نزول اسماء المرشحين لوظائف معيد ومحاضر بكلية الاقتصاد والادارة

[lamar2011]

اتوقع اقل من شهر

[عليا]

الله يعين ,,
على فكرة ماتعرفو ميين كانو الدكاتره الرجال اللي كانو بالمقابله >> قسم المحاسبة

[فردووس]

يا ريت نتجمع هنا

يمنع استخدتم المنتدى للأعلان عن منتديات اخرى

http://www.skaau.com/index.php?pageid=ruls

[م.عمر]

سألت الدكتور عمر نصيف عن عدد الوظائف قال حتى هوا ماهو متأكد لكن غالبا انها وظيفة وحده (يعني واحد محاضر وواحد معيد للرجال ومثله للنساء)
في كان طلاب راجعين من بعثات وماتوظفوا لهم كم شهر واتوقع والله اعلم انه الوظائف حتروح لهم بحكم اننا موظفين

[.,.نيــــــــــــــــــــران.,.]

^

مااتصور يستقبلوا هذا الكم الهائل من المرشحين عشان عدد واحد !!

عموما ان شاء الله تبشرونا بالقبول :)

[Google's Girl]

المشاركة الأصلية كتبت بواسطة م.عمر سألت الدكتور عمر نصيف عن عدد الوظائف قال حتى هوا ماهو متأكد لكن غالبا انها وظيفة وحده (يعني واحد محاضر وواحد معيد للرجال ومثله للنساء) في كان طلاب راجعين من بعثات وماتوظفوا لهم كم شهر واتوقع والله اعلم انه الوظائف حتروح لهم بحكم اننا موظفين

طيب اخوي عمر ما قلت لنا كيف كانت مقابلتك؟؟؟

و بعدين بالنسبه للمبتعثين كثيييير من البنات كانوا راجعين من بعثات و انا منهم بس بالمقابله مرررره ما كانوا متحمسين لنا بصراحه..
عالعموم الشغله ارزاق.. و رزقنا بيجينا بإذن الله.. و لو فيها خير عسى ربي يكتبها.. و اذا فيها شر الله يبعدها..
و الله يكتب اللي فيه الخير و الصالح..

[م.عمر]

ماقلت كيف المقابلة لأنه انتهت المقابلات على مااعتقد لقسم MIS
قلي تكلم عن نفسك وانا تكلمت بالعربي ماطلب اني اتكلم بالانجليزي بس قلي كيفك في الانجليزي قلتله جبت 88 من 120 في التوفل وماعندي مشكلة
بصراحه انا استلمت محور الحديث وجلست اتكلم عن دراستي وكم معدلي وفين اشتغلت في ال6 سنوات الماضية
ثم سألني سؤالين بس وهذا اللي كنت متخوف منه من دكتور عمر نصيف لانه درسنا قبل كذا ويحب التفاصيل الدقيقه مايحب البديهيات

ايش تعرف عن الBPR بصراحه ولا عرفت اختصار لايش قلتله طيب اختصار لايش عشان اتذكر
قلي اخذناه في المحاضرة (درست معاه المادة قبل سنه) والمفروض تكون عارفها
بعدين قلي business process reengineering
وسألني عن value chain
وبس ماكان فيه اسئلة ثانية
الواحد يحمد ربه انه في وظيفة كويسه لانه شفت غيري راجع من بعثات وجامعات امريكية وله 4 شهور وزيادة ماتوظف

[دعدوعة]

السلام عليكم ورحمة الله

أنا بفضل من الله تم ترشيحي وعملت المقابلة يوم الاربعاء الماضي وكانو في دكتورتين من قسم النساء
رئيسة قسم المحاسبة سلوى اعظم وفي دكتورة نهال الجندي واحيانا تدخل بدالها الدكتورة هيام (وهي كانت موجودة وقت مقابلتي)
ومن قسم الرجال كان موجود رئيس قسم المحاسبة الدكتور عبدالعال ابو خشبة والدكتور صالح السعد


الصراحة كانوا مررررة طيبين ورائعين ولكن كان الاسلوب المتبع اسلوب التشكيك كانوا يشككوا الطالبات في اجابتهم وكنت اجاوب وادخل في عينهم وانا مني متاكدة اذا جوابي صح او خطاء

من الاسئلة الي سالوني هيا:

اتكلمي عن نفسك؟
ايش اكثر مادة تحبيها؟
المحاسبة المالية

هل للمحاسبة المالية معايير؟
جاوبتهم ايوة لها معايير - طلعو قرووني قالوا متاكدة قلت لهم ايوة

عددي المعاير؟
قلت لهم معايير المخزون السلعي ومعايير القائم المالية الاولية والقوائم المالية الموحدة ومعايير الاصول الثابتة .....والخ

اين يوضع المخزون السلعي؟
في قائمة المركز المالي ضمن الاصول المتداولة

وسالوني ايش السياسة المتبعه في حساب المخزون السلعي؟
هنا انا اتقلب وجهي مني عارفه ايش الجواااب منجد بس قلت سعر التكلفة او السوق ايهما اقل

وايش راح يياثر على القائمة حسبنا المخزون السلعي غلظ؟
ليش تبي تصيري معيدة؟
ايش مهام المعيدة؟
ايش اخر معايير في المحاسبة المالية؟
من الجهة التي تصدر المعايير؟
ماهو معيار القيمة العادلة؟


وسالوني عند درجة في اللغة؟
قلت لهم اني اختبرت الاستيب وجبت 71 من 83 وهي تعادل 461في التوفل

ملاحظة الدرجة المطلوبة في التوفل 500 وهي تعادل 83 في الاستيب
انا مقدمة على وظيفة معيدة قسم محاسبة

الله يكتب لنا الي فيه الخير

[.,.نيــــــــــــــــــــران.,.]

^

حماس الوضع ><

الله يعينكم ويسهل لكم وشكرا لذكر الوضع في مقابلاتكم الشخصية وان شاء الله ربي يرزقكم من واسع فضله

[م.عمر]

ياساتر هذه كلها اسئلة!! وعلى الله يقبلوا الواحد بعد كذا
اول مره اعرف انه الكفايات من 83 سلامات
انا جبت 88 في التوفل يعني 570على النظام القديم يعني مافي درجة تعادلها في الكفايات!
اجل لاتعتبري لدرجة الكفايات لانه تصميم الدرجات غلط على كذا
للعلم التوفل اعلى درجة فيه 677 وفي الجامعات البريطانية والامريكية يطلب للدكتوراه غالبا 600 وبعض الجامعات 550
انا اختبرت كفايات بس مانزلت الدرجات الى الان بس اذا اعلى درجة 83 شكلي اقدم بدرجة التوفل مع انها قديمة قبل 4 سنوات

:: الدرجات المعادلة للدرجات المطلوبة في جميع الاختبارات البديلة:

:: الدرجات المعادلة للدرجات المطلوبة في جميع الاختبارات البديلة:

Toefl ielts gee step
400 3 400 52
450 4 450 67
500 5 500 83
550 6.5 550 غير متوفر حالياً