ضع إستفسآرك عن كليتنآ 2 (كيفية القبول - التحويل - إختيآر التخصص - مستقبل تخصصك)

[قصة غروب]

المشاركة الأصلية كتبت بواسطة noo0oola السلام عليكم لو سمحتو عندي استفسار : أنا الآن تحضيري( كلية العلوم الطبية) هل صحيح إذا نزل المعدل ينزلوني من هذي الكلية أم إني خلاص ثابتة؟؟!! لِأن كل ناس تقول كلام غير فاللي عنده خبرة يفيدنا ( علما بأني بجامعة غير جامعة الملك عبدالعزيز! هل في اختلاف؟!)

وعليكم السلام ورحمة الله وبركاته.
اختي الله يسعدك بالنسبه لجامعتنا هنا انتي طالما دخلتي الكليه خلاص انتي ثابته فيها. لكن اذا نزل معدلك اتوقع عن 2 الظاهر انه يعطومي لفت نظر او يوقولوا لك حولي لكن رسميا ما يشيلوكي لانهم يبغون مصلحتك لان اذا عدتي السنه مرتين ينزل قرار فصلك من الجامعه هذا بالنسبه للنظام عندنا.
واذكر في جامعه من الجامعات واحد من الشباب دخل الطب ونزل معدله عن 3.75 ونزلوه صيدله.
اتمنى اكون افدتك واي استفسار ان شا ءالله اعضاء المنتدى الاعزاء مايقصرون معك.
تمنياتي لك بالتوفيق.
تحياتي

[قصة غروب]

المشاركة الأصلية كتبت بواسطة nice-nona السسسسسسلام عليكم والله اتصفحت هالقسم وحبيتوو بس متخووفه كتيييير اليووم كتبت الرغباات وحطيتها كلها بكليه العلوم الطبيه التطبيقيه مع تنووع اتخصصات طبعا .. وطبعا هدا بعد استخااره مع اني قبل كدا الفتره اللي راحت عزمت ع السفر بس سبحان الله لما جا ووقت اختيااار التخصصات مدري كيف لا شعوريا كتبنا هالكليه وهالاقسااام اللي موجوده هنا بجده جامعه الملك بس الحين مدري احس نفسي مو متحمسه واقوول مدري كييييف اخترت كدا و اول كنت معزمه ع اني اسااافر ونفس الوقت بيني وبينكم خاايفه ادرس هنا السنه التحضيريه وبعدين مااجيب المعدل المطلووب اللي يدخلني كليه العلوم الطبيه التطبيقيه لانو تعرفو اكيد الجامعه تختلف عن المدرسه وبدكاترها وبنظامها وبالمعدل اللي مدري كيف يطلع مع العلم اني ماشاء الله شااطره بس خاايفه لاني امووت بشي اسموو طب وخاايف هالسنه التحضيريه تووقف بيني وبين احلامي مع العلم لو ساافت بررررا راح ادخل ع التخصص اللي ابيه مبااشره بدوون سنه تحضيريه لذلك تندمت بعد مااخترت الدراسه هنا بس مدري ممكن فيه خير لياااا لانو سبحان الله كنت شاايله الفكره من ر اااسي اني ادرس هنا ولما جا وقت التقديم كتبت هنا واهلي طبعاا مايبغووني ارووح برا لوحدي وكدا وصعبه بنت ترووح بس اليوم لما شاافوني شوويا زعلانه وكدا قالولي عادي ادرسي هالسنه واذا جبتي المعدل اللي يدخلك الكليه الطبيه كان بها واذا ماجبتي راح نسفرك وتدرسي برا بفلووسنا وممكن هدا الشي اللي ريحني شووووي ياليت تقولوا رايكم بحاالتي هدي وش تنصحوني فيه ,, وهل تنصحوني اترااجع عن اختيااري اللي اخترتووا هنا بجامعه الملك وارووح اساافر بررراا بليز قولو الاحسن لاني الحين اقدر اغير قبل ماتطلع االاورااق طمنووني الله يطمنكم

وعليكم السلام ورحمة الله وبركاته.
قبل كل اسال الله ان ييسر لك امرك ويشرح لك ويصدرك ويختار لك الخيره.

