ღ [مُلـــتقَى العَــــرائسْ ....ღ

[بنت العسكري]

السلام عليكم,,
كيفكم يا عرايس؟؟
مممم انا شبكتي كانت الاسبوع اللي فات *ـــ*
و كان اول مررررة في حياتي اسوي مكياج!!تخيلوووااا
يعني العادة بسس كحل من جوا و روج وردي,,لو ايه ما اغير
الموهم جلست اترجى في الكوفير انو ما تسوي لي حفلة في وجهي و وافقت
و قالت لي اصلا صعبة اكثر لك و انتي تقولي اول مرة تسوي لازم اراعي مشاعرك
و صلحتني و ما عجبني مع انو ماما و خالاتي و عماتي و و و كللهم عجبهم و قالوا لا بالعكس حلوة و مش عارفة ايه , سبحان الله ما احب المكياااااج مرررررررهـ
الموهم خلصت المكياج و جينا للتسريحة برضو لو اقول لكم ما تصدقوا
اول مرة اسوي تسريحة هههههههه لا تقولوا من فين جايه!! انا من كوكب اخر
معروفة انا في كل المناسبات انو شعري يكون مفتوح سواء ستشوار او جل و احط فيه فيونكات صغار او بعض الاحيان بف صغنون او اتركه ساده يعني في شبكتي سويت صدمة لنفسي و للحاضرين و الله كل ما وحدة جات تسلم عليه تقولي لا لا مو معقول غيرتي لوكك
خلصت الحفلة و الدلع و جينا للجد و هو ازالة المكياج و فك التسريحة
يا وييييييلي اش هذا مرة تعذبت و بالقوووة راح المكياج بمساعدات خارجية من ماما
و التسريحة اش هذا خلصت علبه اسبري كااامله و إلا ايه؟؟ مرررة يابس و الله اخذت علبة زيت الزيتون كااااملة في شعري كبيتها المشكلة شعري طويل..و خلصت بعد عناء شديد و اليوم الثاني قلت لماما على بالك انو انا هبلا و رح اسوي هالكلام في الزواج!! خير مين يمسح معايه المكياج و يفكفك التسريحة !!
عارفة انا كتبت لكم قصة حياتي بسس عشان تعرفوا قد ايه كانت معاناتي,,
عشان استشيركم في فكرة خطرت في بالي و انا فوق السرير
و هي انو ما رح اسوي في زواجي تسريحة!! رح استشور شعري(مو انا طبعا الكوفيره) و البس قبعة ههههه سويت اختراع على بالي من جد اش رايكم عادي صح؟؟
و رحت للسوق اشوف فستان للزواج و صدفه مريت من محل فيه فستان زفاف و فيه من الخلف فيونكه كبيرة و معاه قبعه و عليها نفس فيونكه الفستان واااااو مررة انبسطت و رح افصل زيه
بالله اش رايكم؟؟ماما قالت اعطيني وقت اشاور فيه دماغي..مع انو ما اعتقد توافق
لانو اتذكر في الشبكة عمتي لما سلمت عليه قالت مررة حلو شكلك و نعوم و في الزواج ما ينفع لااااازم تكون التسريحة افخم و المكياج اكثر,,و الله انا ما ابغى شايله هم لما اروح مع سيد الحسن للفندق!!خيييييييير كيف افكفك في شعري؟؟,,بالله العرايس كيف يقدروا يشيلوا المكياج و التسريحة؟؟
معليه مرررررة طولت لكن اش اسوي ما عندي اخوااااات و ماما مرررة تعبتها معايه

[أسماء بنت الزهراني]

هو يساعدك ياحلووة (^_*)

[soul angel]

منة سنتر- شادية سنتر-فيوتشر-العناية- اوريانا-كارمن-بثينة

اول شي الله يوفقك ويتمم على خير

انا طبعا جلست درسة الموضوع هذااا دراااسة
اول شي حابه اقولك انا زواجي في شهر 8 وسالت كثثثييييييير عن المشاغل وجربت مشاغل لان اختي كانت عروسه ورحت معاها

