بطريق المزح يعني نتقبلها على بعض

من ناحية الزواج , انا أشوف ان صرنا متعايشين مع بعض واكثر تفاهم وانسجام خصوصاً في المدن الكبيرة , ومافيه حرج لو قبيلي اخد من حضري او العكس , عندنا قبيليين اخدو من عندنا , وأخويا اتزوج قبيلية , فأنا اشوف الموضوع صار عادي وطبيعي جداً

لكن المفهوم هذا ماننكر انه مازال موجود ويطبق فالواقع واعتقد انه هو السائد في بعض المناطق والمدن













.

[صمتي شموخ]

فعلاً فيي اختلاف بينا وبينهم باالعادات والتقاليد .
اعرف وحدة متزوجة من واحد مو قبيلي ، تعبانة معاه لانه مايعرف عادات وتقاليد اهلها وقد ما قالتله يطنش لانه ما تربى على هذي العادات والتقاليد ، وهذا يسببلها حرج مع اهلها واقاربها.

[Majed7]

أنا أتوقع الموضوع فيه تعصب لو كانت البنت والولد من نفس القبيله ..

لكن أشوف لو إن التقدم كان لبنت من خارج القبيله - فالـ قبيلي والحضري - سواسية في هذي اللحظه :) ..

المهم نحنا حضر وقبيلتنا الله بالخير لو نجمعهم ما وصلوا 5 آلاف نفر .. وبصراحه ما عمري شلت هم شيء لأن الحمد لله نقدر نتقدم للي نبغى .. وجميع القبايل تقدموا لبناتنا وتزوجوا مننا وتزوجنا منهم ..




الله يعين يا رب وتتغير نظرة صاحبتك لهالموضوع :) ..

[الدُنيا مدرسة]

صباحكوم فل ويسمين ورضا من رب العالمين

أول شيء وعليكم السلام ورحمة الله وبركاته~~
الموضوع غريب وعجيب شويتين :)
مممم برأيي تكلمتوا عن القضية بما يكفي~
وفيه ردود واضحة ومابعدها تعقيب زي رد الأخ الفيصل مثلا
وردود مدعمة بقصص زي الأخت رهف بجد ماقصرت كلامها كله ذوووق وما غلطت على أحد
لللأمانه أنا ماحبيت كلمة طرش اللي كتبتها الأخت
والحقيقة الحضري والقبيلي كلهم فيهم خير لو فكروا تفكير منطقي بعيد عن العنصرية~
الموضوع هذا انفتح مرة في محاضرة لمادة الإقناع ومن بين الجمهور كانت فيه بنوته بتحكي قصتها
وأنا سامعتها شخصيــاً..
بتقول انها قبيليه بس والدتها من مكة ماهي قبيلية.. حلو؟
أبوها الحين يرفض إنو يزوج بناته لأحد غير قبيلي!!
وبالمقابل ولده متزوج بنت برضو غير قبيلية!!
برأيكم الهرجة مو فيها إن؟!!
يعني ليش الأب يرضى يتزوج ويزوِّج أولادة من غير قبيلية ومايبغى لبناته إلا القبيلي؟؟
الموضوع هنا راجع للأب وتفكيره
يعني بكذا لا بنات القبايل بيقبلوا أبائهم يزوجونهم بغير القبليين ولا أولاد غير القبليين بيتزوجوا من بنات القبايل !!
يعني القضية هنا يشترك فيها أكثر من طرف...

.. ربنا يبآرك في الكل .. عن أذنكم حطوا السحور ههههه أعتقد أهم من القرقره~