تجمع للمتقدمين والمتقدمات للدراسات العليا لعام 1432 - 1433 هـ

[فتاة العصر]

مبسوووووطة من جد من هذا التعاون في المساعدة والعفو للجميع

وبالنسبة للسيرة الذاتية ياطموحة اصبحت مطلوبة الان ومطلب اساسي ترفقيها وباللغة العربية فقط وبالعكس هذه تعتبر دعم لكي في المفاضلة خصوصا لو كنتي واخدة دورات حلوة ومفيدة في مجال تخصصك ترفع درجتك من بين المتقدمين والمتقدمات

وبالنسبة للتسجيل اصبروا شوية اللي خلانا ننتظر كل ده ننتظر كمان شوي ممكن على المسا او بكرة بالكتييير
ربنا يسهلها للجميييييييييييييع

تحياتي

[Areej alrefai]

يااااااااااااارب صاحيه الصباح مفجوعه ع طول ع اللاب بأقدم وطلع مافي شئ <<<< خخخخخخخخخخخ

[فتاة العصر]

ههههه لاتخافي حبيتبي مابيفوتك شيء ،،، وكلنا عايشين نفس الاجواء واللاب توب صار هو مخدة الجميع وهما نايمين ههههههههه

باذن الله تبشرينا قريب

موفقة

[روح الخدمة]

طيب انا كمان ساعدوني الترم الثاني اول ترم ليا بماجستير علم اجتماع حابه استفيد من طالبات الماجستير عن الدكاتره والدراسه انا مو من جامعة الملك عبدالعزيز ومااعرف شي عنهم احتمال تنزلي هالمواد
جريمة وانحراف - وخدمة اجتماعية معاصره - والمجتمع السعودي - ودراسات سكانيه هل يفوتني شي لو ماضفت بالنت انتظر الين يداوموا واروح لهم
وحتى الاضافة بدت اليوم ودخلت على صفحتي مافي شي افيدوني الله يسعدكم ولاتبخلوا لو تعرفوا احد بعلم الاجتماع اتواصل معاه ....... تسلموا

[فـنتازيا]

السلام عليكم و رحمة الله بركاته ،

عندي استفسارات بسيطة :
- ممكن احد يحط رابط بوابة القبول ، ولا للآن مانزل الرابط بالموقع لاني مالقيتها ؟
- فيه امكانية اقدم في برنامجين مختلفة لتخصصين مختلفة وبعدين على حسب الموافقه ، ولا هذا ممكن يلغي التقديم ؟
- و الـ Cv ضروري نقدمه الان ؟
- متى يكون تقديم الأوراق للعماده ، تاريخ محدد من الموقع او كيف ؟

[ليل ودراسه]

- ممكن احد يحط رابط بوابة القبول ، ولا للآن مانزل الرابط بالموقع لاني مالقيتها ؟

http://graduatestudies.kau.edu.sa/co...g=AR&cid=99394

- فيه امكانية اقدم في برنامجين مختلفة لتخصصين مختلفة وبعدين على حسب الموافقه ، ولا هذا ممكن يلغي التقديم ؟

سمعت تلات رغبات بس انتظري وشوفي

- و الـ Cv ضروري نقدمه الان ؟

-

والله مابعرف

متى يكون تقديم الأوراق للعماده ، تاريخ محدد من الموقع او كيف ؟

دا رابط التقويم موضحه فيها كل شي

http://graduatestudies.kau.edu.sa/co...=AR&cid=100521

[نوف العلي]

السلام عليكم ورحمة الله وبركاته
في اقسام مايقبلوا غير خريجي القسم كيف اعرف الاقسام اللي تقبل من تخصصات اخرى

[جنون الطفولة]

المشاركة الأصلية كتبت بواسطة نوف العلي السلام عليكم ورحمة الله وبركاته في اقسام مايقبلوا غير خريجي القسم كيف اعرف الاقسام اللي تقبل من تخصصات اخرى

صح سؤال مهم ,. انا فكرت اقدم محاسبة بعدين اتذكرت صحبتي العام الماضي ,.
قدمت محاسبة ودخلت الاختبار وبعدين للاسف قالوا ما نقبل الا بكالريوس محاسبة ,.

راحت من عمرها سنة ع الفاضي

[جنون الطفولة]

بالنسبة لـ التقديم هو حسب مو كاتبين ومعلنين بيجلس لبداية شهر 5 ,.
يعني بيجلس التقديم مفتوح شهرين ,.

يعني وقت ما اقدم خلال الشهرين عادي صح ؟؟؟؟
ماهي باولوية ولا حاجة ؟؟؟

[فتاة العصر]

التقديم اتوضع الرابط فيه ياجماعة بس لسه مااتفعل اصبروا عليه شوية

وبالنسبة للتقديم اول ماتدخلي من بوابة القبول بتلاقي مربع مكتوب عليه انشاء طلب او تعديلة هو هذا

وبالنسبة للسيرة الذاتية نعم ضرورية وبتفيد في المفاضلة

وبخصوص تقديم الاوراق الأصلية بتكون بعد القبول النهائي باذن الله
والاهم هو تحضير صور من الاوراق المطلوبة بصيغة pdf

وبالنسبة للتقدم لأقسام مختلفة اذا كان من ضمن شروط القسم شهادة البكالرويوس في تخصص معين فهذه لايسمح بالتقدم لها الا من اصحاب التخصص اما القسم الغير محدد فهذا يمكن التقدم له ،، ولكن ايضا لايمكن التقديم بقسم علمي وانتي ادبي من كلية اداب مثلا مثل برنامج المحاسبة المهنية الخاص المدفوع لايمكن التقدم له الا من اصحاب بكالرويوس محاسبة ولايمكن لأصحاب تخصص رياضيات حسب خبرات ناس اعرفهم علشان لاتضيعوا وقتكوا وتقولوا قسمي متشابه معاه اقراوا شروط كل قسم تبغوه بتركييييييييييييز ياجماعة الله يرضى عليكوا

وانتبهوا ياجماعة في الارفاق علشان ماندري فيه امكانية تعديل او لاء ،، واللي يقدم ياريت يضع تجربته هنا ويوضح ايش صار معاه وفيه امكانية تعديل على الطلب او لاء

وبالنسبة للرغبات هناك 3 رغبات مابين العام والخاص

تحياتي