وظائف مكتب العمل الصيفيه برواتب من1500 الى 2000 ريال

[أنامل مبدعة]

‏ ‏ السلام عليكم ,, استاذ جيفارا

‏ ‏ بما اني طالبه ماستر ,, ماعندنا افاده نطبعها مختومه وجاهزه مثل طالبات البكالريوس ..

‏ ‏ بس عندي ورقه مختومه من عماده الدراسات العليا فيها رقمي الجامعي والتخصص اللي انقبلت فيه ,,, وايضا مكتوب حالة الطالبه : مستمره في الدراسه .....

‏ هل تتوقع تقبل مني كإفاده كونها مختومه ولا .. لازم نفس افاده طلبه البكالريوس ؟؟


‏ ‏ ..

[ليـــن]

المشاركة الأصلية كتبت بواسطة أنامل مبدعة ‏ ‏ السلام عليكم ,, استاذ جيفارا ‏ ‏ بما اني طالبه ماستر ,, ماعندنا افاده نطبعها مختومه وجاهزه مثل طالبات البكالريوس .. ‏ ‏ بس عندي ورقه مختومه من عماده الدراسات العليا فيها رقمي الجامعي والتخصص اللي انقبلت فيه ,,, وايضا مكتوب حالة الطالبه : مستمره في الدراسه ..... ‏ هل تتوقع تقبل مني كإفاده كونها مختومه ولا .. لازم نفس افاده طلبه البكالريوس ؟؟ ‏ ‏ ..

أعتذر من الأخ عودة جيفارا لتطفلي واجابتي على سؤال الاخت

عزيزتي لقد قمت قبل اسبوع بالذهاب الى عمادة الدراسات العليا ( الشؤون التعليميه ) عند الاستاذه الفاضله عبير

وقامت مشكورة بطباعة افادة لي موضحه مدة دراستي في الماجستير والساعات المكتسبه والمتبقيه

ولم يستغرق الامر سوى 5 دقائق فقط

وعلى العموم قد لاتحتاجين للافاده والاجابه الأكيده عند الأخ عودة جيفارا

موفقه

[عودة جيفارا]

اختي سعي ربي يبارك في عمرك ويرزقك الخير من حيث لا تحتسبي ...

مثل ما تفضلتي كل شركه لها دوامها ولكن الاغلبية دوام واحد لانه تدريب اكثر من انه وظيفه ...

بعدين لا يكون زميلتك تركت العمل لانهم قالوا لها نظفي !!

كنا بره نشتغل في مطاعم وننظف صحون ونستمتع ونضحك رغم اننا كنا اثرى شباب المقاطعة ..

ابكتني زميلتك ان كان قصدها شوفة نفس وكبر ... الثوار مجدين وجادين وبعزة و رؤسهم عالية ..

اممممم ....اجل اختاري الاقرب لحيكم وتأكدي انه غير مختلط وبيني هذه النقطة للموظفة ...

بس في نقطة اختي الكريمة ... ترى هالتدريب لاشغال وقتك لانها ما راح تحسب

في الخدمة المدنية لانها اقل من الساعات المعتمدة وممكن تراجعي نقاط مفاضلة الخدمة وشروطها ...

الله ييسر لك امرك واي خدمة انا حاضر والله وكثر الله من امثالك ...

طيبتي غلطة ... اول شيء لازم اكون قاسي عليكِ :) عمر الطيبه ماكانت غلطه :)

بلاش نخلط بين الطيبه والسذاجه طيب ... خلاص ارتاح قلبي :) مبادييء الثورية ابت السكوت :)

ممتد معاكِ التسجيل لين تنتهي كل استمارات العمل والتدريب ... ممكن يوم وممكن اسبوعين :) موفقة

اهلين دروب ... لما كتبتي اقول جيفارا حسيت اني انسحبت من رجلي :) ليش معصبه

طيب كان كملتي جميلك وكتبتي لنا اسم الشركة عشان نوجهك بعنوانها :)

قولي اسم المنشأة والعنوان زي ماهو مكتوب باستمارتك وابشري ... تحيتي

وعليكم السلام اختي انامل مبدعه ...

