تعقيب عاجل جداٌ : لماذا تم استثناء طلاب الانتساب من الإعفاء من الرسوم ...

[D3is]

وش معنى استثناء الانتساب من الاعفاء ؟

ورسوم الانتساب أقل من رسوم السنه التاهيليه الي في السنه 16 الف ؟ يعني المفروض هم الاولى لو جينا في المفاضله

يعطيك العافيه يالسكب ولجميع الي صوتوا

[foras]

الله يجزاك كل خير ،،،،،،،،على الاهتمام بإخوانك المنتسبين ويجعل هذا العمل في ميزان حسناتك

[معنى الحياة]

جزاك الله خير أخوي السكب وإن شاء الله يصدر ملحق للقرار بشمول طلاب الانتساب بالاعفاء ونتفاءل خيرا والصبر مفتاح الفرج ودتم بألف خير وتحياتي للجميع إخواني وأخواتي في المنتدي

[مصرقع في الجامعة]

تم ارسال الرد بطريقة مصرقع بس أخلاق لكن الاخلاق تركتها عطيتهم مصرقع ههههههههههههه

[milo]

هذا الموضوع مهم جداً وأرجوا من الجميع المشاركة لأن يد وحدة ماتصفق ويد الله مع الجماعة وأشكر السكب شكر خاص على طرحة هذا الموضوع وأرجوا من الله أن يشملنا نحن المنتسبين بس الهمه منكم والله يوفق الجميع لما فيه خير للجميع

[القلب الاحمر3]

اصلا مافيه عدالة من اول
والسبب انه جميع كليات عسير وجامعة الملك خالد في الجنوب ككل
تمتلك نفس التخصصات الادبية وهي: التاريخ و الجغرافيا والعربي والدين
وهي تعج بالاف الطالبات ذوات الطموح العالي والواقع البائس المرير
جميع تلك الاقسام اكتفت منذ الاف السنين ولا يزالون يواصلون فيها ببؤس وشقاء
واما قسم لانقليزي اللي يعتبر الافضل في المنطقة فهو محتكرررررررررر يكاد يكون للطبقة العظمى في المجتمع الجنوبي
الكحيان

ولما قلنا بنتطور ونسجل انتساب وندخل الاقسام اللي نحبها والله يعيننا على التعب والبهذلة و الظلم والتفرقة اللي نعيشها في بلادنا
إذا بالظلم يلاحقنا وتُسقط الرسوم عن غيرنا ونحن ( نتفررررج)
طيب ليه؟ مو حرام كذا حسبنا الله ونعم الوكيل

ابو متعب ما يقصر والله يعطيه العافية قول وفعل

لكنها البطانة ......... ما نقول الا الله يجعلها صالحة ويبعد عن الجنوب اللعنة التي لحقت به

[ول ول]

يافرحة ماتمت الحين ماحد يحس فينا والله يانا طفران ورايح فيها وزواجي قريب والاسهم طاحت يوم نويت الحلال ونصف المحفظة طارت خلال الثلاثة ايام اللي طافت وعندي رسوم الجامعه الاسبوع هذا 3000 ريال والحساب مافيه الا 640 وكم هلله وابو متعب عطى الناس كلها زيادة الا حنا في القطاع الخاص شكلنا محنا سعوديين وعبء على البلد طيب وش الدبره نغير جنسية ؟ حتى اقل جنسية ماتقبلنا والتجار اكلونا من كل جهه وايجار وغثىو....
طيب الحل انا والله مليت شكلها بتجي زواج مسيار واعذرونا يابنات اذا عنستم مهوب بيدينا انا متوهق ببنت الناس كيف اطلقها وانا ماتزوجتها (اصعب موقف اواجهه)
يارب تيسرها بس والله يغنينا من فضلة فهو اكرم واجود من سأل فسألوا الله من فضلة

[معنى الحياة]

أخواني وأخواتي نرجو التفاعل مع مبادرة أخونا رائد المطيري وسباق ألاف ميل يبدأ بخطوة دعونا نبدا في التفاعل الايجابي

[دمعة يتيم]

شكرا اخوي

وتم رفع الشكوى بعنف إلى التعليم العالي وإلى الوزير

[خالد بن عبدالعزيز]

قسم بالله جاني حرقان حسبي الله ونعم الوكيل
يااخي ماادري ليش مستحقرين طلاب الا نتساب انا لي سنتين وكل سنه ارسل شكوى وسبق وان ارسلنا برقيه للملك لكن لاجدوى منها
والان تم ارسال شكوى قوية جدا لمعالي وزير التعليم الذي يعلم عن حالنا ولاحياة لمن تنادي


اخي وصديقي ول ول
الله يكون بعونك وصدقني اني اعرف طلاب كثير نفس حالتك واكثر توكل على الله وانا اخوك وتراك على اجر باذن الله تعالى
مالنا الا نقول حسبي الله ونعم الوكيل ولاحول ولا قوة الا بالله
الله ااغننا بفضلك عمن سواك ياحي ياقيوم