مهم لجميع الطالبات وبالذات اللي يروحو مع باصات الخالد

[lonia]

سلام عليكم

جزاك الله خير اخي على انك خبرتنا

والله لو تصدق انت جيت بوقتك

كانو اهلي بكرا حيسجلوني بيه

الله يوفقك

[يانووو]

وياكي ان شاء الله
االه يحفظك لاهلك ويقر عينهم بيكي

[.,.نيــــــــــــــــــــران.,.]

لو سمحتوا الموضوع لايتحول إلى جدال


الله يحمي الجميع عموما

وكلن عقله في راسو يعرف خلاصوووو

[حلوة المعاني]

يآآآآآآآه تعلمونا فيهم لي اربع سنين معاهم ومرو علي اشكال والوان وكولهم يشتركو بخاصية وحده إلا وهيه
المرايا يحبون يطالعون بالبنات حسبي الله عليهم وعلى من سمح لهم بالسواقه + اختلاق السوالف انتي ايش تخصص والبعض تتطور المرحله عنده ويسأل انتي متزوجه ولا لا !!!!!!!
لكن اخلاق بنات الباص تمنعهم من التمادي


وترا الخالد والماجد شركة وحده واغلب سواقينهم اخلاقهم زفت
الله يحمي بناتنا منهم يارب

لكن للامانه في بعض من سواقينهم محترمين

اخوي مقدرين غضبك على هالشركه اللعينه بس اتمنى تحترم وجهة نظر الاعضاء

[:. مآء السمآء .:]

/



أنا من لما دخلت الجامعة الين تخرجت كنت مع الخالد

مرروا عليا أشكال و ألوان سواقين صراحه الشركه كويسه و تعاملهم جيد كانوا يضايقوني في شغله وحده بس انو يقبل عدد كبير احياناً و يصير الباص زحمة

حتى المرايه كنا نكلمهم و يقلبوها و عادي

و مدير المكتب السوداني أحمد مررره محترم

و كمان مرره نسيت جوالي في الباص و رجعوا لي هو

مرره وحده كان فيه سواق ينام و هو يسوق هذاك كان صح يجيب لي الرعب و راح بعدين لشركة المطرف


و بعدين في كل الشركات الثانيه نفس السواقين و ماراح يختلفوا عنهم في شيء

و اذا على السرعه بـ امكانك تكلم الشركه و تعطيهم اسم السواق و تشتكي و حيتعدل بعدها




\

[أميرة الذوق..]

اانا كنت معهم بس سبتهم

[يانووو]

المشاركة الأصلية كتبت بواسطة :. مآء السمآء .: / أنا من لما دخلت الجامعة الين تخرجت كنت مع الخالد مرروا عليا أشكال و ألوان سواقين صراحه الشركه كويسه و تعاملهم جيد كانوا يضايقوني في شغله وحده بس انو يقبل عدد كبير احياناً و يصير الباص زحمة حتى المرايه كنا نكلمهم و يقلبوها و عادي و مدير المكتب السوداني أحمد مررره محترم و كمان مرره نسيت جوالي في الباص و رجعوا لي هو مرره وحده كان فيه سواق ينام و هو يسوق هذاك كان صح يجيب لي الرعب و راح بعدين لشركة المطرف و بعدين في كل الشركات الثانيه نفس السواقين و ماراح يختلفوا عنهم في شيء و اذا على السرعه بـ امكانك تكلم الشركه و تعطيهم اسم السواق و تشتكي و حيتعدل بعدها \

كلامك على العين والراس وصح كل شركه فيها سواقين
بس الاداره هيا الاهم اذا الاداره كانت حازمه في امورها ومتشدده على السواقين الكل حيمشي غصبا عنه بنظام واحد

يعني لو الشركه كويسه ماكان تتكررالاخطاء دي
وبالنسبه لانك تقولي نكلمهم عشان يهدو السرعه ياما اتكلمنا

يا اختي الموضوع في تزايد وكل مالهم بيتمادو والشي اللي يقهر المدير حقهم وسخ وقليل حيا ومررره شركه سايبه

مشكوووووووووووووورين لكل اللي شاركونا

وبالنسبه للاخت المشرفه اللي تقول لا يتحول الا جدال

بصراحه يا اختي لو تشوفي طريقة الرد حتعرفي مين بدا الجدال تحياتي لكي

وبالتوفيق

[شك شك]

تعيش باصات عفت تعيش تعيش تعيش
والله ع انها غاليه وكنت ابغى اغير لباصات الخالد الحين رجعت لمثل امي
هين قرشك ولا تقتل نفسك
افتكر لمى كانت تشتكي من الباص
والله مسكينه طلعت جالسه في جحيم باصات
< متقاطين في اليوزر انا واخي
مشكور ع التنبيه الله يحفظ اهلك مثل ما حفظت بنات الناس

[bisho]

يؤؤؤؤؤؤؤؤؤؤ


والله دوبني دقيت عالشركه واخذوا رقمي واسمي واتفقنا

ايش اسوي ؟؟

[east flower]

أنا اعتقد إنو مو كل السواقين زي بعض بس اللي مايخاف الله لمن يشوف مافي رقابة عليه يسوي اللي يباه على كيييييييييييييفو

أنا ليا سنة مع شركة المطرف صراحة ماعمري اشتكيت منهم الحمد لله وماسمعت احد يشتكي منهم فعلا شركة محترمة
مالي مصلحة أقول الكلام دا عنهم غير لأنهم فعلا كدا يجي في الموعد وفي الرجعة كل ساعة كل موجود ونادرا ما يتأخر دقايق والسواق الحق ينقال عمره ماحسيت حتى لمن اروح او ارجع لوحدي او اخر وحده انو قليل ادب او مسرع في الطرق او اي شي تاني الشي الوحيد اللي يسويه يتصل لمن يوصل يقول يلا ولمن تجي نازلة عند بيتك يسأل الساعه كم بكره وبسسسسسسسسسسسس