قروب بحث وتدريب مع الدكتور الفاضل ضيف الله النفيعي للفصل الاول 1435

[العتيبي طلال]

ما يردوووووووون
وش الحل

ابي اسجل عند هالاستاذ
وانا بالرياض ولا يمديني اجي
واتصلت على واحد هناك بالجامعه وراح لهم
قالوا الاستاذ مقفل الشعب
مع اني متصل على الاستاذ وقايل لي روووح سجل عادي بالجامعة

وش الحل

[ابوجواد]

الله يعينك الزم الاودس وعملية تحديث مستمرة صار لي سبوعين ماسجلت الا امس
دائما الزين والطيب يكون صعب المنال

[عبدالرحمن الحبيشي]

السلام عليكم ورحمة الله وبركاته
كلمت قبل قليل الدكتور الفاضل / ضيف الله النفيعي وفقه الله لما يحب ويرضي
وكان في قمة الأخلاق والتواضع وطيب النفس وقلت له أنا سجلت عندك فسألني
كم عدد موادي في هذا الترم وأي الشعب اللي سجلت فيها وأجبته وقالي كيف تريد
طريقة البحث إختبار وإلا بحث قلت له إختبار قال سجل عندك أسم الكتاب (الوجيز في طرق البحث العلمي) للدكتور/ احمد المزجاجي .
وأخذ رقم جوالي ورقمي الجامعي وقال قبل إختبارات الترم بأسبوعين إتصل في من أجل نحدد يوم الإختبار .
شكرا لك يادكتور من القلب علي حسن تعاملك وأدبك الجم وإلطيبه التي قل مانجدها من باقي دكاترتنا الفضلاء هداهم الله .
ووفقنا الله جميعا لما يحب ويرضى.

[ahmad nfaa]

ياشباب هل أحد يعرف
متى الساعات المكتبية
للدكتور ضيف الله

او متى أفضل وقت للإتصال عليه

[احمد الدلبحي]

يااخوان انا ادارة عامة هل اقدر اضيفها ولا متاحة لقسمكم فقط تطوير اداري

[بدر نواف]

السلام عليكم ورحمة الله وبركاته ,,
إتصلت اليوم بالدكتور الفاضل ضيف الله النفيعي.
وللأمانة أخجلني تواضع الدكتور , بصراحة إنسان في قمة الإحترام.
ماشاء الله تبارك الله .

طلب مني البيانات التالية :
الإسم - رقم الطالب الجامعي - الشعبة - رقم الجوال- كم عدد المواد المضافة لدي.

خيرني بين الإختبار أو عمل البحث (أخترت إختبار)
حدد لي الكتاب وهو (الوجيز في طرق البحث العلمي) للدكتور المزجاجي. وقال الأسئلة صح وخطاء.
والفصل السابع محذوف.


مع تمنياتي للجميع بالتوفيق .

[نــورهـ]

و عليكم السلام و رحمة الله و بركاته ..

تجمع مبارك أخواني و فالكم التوفيق ..

[ابوجواد]

المشاركة الأصلية كتبت بواسطة بدر نواف السلام عليكم ورحمة الله وبركاته ,, إتصلت اليوم بالدكتور الفاضل ضيف الله النفيعي. وللأمانة أخجلني تواضع الدكتور , بصراحة إنسان في قمة الإحترام. ماشاء الله تبارك الله . طلب مني البيانات التالية : الإسم - رقم الطالب الجامعي - الشعبة - رقم الجوال- كم عدد المواد المضافة لدي. خيرني بين الإختبار أو عمل البحث (أخترت إختبار) حدد لي الكتاب وهو (الوجيز في طرق البحث العلمي) للدكتور المزجاجي. وقال الأسئلة صح وخطاء. والفصل السابع محذوف. مع تمنياتي للجميع بالتوفيق .

وانا كذالك اعطاني نفس الكلام وبصراحة الدكتور قمة في الاحترام

[العتيبي طلال]

تكفوون ابي اسجل عند هالاستاذ
اتصلت عليه ويقول روح للجامعة سجل
ولما ارسلت واحد من الشباب يسجلني
قالوا له الاستاذ مقفل الشعب !!!!
واتصلت على الاستاذ قال لي ما قفلت شي
ارجع لهم مره ثانيه ..

وش الحل يا جماعه مع العلم اني يومياً ادخل ع الاوديس واسوي تحديث
لصفحة اضافة المادة ابي اي شعبه تفتح عشان اسجل
بس للأسف مافتح شي
ايش الحل لاهنتوا

[عبدالرحمن الحبيشي]

المشاركة الأصلية كتبت بواسطة د.نورهـ و عليكم السلام و رحمة الله و بركاته .. تجمع مبارك أخواني و فالكم التوفيق ..

د/نورهـ ......
وبارك فيك أختنا العزيزة ووفقك لما يحب ويرضى،،،،