كافيه جداً و ان كنتِ شاب وجيتي عندي راح اعطيكِ استمارة وانتي تضحكي :)

بس يارب اخواتنا ما يعقدوها ... لانه للاسف في بلدنا هذه يتورط المراجع المسكين

لمزاج الموظف لاه للاسف مافي قانون او نظام يستند عليه ...

فشوفي ان بطريقك الجامعة خذي الافادة زي ماقالت لنا اختنا لين مشكورة

وان اقرب لك مكتب العمل روحي لهم اول لانه ما اعتقد احد يخاف الله ويعقدك

بسبب امر بسيط زي كده ... موفقة يارب

اختنا لين كل الشكر وبالعكس لا تطفل ولاشيء وكثر الله من امثالك مديتي يدك لنا

ونشكرك على نبالتك ...

قرأت اسمك تذكرت البنت الصغيرة اللي بطيور الجنة وانشودتها (انا لين)

فافكاري الثورية ما تقدر تخبي حاجة بنفسي وقلت لازم اقلك هههههه ... تحيتي

[دروووب]

^^ اعتذر يّ اخي الفآضل هههههههه

ضحكتني فعلا , اعتذر للمره الثانيه فعلا كانت الاخلاق مقفله لاني حسسسيت انه استغفال بشكل رهيب

اسم الشركه محآور الخليج وانا واختي سعي تم توجيهنا لهآ .. ولكن ماشاء الله عليها قدرت توصل للشركه المجهوله

المهم انه خيروها بين شيئين اما تشتغل ف مول وهالشغل اعتقد م يناسبنا او تشتغل بمكتب الشركه وهذا مو اكيد وبراتب 800 مع العلم انه الموظفه قالت لي انه راح تشتغلي بمكتب الشركه والراتب 1800

يعني ماادري الآلف وين طيروها

اقتبست م كان سيواجهني من اختي سعي بحكم انها راحت قبلي وانصدمت قبلي

: ) واعتذر للمره الآلف : )

[عودة جيفارا]

ههههههه ربي يسعدكم يارب وحصل خير وبرافو عليكم ما استسلمتوا ...

اجل انتن رفيقات ثورة :)

جميل جداً ان كان قصدك محاور الخليج لتسويق العمل الاجتماعي ...

ممكن الموظفة قصدها 1800 على مدى فترة التدريب اللي فترتها شهرين ...

برضه فين راحت ال200 .... :)

الشركة جديدة و محترمة مرجعها وزارتين قويتين يعني لا تخافوا يلعبوا عليكم ...

اهم شيء انه جنبكم ويريحكم وتستفيدوا منها فكافي جداً ... عسى ربي يوفقكم ...

اهاااااا يعني سعي اختك :) هههههه هذه دوبها اكتشفناها :)

بس لا يكون انتي زميلتها اللي تركت العمل ما تبغى تنظف :) ههههه .... تحيتي

[دروووب]

^^ ههههههههههه ي مال العافيه

ف الحقيقه انا انسانه ذكيه خخخ ف عرفتها هناك من خلال استماعي لكلامها وربطي بين سعي المنتدى وسعي اللي معي :d
وهي اختي بالاسلام ي اخي الفاضل :d

خخخخ لا لا انا مو صحبتها من زمان يعني صحبتها من اليوم :d

بعدين هم قالو لسعي انه مو اكيد يستدعوها تشتغل ف المكتب لانه عندهم اكتفآء , للآمآنه احتررت هل اروح للشركه يمكن انهم يقولولي غير اللي قالوه لسعي :d

يعني سالفة المول ذي مرفوضه رفضا قاطعا لا جدال فيه :d

اما بالنسبه لانها شركه محترمه , ماقدر اشههد لها

يعني انا اليوم كله وانا ااااتصل عليهم ولا ردوو ,, وحاطين عنوان غلط :S

وللحين مو عارفه سعي ماشاء الله كيف وصللت :d

ولآ الموظفه قآلت لي الرآتب 1800 وهما بيحددو معآكي لو شهر او اثنين .. يعني لو شهر بيعطوكي 1800 ولوشهرين زيها مرتين :d


عموما جوزيّت خيرآ , وفعلا مثل ما وحده قالت لي مكتب العمل اما تصيب واما تخيب , ماهي مضمونه ما استفدت منه إلآ معرفة سعي : )

[أنامل مبدعة]

جزاك الله خير .. عدت بإستفسار جديد ,


‏ ‏ هل الدورات تختلف عن الوظائف !