الشئ الثاني صدقيني لاتشيلي هم الدراسه هنا في الجامعه انها صعبه وعقده والدكاتره ما ادري ايش فيهم هذا كله كلام ما منه غير وجع الراس,وهذا احنا متغربين عن اهلنا لكن جينا علشان اهدافنا وحطينا رغباتنا والحمدلله اتحققت لنا, وانتي زي ماقلتي انك ماشاء الله شاطره يعني لا تشيلي هم غير كذا الشاطر شاطر سواء في الثانوي او جامعه او حتى معهد مهني,والدراسه هنا تطورت وسهلوها اكثر من اول يعني ان شاء الله تدخلي رغبتك الاولى وان شاء الله بذكرك بعد السنه التحضيريه.
اما بالنسبه للسفر للخارج,اختي الغاليه والله خليكي هنا عند اهلك احسن لك واحسن لدينك وهنا اهلك وقت ما تحتاجينهم تروحين لهم اما هناك صدقيني صعبه, وغير كذا اصلا الواحد بعد الثانوي يظل تفكيره مغلق ومحددود ولما يسافر الخارج ويشوف الدنيا مفتوحه وكل شئ عنده بتكون شوي نتائج سلبيه.

وهنا ماشا ءالله الجامعه ماشاء الله معروفه بالتخصصات الطبيه وقويه برضوا وفيها اكثر من تخصص يعني ان شا ءالله نشوفك في اي تخصص طبي.

اختي اتوكلي ع الله واستخيري مره واثنين وثلاثه الى ما ربك يشرح صدرك.
والخيره فيما اختاره الله لك.
اتمنى اكون افدتك اختي الغاليه.
تحياتي...

[Queenito]

ممكن احد يفهمني كيف " العلاج الطبيعي "
يعني من نايحة الشغل
ناس يقولوا تسوي مساج للناس بس و ناس يقولوا زي الرياضة وماعرف ايش >_<"
:$

[weddah]

المشاركة الأصلية كتبت بواسطة queenito ممكن احد يفهمني كيف " العلاج الطبيعي " يعني من نايحة الشغل ناس يقولوا تسوي مساج للناس بس و ناس يقولوا زي الرياضة وماعرف ايش >_<" :$

أكيد العلاج الطبيعي مو معناته مساج او رياضة

وما انصحك تسمعي كلام الناس عنه
لان التخصص لسه جديد واغلب الناس مو فاهمينه

حأرجع اكتبلك مره تانية بالتفصيييل اش العلاج الطبيعي
لان الكلام عنه مرره كثير :

[Queenito]

^^^^
انا بأنتظرررررررررررررررر xd

[طالبة معلومات]

سؤال لو سمحتوا
طالب متخرج دبلوم عالي أشعة الكلية الصحية بحائل
يرغب اكمال البكاوريوس بالأشعة
مالشروط ومتى التسجيل وكيف تحتسب السنوات بالدراسة

[قصة غروب]

بالنسبه للشروط والمواعيد هذي يراسل عمادة القبول والتسجيل او انه يشوف التقويم حقهم واكيد بيفيدونه.
اما بالنسبه لسنوات الدراسه اتوقع انه بيكون مثلنا بس بيختلف انه خلاص ما يحتاج سنة امتياز يعني اربع سنوات لو بيخلونه يدرس تحضيري.
اتمنى اني اكون افدتك
وبالتوفيق ان شاء الله واي استفسار ان شاء الله اعضاء المنتدى الاعزاء مايقصرون.

[amal max]

السلام عليكم ..
عندي سؤال .. واتمنى تجاوبوني باسرع وقت ممكن ..>>> ؟؟
امممممممم ..
على كم وقف المعدل حق كليه العلوم التطبيقيه .. المعدل العام واالخاص ...بالنسبه للبنات ..؟؟؟

انا احتمال تصير عندي كم ماده سي .. هل هذا يأثر .. اذا كانت ماده وحده بس ..؟؟

[amal max]

بليييز ابي جواب

[د/شهود]

انا عندي كمان سؤال

كم طالبه تقريباً يقبلوها في كليتكم؟