تجمع لبنات التقويم ارجو التثبيت

[Heba EB]

اول شي كل وحده تقول بكم حطته
5 آلاف ريال

ثاني شي لمدة كم
طال عمـرك الدكتور قال لي : احتمال سنة ونص

والحين كم صار لها ؟؟ وين وصلت ؟؟
صار لي 4 شهور ولله الحمـد

وماهي مشكلة اسنانها
الفك العلوي : أسناني متقدمة
الفك السفلي : الأسنان فوق بعض

ومتى موعدها الجاي ومتى اخر موعد
في نهاية الشهر دا يوم الخميــس الساعة 5 العصر << بالتفصيــل

وش سوت بالموعد الاخير
شديـــــت

واللي وصلوا للتقويم المتحرك يقولون لنا متى يحطونه ولمدة كم ؟؟
لم نصـل له بعـد

وماهي ماركة فرشة التقويم والعاديه ؟؟ وبالمره معجون الاسنانOral B
اممم ماعندي معجون محدد << تحب تجرب كل الأنواع

ونبي احسن فرشه جربتوها وتنظف زين
Oral B ماجربت غيرها

واذا عورتكم اسنانكم من الشد وش تستخدمون مسكن
ماأوصل للمسكن ، بس إذا مرة زادت بندول عادي

و وش تاكلون اهم شي يالحياة الاكل
كل مالذ وطاب
في البداية كنت اتجنب بعض المأكولات ، لكن دحين خلاص تعودت بس لازم اليومين الأولى بعد الشد أقطع الأكل صغير صغير وأدخله في فمي علطوووول



بس أزود شئ في النهايـة ../

قبل ماأبدأ أركب تقويم كنت خائفة جداً من موضوع الألـم الشديد - خصوصاً إني أتألم بشدة - ، لدرجة إني قعدت سنتين أو ثلاثة مترددة أركب ماأكرب ،
والحمدلله قررت أركب .. ولم أعاني من الألم الشديد اللي كنت خايفة منه
فقط ألم بسيط ( عادي ) لما خلعت ، وألم بسيط لما أشـد



الله يسلمكم
وتصيـر ابتسامتكم أحلى من

[كبرياء جرحي]

هههههههههههههه انتى مثلي اربع اشهر الظاهر ركبناه مع بعض

انا قرار وتنفيذ على طوووووووول

[عندما يتكلم الصمت]

أنا نفسي أعمل بس زينة مو تعديل أو شئ ..

وحاطة حدي 2000 لأن الميزانية ماتسمح

خاصة إن ماأتوقع أهلي راح يساعدوني لأنهم رافضين الفكرة ويقولو مش حيــلو


إللي عامله التقويم زينة بس , ياليت تفيدني شاكره لكم ..

صمت ..

[كبرياء جرحي]

ليش زينه والله متعب وحتى الاكل مو بالحيل خصوصا لاتشــــــد

ابعد عن الشر وغنيله

[منى عمرين]

((غموض ))
ياغموض ليه خايفه من الخلع ...
مافيه الم لانو فيه بنج ...
وبصراحه الدكتوره جلنيه يدها خفيفه وهي احسن دكتوره عشان كدا زحمه عندها ..

[طمـــــ في شموخ ـــــوح]

ياجمـــــــــــــــاعة ابغاكم تنصحوني بدكتورة ممتازة في التقويم أبغى عن تجربة وثقة
مو تروييييييييييييييييييييييييييييييييج....هههه

[طمـــــ في شموخ ـــــوح]

ياليت الموضوع يتثبت

[كبرياء جرحي]

تثبت بس رجع نزل


انا عن نفسي ماجربت الخلع والله يستر لسى مكمل التقويم وثانيا لاتخافي امشي على شعار كبرياء

الم يوم ونيتجة سنين ......

[متاخره واااايد]

تصدقو اول مرآآآ اشوف الموضوع

بيني وبينكم اشوا ولا كان ماحطيتو تقويم هههههههههههه


انا والتقويم معاناه غير شكل مااظن احد مر فيها من قبل


حرد على اسئلتك وانتي احكمي

اول شي كل وحده تقول بكم حطته

حطيتو بـ 6000 ونص

ثاني شي لمدة كم

هوا اللي انقال ان المده سنه او ستة اشهر..

والحين كم صار لها ؟؟ وين وصلت ؟؟

سبعه سنين هع << ترى بجد ماامزح

لاتنحو انا ححكي الحكاية من اولها

انا حطيتو من يوم كنت تاني متوسط << عاد احسبوها انا دحين تاني جامعه

المشكله كانت انو اسناني الاثنين الامامين شوية طالعين وحابه ازبطهم

وحطلي التقويم من غير اشعه وبعد كم شهر اكتشفنا انو الناب عندي لساتو لبن

فقال خلوه يطيح براحتو وجلسنا سنه ونص نستنا الاخ وماطاح وبعدها خلعو

وقال نستنا الناب الدايم يطلع والاخ جلس تلاته سنين وماطلع بعدها سوالي عمليه شق وسحب

وطبعا يبغالها وقت على بال ماينزل السن ويترتب وبما انو السن نازل من الخلف بمن الصعب سحبو للامام

ودحين ليا سنه استناه والحمدلله بين راسو بس من الخلف واخر زياره قلي المره الجايه حنشدو بزياده

ولاتقولو الدكتور شكلو لعاب لا دا تالت دكتور اتحول عندو ودا اشطرهم وليا معاه سنتين تقريبا

في مستشفى غسان فرعون

وبس دي قصتي
ومتى موعدها الجاي ومتى اخر موعد

موعدي الجاي براس السنه

اما اخر موعد لسا ماتحدد دعوااتكم

هوا قال 6 اشهر بس لو سنتين وهوا معلق مع 6 اشهر دي

وش سوت بالموعد الاخير

ولا شي غيرت اللون ورجعت البيت وهوا يكرر انو باقي 6 اشهر وانو الشهر الجاي بيزيد الشد

الله يعين ع الالم

واللي وصلوا للتقويم المتحرك يقولون لنا متى يحطونه ولمدة كم ؟؟

لسا .. دعواتكم

وماهي ماركة فرشة التقويم والعاديه ؟؟ وبالمره معجون الاسنان

الفرشه Oral-B

اما المعجون فاي شي عادي

ونبي احسن فرشه جربتوها وتنظف زين

ماغيرتها

واذا عورتكم اسنانكم من الشد وش تستخدمون مسكن

ولاشي احاول انام مع اني خلاص سرت متبلده مااحس بشي

و وش تاكلون اهم شي يالحياة الاكل

كل شي يحبو قلبك حتى اللبان اكلو ولاكاني عامله تقويم

دعواااااااااااااتكم القلبيه اني اخلص مع انو سار جزء مني مدري حاسه اني ححزن على فراقو

[شرووق]

^
وي يا بت 7 سنين ... وحده من صحباتي كذا طولت مره ...


وعلى سالفه الخلع ... على حسب الدكتوره ... انا دكتورتي طلعت عيوني ...
ابرتها مررررره توجع تحسيها في جسمك كله ...
بس انتي لازم تسألي عن الدكتوره علشان ماتتألمي زيً ...

موفقين ان شاءالله ...