‏ يعني مايخيرونا بالموقع اللي نرغب ناخذ الدوره فيه ؟

‏ لاني اشوف كل البنات في موضوع آخر يتكلمون عن دورات سعودي اوجيه .. " يعني تكون الدوره في نفس سعودي اوجيه -المختلط ! - ؟ ولا في معاهد عاديه نختار موقعها حسب سكنناا بس قصدهم المشرف ع الدوره شركه اوجيه ! "


‏ وجزاك الله خير .

[sarah m]

حبيت استفسر في تقديم بكرا ولا لا

لان موقع الجامعة كان مقفل ولا قدرت اطبع الافادة للاسف ..؟؟

[عودة جيفارا]

اهاااااا ... من جد ... استفدتي معرفة سعي

ونشكر وزارة العمل على انها عرفتنا ببعض وخلتنا اخوة روحيين :)

بأمانة اللي قلك سواء موظفة او شابة انه مكتب العمل اما يصيب او يخيب

فمعناه غلط بحق دولة و وزارة كاملة بجهدها وتعبها ... بكلمة اهانهم والله ...

ليه احنا نلعب قمار في لاس فيغاس ولا نلعب شختك بختك وصندوق العجائب ...

مو معايه اننا شعب نحب نتشكى ونبكي اكثر من اننا نعمل ...

وفعلاً ما تقدري تحكمي على الشركة للان هل هم محترمين او لا لانك ما جربتيهم

وانا قلت انهم محترمين على حسب الارقام والسجلات اللي لهم عندنا ...

انا بصراحة مو عارف احط اللوم في بناتنا الغلابى ولا في موظفاتنا ولا في الشركات ...

عندنا الرجااااال غير ... والله نبكي ونحزن نلقى احد عاطل لاننا كنا في يوم زيهم

لانه بكرة النهار بزورتنا حيكونوا زيهم ... صح سووا حملة على ابو فلينه وسروال

لكن والله طلع قلبه اصيل ويبكي على اخيه ... فلتحيا الثورة

للاسف شعرت باحباط من كلامكم ... من كلامكن لا يجينا احد لغة عربية يزعل ...

ليه يادروووب ... في لحظة ضحكتيني وفي لحظة احبطتيني ... لكن الثورة لا تموت ... تحيتي

اختي انامل مبدعه حياكِ الله ...

سعودي اوجيه ان كان تدريب بتوظيف يعني عندهم وان كانت دورات فمعناها دورة

تاخذيها بمعهد منسقين معاهم وهم يدفعوا المبالغ عنكم ...

اغلب الشركات الكبيرة زي كده مثل البنوك والشركات العملاقه اللي راسمالها فوق المليار ...

تدرب مجموعه عندهم والبقية يرسلوهم لدورات مفيده وهم يدفعوا عن الطلبة ...

اتمنى وضحت الصورة اختي و كم تمنيت اخواتنا الموظفات يبينوا لكم كل اللي اقوله

لاني شايفكم حايسات للاسف ... معقولة ان المراة لا تجيد احترام المرأة ...

قالها سقراط من قرون معقولة كان صادق ... ليه لا ... تحيتي

اختي ساره ... والله ما يجاوبك احسن مني الا اللي راحوا اليوم ...

الرجااال لسه باقي لهم اسبوع كمان ...

تواصلت مع اخت موظفة وقالت لي باقي عندنا كثيييير والقى هنا انه اكتفاء ...

بصراحة مو عارف كيف اجمع بين القولين وما اتوقع احد له مصلحة يعطي معلومة خاطئة ...

نداء للاخوات اللي راحوا (النهارده) في امكانية ولا اكتفين البناااااات ... ردوا لاختكم ساره .. تحيتي

[أنامل مبدعة]

‏ الله يعطيك العافيه كفيت ووفيت ..

‏