هام لطالبات الانتساب الي متى الاستهتار بعقولنا وأذيه الامن والسلامه (يوجد صوره)

[انجل~]

أنا عندي اقتراح لو يسلمون كل طالبه تدخل الجامعه موظفه امن
فله صراحه
اصلا ابشركم صار ممنوع توقفين تسولفين
لازم تصفطين او تسولفين وانت ماشيه
حسبي الله عليهم
أخس ترم مر علي
أعوذ بالله

[hanaa_11]

والله انك صادقه انا كل يوم لازم وحده من الامن تقلي عندك محاضره ولا اطلعي عند البوابه وتخيلو اني اطلع واستنى برآ ساعه الاربع عبال يوصل السواق وكل يووم ع هذا الحال
حسبنا الله عليهم

[® βutteяfly aηgel«~.]

.
.
قسم قسمآت جامعه خربآآآآآبه
النآس اتطوروا ودول عادهم َ
الله ييسرلنا بعثات ونفتك من التعليم الـ
اللله يعينكم ~
.
.

[منتسبة !!]

من جد وربي نحنا طلاب علم المفروض ييسرو ويسهلو لينا الطرق
مو زي كدا يقفلوها ويكرهونا في كل شي.. اخلاق تدل على بيئتهم اصلا بصراحه من حقون الامن
دولا وحقون الشؤون اللي بيتكبرو ويطولو لسانهم ومادري على ايش ..

عشان كدا الواحد على قول بترفلاي انجل يتمنى البعثه من جد حيكون فرق في المعاملة
وحيحترمونا اكتر من كدا

[louolouo]

كلامكم كلو صح
مااذكر متى بالضبط يالترم اللي فات يا اللي قبلو
قفلو بوابه غربيه في الليل حقت الباصات وقالو روحو من شماليه
كلمناهم انا وصاحبتي وقلنا حرام نروح من بوابه شماليه لما بوابه غربيه وياليت من جو إلا برا
كلمنا الامن جوا قالو القرار من الامن اللي برا الرجال
طبعا انا صاحبتي ماعلينا من احد كلمنا الامن الرجال قالو من المسؤول اللي لابس توب رحنا لما عندو
وكلمناه مارد علينا صار يمشي يمين ويسار ويتكلم بالجهاز اللي عندو
انا وصاحبتي لكيعين جلسنا وراه وراه قام نفخ علينا وقال دي الاوامر من فوق
خلاص روحي لسيارتكم
قلنالو احنا باص والمسافه بعيده علينا
حرام نمشي المسافه دي كلها
قال مالي شغل يلا روحو بس مو فاضيلكم

دولا الامن اللي برا
اما اللي جوا خليهم على جنب يبغالهم مجلدات
خليني ساكته بس


خلوها على ربكم



مااقول غير حسبي الله ونعم الوكيل فكل شخص ظلمنا في الجامعه



استغفر الله واتوب إليه

[kh.dd]

حسبي الله مو معقول كدا

والله خوفتيني من الانتساب
الله يستر بسسس
لا مستحيل تسكتوا لازم نرفع شكوى عن الكل

[بنت القبائل]

شو هذا التعامل ............. الحمد الله خلصنا ولا شفنا

احنا بجامعه ولا في ؟؟؟؟ حتى لو في ؟؟؟ ما يحصا كذا

احسن حل ؟؟

لمن تجيكم الاوراق الي في اخر الدورة يسمونها تقييم او استبيان
اشطبوا على جميع النقاط من بداية الصفحه الي اخرها

واكتبوا شكاويكم ؟؟ تراها مجربه والله

سويناها كم ترم نطالب ماجستير لطالبات الانتساب ... وتم الترم الي فات

الله يوفقكم وتتخرجون

[اتحاديه]

والله من جد شي يرفع الضغط وانا من اللي دايما مطرودين برا كله عشان ما يكتبوني تعهد حسبي الله عليهم ونعم الوكيل طيب انا بيتي بعيد اش اسوي...........

[m-a-h2003]

هما كدا الامن لازم يدورولهم شغله عشان يترزقو الله يكون في عونهم الفضاوة ذابحتهم

[اسير الاحساس]

كان الله بعونكم يا اخواتي...
للأسف الجامعة لدينا تسير في تخبط واضح...
ومركزة فقط بالمظاهر الخارجية ولم ينظرو للمناهج والتدريس وطرق تطوير العملية التعليمية
لايوجد تركيز في تطوير المنهج الدراسي الذي اكل عليه الزمن وشرب...
لايوجد تطوير لقدرات اعضاء هيئة التدرس ومنسوبي الجامعة في جميع النواحي التعليمية وطريقة التعامل مع افراد المجتمع ومقابلة الجمهور...
مع الاسف الشديد جامعتنا تسير عكس التيار وياليت ان نجد لها بصمة واضحة في االمجالات البحثية والعلمية التي يشار لها بالبنان...
لانكذب على انفسنا اكثر وننثر الرماد بالعيون الجامعة سيئة من جميع النواحي الادارية والتنظيمية...
الواسطة والفساد الاداري والمحسوبيات وغيرها الكثير منتشر بكثرة في جامعتنا...

لاتلومو فقط منسوبو الامن بل لومو رؤسائهم واداراتهم ايضا...

اذا كان رب الدار ... بالدف ضاربا
فشيمة اهل الدار... الرقص والطرب