اختي راحت شاديه سنتر كانت عندها وحده ناسيه اسمها حلو مكياجها طبعا مافي غرف خاصه للعرايس مع الناس تجلسين
وانا اقولك شااادية ماتطلعك بنفس الوقت غير كذااا اللي شغلها حلو طلعت من المحل يعني ابعدي عن شاديه

فيه نااااس مدحولي في بثينه ومنه سنتر ووحده ثانيه اسمها احلام المها

وانا شفت بنت خالتي عملت مكياج عند منه سنتر شي ررررررااااااائع والله مرا طلعت حلوه في ملكتها

انا افكر في زواجي اروح عند منه سنتر ان شاااااااااااااااااااااااااااءالله او احلام المها

منه سنتر المكياج عند ذكرى والشعر عند نوال
رقمهم 6066628 ويطلعونك على المووووعد

احلام المها
المكياج عند مها والشعر عند احلام
ولا احد يمسكك غيرهم يطلعونك قمر (( هذا كلام وحده قالتو ليا ))

انا اصوت لمنه سنتر

[soul angel]

بنت العسكري فديتك ياعسل الله يوفقك ويتمم على خير

لا ياعمري لاتفكري بالقبعه مراا مو حلوه احسهااا منجد باااايخه حلاوة العروسه بالتاج الناعم والتسريحه الناعمه

انا مثلك ما احب التسريحه بس فيه تسريحات تجنن وحلوه على البنات الناعمين انا والله كل الزواجات استشوار ما اسوي تسريحات

راح اوريكي تسريحه حلوه




وهذي حلوه







وهذي حلوه للنعومات




واتمنى اكون ساعدتك

[بنت العسكري]

تسسسلمي ع الرد يا حلوة *ــــــ^
ممم طيب انا شاااايلة هم لما افكفك في شعري +_-
و كمان المكياج..
مين عندها طريقة تزيل فيها المكياج بدون ما يبقي اثر

[soul angel]

[quote]اسفه على التأخير لظرووفي الصحيه ..
.................................[/quote]

سلاماااات ماتشوفي شر

ويسلموووو ياعسل

[soul angel]

تسسسلمي ع الرد يا حلوة *ــــــ^ ممم طيب انا شاااايلة هم لما افكفك في شعري +_- و كمان المكياج.. مين عندها طريقة تزيل فيها المكياج بدون ما يبقي اثر

فيه حركة يعملوها العرايس كل اللي اعرفهم عملوها
راحو اشترو شعر نفس لون شعرهم وطبعا الكوفيره استشورت الشعر الطبيعي وعملت التسريحة بالشعر اللي اشتروه
ولما رجعت البيت طبعا تدخل في الغرفه وتنزل الشعر اللي تسريحه وشعرها يكون مستشور وماكان صار شي ^_^

بالنسبه للمكياج انصحك تسوين ناعم لاتسوين مكياج كثثثيييير يخرب ملامحك
واشتري مناديل مزيله للمكياج وامسحي المكياج وبعدين غسلي وجهك بالصابون مرتين او ثلاث مرات


وموفقه ياعسل

[بنت العسكري]

تسلمي يا حلوة على ردك مرة ثانية,,
لــــــــكـــــــــــــــــــــــــــــن حطي ست مئة خط احمر على فكرة الشعر!!!!! لعن الله الواصلة و المستوصلة
مرررة انتبهوا من هذي الحركة حرررام و ربي,,و الله لو ايه ما اسويها عسى الاسبراي ما عاد يطلع من شعري
عموما مشكورة مرة اخرى

[calla lily]

انا مرا قرأت في النت الفازلين يزيل مكياج العين بسهوووله خصوصا مكياج الكوفيرا
التقيل
ان شالله اكون ساعدتكم

[soul angel]

بنت العسكري مادري انا راح اسأل شيخ بالنقطة هذي لان هي ماتوصل الشعر تركيبه مو توصيله
وهي حرام اذا انتي بتغشين زوجك بس الله اعلم انا كمان راح اتاكد راح اسأل شيخ

ثاني شي ترا حتى الرموش اللي يركبونه حرام لان يعتبر توصيله